|
|
 |
| (GMT+08:00)
2008-05-20 13:31:43
|
 |
|
ປະຊາຄົມໂລກຕັ້ງໜ້າຕີລາຄາການກູ້ໄພແຜ່ນດິນໄຫວຂອງຈີນ
cri
ຕາມຂ່າວCRI,ວັນທີ19ພຶດສະພານີ້,ບຸກຄົນສຳຄັນດ້ານການເມືອງຂອງປະເທດຈຳນວນໜຶ່ງໄດ້ສະແດງຄວາມເຫັນໃຈແລະຢື້ຢາມຖາມຂ່າວຕໍ່ປະຊາຊົນຈີນກ່ຽວກັບໄພແຜ່ນດິນໄຫວຮ້າຍແຮງເມືອງເວິ້ນຊວນແຂວງເສສວນຈີນ,ແລະຕີລາຄາຢ່າງຕັ້ງໜ້າຕໍ່ການກູ້ໄພຂອງຈີນ.
ຕອນເຊົ້າວັນທີ19ພຶດສະພານີ້,ທ່ານບານກີມູນ ເລຂາທິການໃຫຍ່ສະຫະປະຊາຊາດໄດ້ໄປສະຖານທີ່ຄະນະຜູ່ແທນຈີນປະຈຳສະຫະປະຊາຊາດ,ໄວ້ອາໄລຜູ່ເສຍຊີວິດ,ທ່ານຍັງໄດ້ຍ້ອງຍໍໃນລະດັບສູງຕໍ່ຈີນທີ່ສະແດງໃຫ້ເຫັນກຳລັງ ຄວາມໝັ້ນໜຽວທົນທານແລະຄວາມກ້າຫານໃນເວລາປະເຊີນໜ້າກັບການທ້າທາຍ.
ຕອນເຊົ້າວັນທີ19ພຶດສະພານີ້,ທ່ານມັດຕີ ວານຮາເນນ ນາຍົກລັດຖະມົນຕີແຟງລັງໄດ້ໄປສະຖານທູດຈີນປະຈຳແຟງລັງ,ຢືນສະຫງົບນິ້ງໄວ້ອາໄລ ຕໍ່ຜູ່ເສຍຊີວິດຍ້ອນແຜ່ນດິນໄຫວ,ທ່ານກ່າວວ່າ,ໃນເວລາໄພພິບັດມາເຖິງ,ລັດຖະບານຈີນໄດ້ໃຊ້ມາດຕະການກູ້ໄພຢ່າງທັນການ ເດັດຂາດແລະບັງເກີດຜົນ.
ຕອນບ່າຍວັນທີ19ພຶດສະພານີ້,ທ່ານຢຸມຽງຮວນ ລັດຖະມົນຕີວ່າການກະຊວງການຕ່າງປະເທດແລະການຄ້າສເກົາຫຼີໄດ້ໄປສະຖານທູດຈີນປະຈຳສເກົາຫຼີເພື່ອີໄວ້ອາໄລຜູ່ເສຍຊີວິດຍ້ອນແຜ່ນດິນໄຫວ,ທ່ານກ່າວວ່າ,ການປະພຶດຕົວຂອງຜູ່ນຳຈີນແລະປະຊາຊົນຈີນຫຼັງແຜ່ນດິນໄຫວເຮັດໃຫ້ຄົນເຄົາລົບນັບຖືແລະສະເທືອນໃຈ.
ວັນທີ19ພຶດສະພານີ້,ທ່ານຊາມຄູເຕຊາ ລັດຖະມົນຕີວ່າການກະຊວງການຕ່າງປະເທດອູການດາໄດ້ໄປສະຖານທູດຈີນປະຈຳອູການດາເພື່ອໄວ້ອາໄລຜູ່ເສຍຊີວິດ,ທ່ານໄດ້ຍ້ອງຍໍໃນລະດັບສູງຕໍ່ລັດຖະບານຈີນທີ່ອອກແຮງສຸດຂີດກູ້ໄພຢ່າງມີປະສິດທິພາບສູງ.
|
|
|
