|
|
 |
| (GMT+08:00)
2008-05-21 10:18:38
|
 |
|
ຊອກດານີ ຍີ່ປຸ່ນ ແລະເຢຍລະມັນໃຫ້ຄວາມຊ່ອຍເຫຼືອດ້ານວັດຖຸແລະການປິ່ນປົວແກ່ຈີນ
cri
Author: mo
ຕາມຂ່າວສານຊີນຮວາ: ໃນຫຼາຍມື້ມານີ້, ຊອກດານີ ຍີ່ປຸ່ນ ແລະເຢຍລະມັນຕ່າງໃຫ້ຄວາມຊ່ອຍເຫຼືອດ້ານວັດຖຸແລະການປິ່ນປົວແກ່ເຂດປະສົບໄພເມືອງເວີ້ນຊວນແຂວງເສສວນຈີນ.
ຕອນຮຸ່ງເຊົ້າວັນທີ 21 ພຶດສະພານີ້, ວັດຖຸກູ້ໄພທີ່ລາຊະອານາຈັກຮາເຊມິດຊອກດານີບໍລິຈາກໃຫ້ເຂດປະສົບໄພແຜ່ນດິນໄຫວແຂວງເສສວນໄດ້ຂົນສົ່ງໄປຮອດສະໜາມບິນຊ່ວງຫຼິວນະຄອນເສີງຕູ່ໂດຍຍົນພິເສດູ. ວັດຖຸບໍລິຈາກຂອງຊອກດານີມີຕູບຜ້າເຕັ້ນ ເສື່ອນອນ ແລະອຸປະກອນປິ່ນປົວທີ່ເຂດປະສົບໄພຕ້ອງການດ່ວນ.
ຕອນຄ່ຳວັນທີ 20 ພຶດສະພານີ້, ກອງປິ່ນປົວຍີ່ປຸ່ນໄດ້ເໝົາຍົນເດີນທາງໄປຮອດນະຄອນເສີງຕູ່ແຂວງເສສວນຈີນ, ກອງປິ່ນປົວນີ້ມີ 23 ຄົນ, ມີຜູ້ຊ່ຽວຊານດ້ານພະແນກພາຍນອກ ພະແນກພາຍໃນ ພະແນກເດັກແລະພະແນກຊີມເຊື້ອເປັນຕົ້ນ. ຍັງມີອຸປະກອນກອບກູ້ປິ່ນປົວເຊັ່ນເຄື່ອງເອັກສເລ່ມືຖື ແລະເຄື່ອງກວດເລືອດທີ່ເຂດປະສົບໄພຕ້ອງການດ່ວນທີ່ໜັກປະມານ 5 ໂຕນ.
ກອງກອບກູ້ສະໜາມລົບດ້ານການປິ່ນປົວສາກົນທີ່ປະກອບດ້ວຍຜູ້ຊ່ຽວຊານເຢຍລະມັນ 10 ກວ່າຄົນ ໄດ້ເດີນທາງໄປຮອດແຂວງເສສວນຈີນໃນຕອນຄ່ຳວັນທີ 19 ພຶດສະພານີ້, ຈີນແລະເຢຍລະມັນຈະຮ່ວມມືສ້າງໂຮງໝໍສະໜາມລົບຢູ່ແຂວງເສສວນຈີນ.
|
|
|
