|
|
 |
| (GMT+08:00)
2008-05-14 12:06:52
|
 |
|
ຊາວຈີນທົ່ວໂລກໃຫ້ການຊ່ວຍເຫຼືອແກ່ເຂດປະສົບໄພແຜ່ນດິນໄຫວແຂວງເຊສວນ
cri
ຕາມຂ່າວCRI,ພາຍຫຼັງເມືອງເວິ້ນຊວນແຂວງເຊສວນຈີນເກີດແຜ່ນດິນໄຫວຢ່າງຮຸນແຮງໃນຕອນບ່າຍວັນທີ12ພຶດສະພານີ້ແລ້ວ,ຊາວຈີນໃນທົ່ວໂລກມີການເຄື່ອນໄຫວສະໜອງຄວາມຊ່ວຍເຫຼືອໃຫ້ແກ່ເຂດປະສົບໄພ.
ຄະນະແນວໂຮມເອກະພາບສູນກາງພັກກອມມູນິດຈີນແຈ້ງໃຫ້ຊາບວ່າ,ວັນທີ13ພຶດສະພານີ້,ພີ່ນ້ອງຮ່ວມຊາດຮົງກົງມາກາວແລະພີ່ນ້ອງຮ່ວມຊາດທີ່ຢູ່ຕ່າງປະເທດຈຳນວນໜຶ່ງໄດ້ຜ່ານຈາກສະມາຄົມພົວພັນມິດຕະພາບກັບຕ່າງປະເທດຂອງຈີນເພື່ອດຳເນີນການບໍລິຈາກຢ່າງຕັ້ງໜ້າເປັນເງິນແລະເຄື່ອງຊ່ວຍເຫຼືອທີ່ມີມູນຄ່າ23ລ້ານຢວນ.
ວັນທີ13ພຶດສະພານີ້,ພາຍຫຼັງແຜ່ນດິນໄຫວເກີດຂຶ້ນພຽງ1ມື້,ວົງການຕ່າງໆຂອງຮົງກົງກໍ່ໄດ້ບໍລິຈາກເງິນ50ລ້ານກວ່າໂດລາຮົງກົງ.
ວັນທີ13ພຶດສະພານີ້,ອົງການປົກຄອງເຂດບໍລິການພິເສດມາກ້າວແລະມູນນິທິມາກ້າວຕົກລົງຈັດງົບປະມານ110ລ້ານຢວນເພື່ອຊ່ວຍເຫຼືອເຂດປະສົບໄພແຜ່ນດິນໄຫວແຂວງເຊສວນ.
ກົມກູ້ໄພສົງເຄາະກະຊວງການປົກຄອງແລະປະຊາສົງເຄາະຈີນແຈ້ງຂ່າວວ່າ,ນັບມາຮອດເວລາ18ໂມງວັນທີ13ພຶດສະພານີ້,ທົ່ວປະເທດຈີນໄດ້ຮັບເງິນແລະເຄື່ອງບໍລິຈາກຈາກວົງການຕ່າງໆຫຼາຍກວ່າ220ລ້ານຢວນ.
|
|
|
