|
|
 |
| (GMT+08:00)
2008-05-22 18:05:38
|
 |
|
ຜູ່ນຳຂອງຕ່າງປະເທດແລະອົງການຈັດຕັ້ງສາກົນຈຳນວນໜຶ່ງຕັ້ງໜ້າຕີລາຄາວຽກງານກູ້ໄພຂອງຈີນ
cri
Author: d
ຕາມຂ່າວCRI: ຫຼາຍມື້ມານີ້ ໃນເວລາໄປໄວ້ອາໄລຜູ່ເສຍຊີວິດໃນແຜ່ນດິນໄຫວຢູ່ເມືອງເວີ້ນຊ່ວນແຂວງເສສວນຢູ່ສະຖານທູດຈີນປະຈຳຕ່າງປະເທດແລະສຳນັກຕາງໜ້າຈີນປະຈຳອົງການຈັດຕັ້ງສາກົນ,ຜູ່ນຳຕ່າງປະເທດຈຳນວນໜຶ່ງໄດ້ຕີລາຄາຢ່າງຕັ້ງໜ້າຕໍ່ວຽກງານຕ້ານໄພກູ້ໄພຂອງລັດຖະບານຈີນ .
ວັນທີ21ພຶດສະພານີ້ ທ່ານຢາຊູໂອ ຟູຄູດາ ນາຍົກລັດຖະມົນຕີຍິ່ປຸ່ນກ່າວວ່າ,ຫຼັງຈາກເກີດແຜ່ນດິນໄຫວມານີ້,ຜູ່ນຳຈີນໄດ້ລົງໄປເຂດປະສົບໄພອອກແຮງສຸດຂີດບັນຊາການກູ້ໄພ,ເຊື່ອວ່າ ປະຊາຊົນຈີນຈະໄດ້ຮັບໄຊຊະນະໃນການຕ້ານໄພກູ້ໄພຢ່າງແນ່ນອນ,ສ້າງບ້ານແປງເມືອງຄືນໃໝ່ໂດຍໄວ.
ທ່ານຈາຄາຢາ ກິເກວັດ ປະທານາທິບໍດີຕານຊັງນີກ່າວວ່າ,ວຽກງານຕ້ານແລະກູ້ໄພຂອງລັດຖະບານຈີນສ່ອງແສງໃຫ້ເຫັນທິດທາງທີ່ຖືຄົນເປັນຫຼັກ ການຊ່ວຍກູ້ຊີວິດຄົນເປັນໜ້າທີ່ສຳຄັນກວ່າໝູ່ ແລະຊ່ວຍເຫຼືອຢ່າງມີວິທະຍາສາດ.
ທ່ານມາຮິນດາ ຣາຈາພັກຊາ ປະທານາທິບໍດີສີລັງກາສະແດງຄວາມເຄົາລົບນັບຖືຕໍ່ວຽກງານຕ້ານໄພກູ້ໄພຢ່າງວ່ອງໄວແລະມີປະສິດທິພາບສູງຂອງລັດຖະບານຈີນ.
ນອກນີ້,ຜູ່ນຳຂອງອານບານີ ໂກລົມບີ ມາເລເຊຍ ມາລົກ ອູແກຼນ ເຊັກແລະເບຼຊິນ ພ້ອມກັບເຈົ້າໜ້າທີ່ຂອງສຳນັກງານສະຫະປະຊາຊາດທີ່ນະຄອນວຽນແລະອົງການອະນາໄມໂລກກໍ່ໄດ້ຕີລາຄາວຽກງານກູ້ໄພຂອງລັດຖະບານຈີນຢ່າງຕັ້ງໜ້າ.
|
|
|
