|
ທ່ານບານກີມູນຢ້ຽມຢາມມຽນມາເພື່ອປະສານວຽກງານກູ້ໄພ
cri
Author: mo
ຕາມຂ່າວCRI：ວັນທີ 20 ພຶດສະພານີ້, ທ່ານບານກີມູນ ເລຂາທິການໃຫຍ່ສະຫະປະຊາຊາດອອກຈາກສຳນັກງານໃຫຍ່ສະຫະປະຊາຊາດທີ່ນິວຢວກ, ເດີນທາງໄປຢ້ຽມຢາມມຽນມາທີ່ຖືກລົມພາຍຸແຖບຮ້ອນອັນຮຸນແຮງກະໜ່ຳໃນຫວ່າງບໍ່ດົນນີ້, ເພື່ອປະສານວຽກກອບກູ້ຂອງອົງການກອບກູ້ຂອງສະຫະປະຊາຊາດຢູ່ເຂດປະສົບໄພ.
ຕອນເຊົ້າມື້ດຽວກັນ, ທ່ານບານກີມູນ ກ່າວວ່າ, ເຖິງວ່າສະຫະປະຊາຊາດໄດ້ເຮັດວຽກກອບກູ້ຢູ່ມຽນມາແລ້ວກໍ່ຕາມ, ແຕ່ປັດຈຸບັນ ພຽງແຕ່ສາມາດໃຫ້ຄວາມຊ່ອຍເຫຼືອແກ່ຜູ້ປະສົບໄພ 1/4 ເທົ່ານັ້ນ, ສະຫະປະຊາຊາດຈະຮ່ວມມືກັບປະຊາຄົມອາຊຽນແລະລັດຖະບານມຽນມາຢ່າງສະໜິດແໜ້ນ.
ຕໍ່ໄພແຜ່ນດິນໄຫວທີ່ເກີດຂຶ້ນຢູ່ເມືອງເວີ້ນຊວນແຂວງເສສວນຈີນ, ທ່ານບານກີມູນກ່າວວ່າ, ກ່ອນໜ້ານີ້, ທ່ານໄດ້ໄປເຂົ້າຮ່ວມການໄວ້ອາໄລຢູ່ຄະນະຜູ້ແທນຈີນປະຈຳສະຫະປະຊາຊາດ, ສະຫະປະຊາຊາດຈະເດັດດ່ຽວຢືນຢູ່ຫຼັງປະຊາຊົນຈີນ, ອອກແຮງສະໜັບສະໜູນປະເທດຈີນເອົາຊະນະໄພພິບັດ.
|
|
