|
ທ່ານບຸສກ່າວຢໍ້າປະຕິເສດຖອນທະຫານອອກຈາກອີຣັກກ່ອນເວລາກຳນົດ
cri
Author: mo
ຕາມຂ່າວCRI：ວັນທີ 22 ພືດສະພານີ້, ທ່ານຈອດ ບຸສ ປະທານາທິບໍດີອາເມລິກາໄດ້ກ່າວຄຳປາໄສຢູ່ເມືອງຟອດ ແຈຣກ ລັດນັອດ ແຄໂຣໄລນາຂອງອາເມລິກາ, ທ່ານກ່າວຢໍ້າວ່າ, ຖ້າອາເມລິກາຖອນທະຫານອອກຈາກອີຣັກກ່ອນເວລາກຳນົດ, ຜົນຮ້າຍຢ້ອນຫຼັງຈະເປັນແບບ"ໄພພິບັດ".
ທ່ານບຸສກ່າວວ່າ, ຖ້າອາເມລິກາຖອນທະຫານອອກຈາກອີຣັກກ່ອນສຳເລັດຜົນ ຈະສົ່ງສັນຍານໃຫ້ພວກກໍ່ການຮ້າຍໃນແຫ່ງຕ່າງໆຂອງໂລກວ່າອາເມລິກາເປັນປະເທດອ່ອນແອ.
ແຕ່ວ່າ, ໃນກອງປະຊຸມຟັງຄຳໃຫ້ການຢູ່ສະພາສູງທີ່ຈັດຂຶ້ນໃນມື້ດຽວກັນ, ທ່ານດາວິດ ເບເຕີອຸສ ຜູ້ບັນຊາການສູງສຸດຂອງທະຫານອາເມລິກາປະຈຳອີຣັກກ່າວວ່າ, ທ່ານອາດຈະສະເໜີຂໍ້ສະເໜີຕື່ມອີກກ່ຽວກັບການຖອນທະຫານອອກຈາກອີຣັກ. ທ່ານເວົ້າວ່າ, ນັບມາຮອດປັດຈຸບັນ, ໄດ້ມີກອງພັນສູ້ລົບທີ່ເພີ່ມໃໝ່ 3 ກອງພັນຖອນອອກຈາກອີຣັກແລ້ວ, ສະຖານະການຄວາມປອດໄພຂອງອີຣັກໄດ້ສືບຕໍ່ດີຂຶ້ນ, ຈຳນວນເຫດການຮຸນແຮງຂອງອີຣັກໃນອາທິດແລ້ວນີ້ໄດ້ຫຼຸດລົງຮອດລະດັບຕ່ຳສຸດໃນ 4 ປີກວ່າມານີ້.ນອກນີ້, ຂ່າວແຈ້ງວ່າ, ວັນທີ 22 ພຶດສະພານີ້, ສະພາສູງອາເມລິກາອະນຸມັດງົບປະມານ 165 ຕື້ໂດລາ, ເພື່ອໃຊ້ຈ່າຍໃນສົງຄາມອີຣັກແລະອາຟການີສະຖານກ່ອນທ່ານບຸສໝົດອາຍຸຕຳແໜ່ງໃນເດືອນມັງກອນປີໜ້າ.
|
|
