|
ຮອງເລຂາທິການໃຫຍ່ສະຫະປະຊາຊາດກ່າວວ່າ ມຽນມາຕ້ອງການຄວາມຊ່ວຍເຫຼືອຫຼາຍກວ່າເກົ່າ
cri
Author: mo
ຕາມຂ່າວສານຊີນຮວາ: ວັນທີ 20 ພືດສະພານີ້, ຢູ່ທີ່ຢາງກົງ, ທ່ານຈອນ ໂຮນເມັສ ຮອງເລຂາທິການໃຫຍ່ສະຫະປະຊາຊາດທີ່ຮັບຜິດຊອບວຽກກອບກູ້ດ້ານມະນຸດສະທຳກ່າວວ່າ, ຜູ້ປະສົບໄພຂອງມຽນມາຕ້ອງການຄວາມຊ່ວຍເຫຼືອຫຼາຍກວ່າເກົ່າ, ໂດຍສະເພາະແມ່ນຕ້ອງການຄວາມຊ່ວຍເຫຼືອດ້ານອາຫານແລະບ່ອນພັກ. ໃນກອງປະຊຸມຂ່າວ, ທ່ານຈອນ ໂຮນເມັສກ່າວວ່າ, ມື້ດຽວກັນ, ຢູ່ຢາງກົງ, ທ່ານໄດ້ພົບປະກັບທ່ານເຕັງເຊັງ ນາຍົກລັດຖະມົນຕີມຽນມາແລະລັດຖະມົນຕີທີ່ກ່ຽວຂ້ອງຂອງມຽນມາ, ແລະໄດ້ປຶກສາຫາລືຢ່າງມີລັກສະນະສ້າງສັນກັບພວກທ່ານແລ້ວ.
ຕາມຕົວເລກຫຼ້າສຸດທີ່ເຈົ້າໜ້າທີ່ມຽນມາປະກາດ, ລົມພາຍຸແຖບຮ້ອນອັນຮຸນແຮງທີ່ກະໜ່ຳມຽນມາໃນຕົ້ນເດືອນນີ້ໄດ້ເຮັດໃຫ້ 7 ໝື່ນ 7 ພັນ 738 ຄົນເສຍຊີວິດ, 5 ໝື່ນ 5 ພັນ 917 ຄົນຫາຍສາບສູນ, 1 ໝື່ນ 9 ພັນ 359 ຄົນບາດເຈັບ.
|
|
