|
|
 |
| (GMT+08:00)
2008-05-17 16:24:24
|
 |
|
ອາເມລິກາຜ່ານອົງການສາກົນທີ່ບໍ່ແມ່ນລັດຖະບານສົ່ງວັດຖຸກູ້ໄພໄປຮອດມຽນມາ
cri
Author: mo
ຕາມຂ່າວCRI：ວັນທີ 16 ພຶດສະພານີ້ຢູ່ທີ່ວໍຊີງຕັນ, ທ່ານແມັກໂຄມາກ ໂຄສົກກະຊວງການຕ່າງປະເທດອາເມລິກາກ່າວວ່າ, ອາເມລິກາໄດ້ຜ່ານອົງການສາກົນທີ່ບໍ່ແມ່ນລັດຖະບານສົ່ງວັດຖຸກູ້ໄພໄປຮອດມຽນມາເປັນເທື່ອທຳອິດ.
ທ່ານແມັກໂຄມາກກ່າວວ່າ, ຕອນເຊົ້າມື້ດຽວກັນ, ອາເມລິກາໄດ້ສົ່ງຍົນຂົນສົ່ງC-130 ສົ່ງວັດຖຸກູ້ໄພ 4 ຖ້ຽວລຳໄປຢາງກຸງຂອງມຽນມາ, ໃນນັ້ນ, ມີ 2 ເທື່ອແມ່ນມອບໝາຍໃຫ້ອົງການສາກົນທີ່ບໍ່ແມ່ນລັດຖະບານທີ່ພວມກູ້ໄພຢູ່ມຽນມາ.
ນອກນີ້, ຂ່າວແຈ້ງວ່າ, ວັນທີ 16 ພຶດສະພານີ້, ທ່ານລູອິສ໌ ມີແຊວ ກຳມະການຂອງຄະນະກຳມະການສະຫະພາບເອີລົບທີ່ຮັບຜິດຊອບວຽກພັດທະນາແລະການຊ່ອຍເຫຼືອດ້ານມະນຸດສະທຳ ທີ່ຫາກໍ່ສີ້ນສຸດການຢ້ຽມຢາມມຽນມາໄດ້ຮຽກຮ້ອງຢ່າງແຮງກ້າອີກເທື່ອໜຶ່ງໃຫ້ລັດຖະບານມຽນມາອະນຸຍາດໃຫ້ກອງກອບກູ້ສາກົນຫຼາຍກວ່າເກົ່າເຂົ້າເຂດປະສົບໄພຂອງມຽນມາເພື່ອກອບກູ້ຊ່ອຍເຫຼືອ. ມື້ດຽວກັນ, ສະຫະປະຊາຊາດກໍ່ປະກາດວ່າ, ທ່ານຈອນ ໂຮນເມັສ໌ ຮອງເລຂາທິການໃຫຍ່ສະຫະປະຊາຊາດທີ່ຮັບຜິດຊອບວຽກງານກອບກູ້ດ້ານມະນຸດສະທຳຈະໄປຢ້ຽມຢາມມຽນມາໃນວັນທີ 18 ພຶດສະພານີ້, ເພື່ອຊອກຮູ້ສະພາບການປະສົບໄພແລະປະສານວຽກກູ້ໄພ.
|
|
|
