ຕາມ​ຂ່າວCRI:​ແຕ່​ວັນ​ທີ19 ຫາ ວັນ​ທີ21​ພຶດສະພາ​ນີ້​ແມ່ນ​ວັນ​ໄວ້ອາ​ໄລ​ທົ່ວ​ປະ​ເທດ​ຈີນ. ນັບ​ມາ​ຮອດ16​ໂມງ​ວັນ​ທີ21​ພຶດສະພາ​ນີ້, ​ໄດ້​ມີ​​ເອກ​ອັກຄະ​ລັດຖະທູດ ​ແລະ ຜູ່​ຕາງໜ້າ​ຖາວອນປະຈຳສະຫະ​ປະຊາ​ຊາດ​ຂອງ100​ກວ່າ​ປະ​ເທດ​ໄດ້​ໄປ​ສຳນັກງານຜູ່​ຕາງໜ້າ​ຖາ​ວອນ​ຂອງຈີນ​ປະຈຳ​ສະຫະ​ປະຊາ​ຊາດ​​ເພື່ອໄວ້ອາ​ໄລ.

ວັນ​ທີ21ພຶດສະພາ​ນີ້, ສະພາ​ຕ່ຳ​ຟິລິບ​ປິນ​ໄດ້​ຜ່ານ​ມະຕິ​, ຕົກລົງ​​ໃນ​ນາມ​ຂອງ​ສະພາ​ຕ່ຳ​ຟິລິບ​ປິນສະ​ແດງ​ຄວາມ​ໄວ້ອາ​ໄລ​ອັນ​ເລິກ​ເຊິ່ງຕໍ່ຜູ່​ເສຍ​ຊີວິດ​ໃນ​​ໄພ​ແຜ່ນດິນ​ໄຫວ​ແຂວງ​ເສ​ສວນ​ຈີນ.

ຕອນ​ຄ່ຳ​ວັນ​ທີ21​ພຶດສະພາ​ນີ້, ຊາວ​ຈີນ ​ແລະ ຊາ​ວຈີນ​ຕ່າງ​ດ້າວ​ທີ່​ຢູ່​ຍີ່​ປຸ່ນ, ຫວຽດນາມ, ອົສຕຼາລີ, ​ໄທ,ຟິລິບ​ປິນ ​ແລະ ປະ​ເທດອື່ນໆ​ໄດ້​ຈັດ​ກິ​ດຈະ​ກຳ​​​ໄຕ້​ທຽນ,​​ເພື່ອ​ສະ​ແດງ​ຄວາມ​ໄວ້ອາ​ໄລ​ຕໍ່ຜູ່​ເສຍ​ຊີວິດ​ໃນ​ໄພ​ແຜ່ນດິນ​ໄຫວ.