|
|
 |
| (GMT+08:00)
2008-05-23 17:32:46
|
 |
|
ປະຊາຄົມໂລກສືບຕໍ່ໃຫ້ການຊ່ວຍເຫຼືອແກ່ເຂດປະສົບໄພແຜ່ນດິນໄຫວຂອງຈີນ
cri
ຕາມຂ່າວCRI,ວັນທີ22ພຶດສະພານີ້,ປະຊາຄົມໂລກສືບຕໍ່ໃຫ້ການຊ່ວຍເຫຼືອດ້ານເງິນແລະເຄື່ອງຂອງແກ່ເຂດປະສົບໄພແຜ່ນດິນໄຫວແຂວງເສສວນຈີນເພື່ອຊ່ວຍຈີນກູ້ໄພແລະສ້າງສາຄືນໃໝ່.
ກະຊວງການຕ່າງປະເທດອາກຊັງຕີນປະກາດວ່າ,ອາກຊັງຕີນໄດ້ຂົນສົ່ງເຄື່ອງຊ່ວຍເຫຼືອຊຸດທຳອິດໄປໃຫ້ຈີນແລ້ວ,ເຊິ່ງລວມທັງຕູບຜ້າເຕັ້ນຂະໜາດນ້ອຍ40ຜືນແລະຕູບຜ້າເຕັ້ນຂະໜາດໃຫຍ່5ຜືນ,ເຄື່ອງຊ່ວຍເຫຼືອມະນຸດສະທຳຊຸດທີສອງກໍ່ໄດ້ກຽມພ້ອມແລ້ວ.ຍົນ ລຳໜຶ່ງທີ່ບັນທຸກຜູ່ຊ່ວຍກູ້ໄພເຢຍລະມັນ2ຄົນແລະເຄື່ອງປິ່ນປົວຈຳນວນຫຼວງຫຼາຍກໍ່ໄດ້ບິນໄປເສສວນແລ້ວ.ລັດຖະບານປາກີສະຖານຕົກລົງໃຫ້ຕູບຜ້າເຕັ້ນອີກ1ໝື່ນຜືນແກ່ຈີນ,ນັບມາຮອດປັດຈຸບັນ,ປາກີສະຖານໄດ້ບໍລິຈາກຕູບຜ້າເຕັ້ນເຖິງ2ໝື່ນ2260ຜືນແລ້ວ.
ມື້ດຽວກັນ,ອົງການຊ່ວຍເຫຼືອຕ່າງປະເທດອາເມລິກາຫຼືຢູ່ເສດ(USAID)ໄດ້ບໍລິຈາກເຄື່ອງຊ່ວຍເຫຼືອທີ່ມີມູນຄ່າອີກ8ແສນ1ໝື່ນ5ພັນໂດລາໃຫ້ເຂດປະສົບໄພຈີນ,ດຽວນີ້,ໄດ້ຂົນສົ່ງໄປຮອດນະຄອນເສິງຕູ່ແຂວງເສສວນແລ້ວ.ເຄື່ອງຊ່ວຍເຫຼືອທີ່ຕວກເມນີສະຖານສະໜອງໃຫ້ເຂດປະສົບໄພຈີນນັ້ນກໍ່ໄດ້ຂົນສົ່ງໄປຮອດສະໜາມບິນຈົ່ງຊວນນະ ຄອນລານໂຈ່ວແຂວງກ່ານຊູຈີນແລ້ວ,ເຄື່ອງຊ່ວຍເຫຼືອເຫຼົ່ານີ້ມີນ້ຳໜັກ23ໂຕນ,ລວມທັງເຄື່ອງນຸ່ງ,ຜ້າຫົ່ມ,ໝອນ,ຢາປິ່ນປົວແລະເຄື່ອງມືປິ່ນປົວເປັນຕົ້ນ,ລ້ວນແຕ່ແມ່ນສິ່ງທີ່ປະຊາຊົດເຂດປະສົບໄພຕ້ອງການຢ່າງຮີບດ່ວນທີ່ສຸດ.
|
|
|
