|
|
 |
| (GMT+08:00)
2008-05-20 17:32:46
|
 |
|
ນາຍົກລັດຖະມົນຕີຫວຽດນາມໄວ້ອາໄລເຖິງຜູ້ເສຍຊີວິດໃນໄພແຜ່ນດິນໄຫວເມືອງເວິ້ນຊ່ວນ
cri
Author: cai
ຕາມຂ່າວສານຊີນຮວາ:ຕອນບ່າຍວັນທີ 19 ພຶດສະພານີ້,ທ່ານຫງວນດຶງຢົງ ກຳມະການກົມການເມືອງສູນກາງພັກກອມມູນິດຫວຽດນາມ ນາຍົກລັດຖະມົນຕີຫວຽດນາມໄດ້ເດີນທາງໄປສະຖານທູດຈີນປະຈຳຫວຽດນາມ,ຕາງໜ້າພັກ ລັດແລະປະຊາຊົນຫວຽດນາມໄວ້ອາໄລເຖິງຜູ້ເສຍຊີວິດໃນໄພແຜ່ນດິນໄຫວຮ້າຍແຮງຢູ່ເມືອງເວິ້ນຊ່ວນແຂວງເສສວນຈີນ.
ວັນທີ 19 ພຶດສະພານີ້,ທ່ານຫງວນດຶງຢົງໄດ້ແຂ່ງຝົນໄປຮອດໂຮງໄວ້ອາໄລໃນສະຖານທູດຈີນປະຈຳຫວຽດນາມ,ຢືນສະຫງົບນີ້ງກົ້ມຫົວໄວ້ອາໄລແລະມອບພວງມາລາຕໍ່ຜູ້ເສຍຊີວິດໃນໄພແຜ່ນດິນໄຫວຮ້າຍແຮງຢູ່ເມືອງເວິ້ນຊ່ວນແຂວງເສສວນ.ຢູ່ເທິງປື້ມລົງນາມໄວ້ອາໄລ,ທ່ານຂຽນວ່າ:"ພັກ ລັດແລະປະຊາຊົນຫວຽດນາມຮູ້ສຶກເສົ້າສະຫຼົດໃຈທີ່ສຸດຕໍ່ຜູ້ເສຍຊີວິດໃນໄພແຜ່ນດິນໄຫວຢູ່ແຂວງເສສວນ,ແລະສົ່ງຄວາມເຫັນໃຈຢ່າງເລິກເຊິ່ງໄປຍັງພັກ ລັດແລະປະຊາຊົນຈີນພ້ອມດ້ວຍຄອບຄົວຜູ້ເສຍຊີວິດ.ພວກຂ້າພະເຈົ້າເຊື່ອວ່າ,ປະຊາຊົນຈີນອ້າຍນ້ອງຈະຜ່ານຜ່າຜົນຮ້າຍຢ້ອນຫຼັງຍ້ອນໄພແຜ່ນດິນໄຫວຢ່າງວ່ອງໄວແລະແນ່ນອນ,ຟື້ນຟູການຜະລິດຜົນແລະຊີວິດການເປັນຢູ່ໂດຍໄວເທົ່າທີ່ຈະໄວໄດ້."
|
|
|
