|
|
 |
| (GMT+08:00)
2008-05-13 15:20:55
|
 |
|
ອາຊຽນປະກາດວ່າໜ່ວຍກູ້ໄພໄດ້ກຽມພ້ອມແລ້ວທີ່ຈະໄປມຽນມາໃນທຸກເວລາ
cri
Author: d
ຕາມຂ່າວCRI: ວັນທີ13ພຶດສະພານີ້ ຢູ່ຈາກາກຕາ ນະຄອນຫຼວງອິນໂດເນເຊຍ ທ່ານສຸລິນ ພິດສຸວັນ ເລຂາທິການໃຫຍ່ອາຊຽນກ່າວວ່າ,ໜ່ວຍກູ້ໄພອາຊຽນໄດ້ກຽມພ້ອມແລ້ວທີ່ຈະໄປມຽນມາໃນທຸກເວລາ.
ມື້ດຽວກັນ ທ່ານສຸລິນແຈ້ງໃຫ້ອຸປະທູດມຽນມາປະຈຳອິນໂດເນເຊຍຊາບວ່າ, ຄະນະກຳມະການກອບກູ້ໄພພິບັດອາຊຽນຮັບຮອງຕໍ່ກອງເລຂາອາຊຽນວ່າ,ໜ່ວຍກູ້ໄພອາຊຽນທີ່ແນໃສ່ຊ່ວຍເຫຼືອໄພພິບັດໄດ້ສ້າງສຳເລັດແລ້ວ.ທ່ານເປີດເຜີຍວ່າ,ໜ່ວຍກູ້ໄພອາຊຽນປະກອບດ້ວຍໜ່ວຍກູ້ໄພຂອງປະເທດສະມາຊິກຕ່າງໆ,ມີຄວາມສາມາດເຮັດວຽກຢ່າງວ່ອງໄວ,ໄດ້ກຽມພ້ອມແລ້ວທີ່ຈະໄປກູ້ໄພຢູ່ເຂດປະສົບໄພຂອງມຽນມາໃນທຸກເວລາ.ພ້ອມກັນນັ້ນ ທ່ານສຸລິນຮຽກຮ້ອງໃຫ້ມຽນມາເພີ່ມຄວາມໄວໃນການຮັບເອົາການຊ່ວຍເຫຼືອຈາກປະຊາຄົມໂລກ.
ນອກນີ້ ວິທະຍຸແຫ່ງຊາດມຽນມາລາຍງານວ່າ,ນັບມາຮອດ18ໂມງວັນທີ12ພຶດສະພານີ້ຕາມເວລາທ້ອງຖິ່ນ,ຈຳນວນຄົນເສຍຊີວິດຍ້ອນພະຍຸຮຸນແຮງສູງຂຶ້ນເກືອບ 3 ໝື່ນ2ພັນຄົນ,ອີກປະມານ3ໝື່ນຄົນຫາຍສາບສູນ.
|
|
|
