|
|
 |
| (GMT+08:00)
2008-05-14 16:10:25
|
 |
|
ປະຊາຄົມໂລກໃຫ້ການຊ່ວຍເຫຼືອແກ່ເຂດປະສົບໄພແຜ່ນດິນໄຫວຂອງຈີນ
cri
ຕາມຂ່າວCRI,ພາຍຫຼັງແຂວງເຊສວນຈີນເກີດແຜ່ນດິນໄຫວແລ້ວ,ວັນທີ13ພຶດສະພານີ້,ປະຊາຄົມໂລກພາກັນກ່າວວ່າ,ຈະໃຫ້ເງິນຊ່ວຍເຫຼືອຫຼືໃຫ້ການຊ່ວຍເຫຼືອດ້ານມະນຸດສະທຳແກ່ການກູ້ໄພແຜ່ນດິນໄຫວຂອງຈີນ.
ກະຊວງການຕ່າງປະເທດນັອກແວ ປະກາດວ່າລັດຖະບານນັອກແວຕົກລົງໃຫ້ເງິນຊ່ວຍເຫຼືອປະມານ3ລ້ານ90ແສນໂດລາແກ່ຈີນ.
ນາງ ດານາ ເປີລີໂນ ໂຄສົກທຳນຽບຂາວອາເມລິກາປະກາດວ່າ,ອາເມລິກາຈະໃຫ້ເງິນຊ່ວຍເຫຼືອ5ແສນໂດລາແກ່ຈີນ.
ລັດຖະບານເຢຍລະມັນປະກາດວ່າ,ໄດ້ຜ່ານຈາກສະພາກາແດງເຢຍລະມັນໃຫ້ເງິນຊ່ວຍເຫຼືອງວດທຳອິດເປັນເງິນ50ແສນຢູໂລໃຫ້ເຂດປະສົບໄພແຜ່ນດິນໄຫວຂອງຈີນ.
ກ່ອນໜ້ານີ້,ໄທ ແບັນຊິກ ອູແກຼນ ຝະຣັ່ງ ໂປໂລຍ ຄະນະກຳມະການໂອລິມປິກສາກົນ ສະຫະພັນກາແດງແລະວົງເດືອນແດງສາກົນແລະອົງການຈັດຕັ້ງສາກົນອື່ນໆໄດ້ປະກາດວ່າຈະສະໜອງການຊ່ວຍເຫຼືອໃຫ້ແກ່ເຂດປະສົບໄພແຜ່ນດິນໄຫວຂອງຈີນ.
ວັນທີ13ພຶດສະພານີ້,ກະຊວງສະພາບສຸກເສີນຣັດເຊຍຍັງໄດ້ສົ່ງຍົນຂົນສົ່ງອິນ-76 ລຳໜຶ່ງຂົນສົ່ງເຄື່ອງຊ່ວຍເຫຼືອຈາກມົສກູໄປໃຫ້ຈີນ.
ນອກນີ້,ພັກການເມືອງ ອົງການປົກຄອງທ້ອງຖິ່ນແລະເພື່ອນມິດຕ່າງໆຂອງຍີ່ປຸ່ນພາກັນບໍລິຈາກເງິນໃຫ້ເຂດປະສົບໄພແຜ່ນດິນໄຫວຂອງຈີນ.ສົມເດັດນະໂລດົມສີຫະນຸ ພະບິດາຂອງເຈົ້າຊີວິດກຳປູເຈຍໄດ້ຜ່ານຈາກສະຖານທູດກຳປູເຈຍປະຈຳຈີນບໍລິຈາກເງິນ5ໝື່ນໂດລາໃຫ້ເຂດປະສົບໄພຈີນໃນນາມສ່ວນຕົວ.
|
|
|
