ຕາມ​ຂ່າວສານ​ຊິນ​ຮວາ:ວັນ​ທີ23 ພຶ​ດສ​ະພາ​ນີ້,ຢູ່​ບາງກອກ,ທ່ານ​ເຮີ​ຊ່າງ​ຊຸຍ ຮອງຜູ່​ອຳນວຍ​ການ​​ໃຫຍ່ຊ່ວຍ​ຂອງ​ອົງການ​ອາ​ຫານ​ແລະ​ກະ​ເສດ​ຫຼື​ຟາ​ວຂອງ​ສະຫະ​ປະຊາ​ຊາດ,​ທັງ​ເປັນຜູ້ຕາງໜ້າ​ຂອງ​ພາກ​ພື້ນ​ອາຊີ​ປາຊີ​ຟິກກ່າວ​ວ່າ,ບັນຫາ​ຂາດ​ແຄນທັນ​ຍາ​ຫານ​ຂາດ​ແລະ​ລາຄາ​ທັນ​ຍາ​ຫານ​ແພງຂຶ້ນ​ທີ່​ລົມພາຍຸ​ແຖບ​ຮ້ອນ​"ນາ​ກີ​ສ"ນຳ​ມາ​ນັ້ນ​ເຮັດ​ໃຫ້​ສະພາບຄວາມ​ປອດ​ໄພ​ດ້ານທັນ​ຍາ​ຫານ​ຂອງ​ມຽນມາ​ຮ້າຍ​​ແຮງ​ກວ່າ​ເກົ່າ.

ອີງ​ຕາມ​ຕົວ​ເລກ​ສຳ​ຫຼວດຂອງ​ອົງ​ການຟາ​ວ,ຢູ່​ເຂດ​ຢາງ​ກຸ້ງ,ລາ​ຄາ​ເຂົ້າ​ສູງ​ຂຶ້ນ1​ເທົ່າ,ລາຄານ້ຳມັນ​ກິນ​ແມ່ນ3​ເທົ່າຂອງ​ລາຄາກ່ອນ​ເກີດ​​ໄພ,ນ້ຳດື່ມ​ແພງຂຶ້ນ60%,ໄຂ່​ໄກ່​​ແພງຂຶ້ນ50%.ອົງການ​ຟາ​ວກ່າວ​ວ່າ,ຄອບຄົວ​ທີ່​ມີ​ລາຍ​ຕ່ຳ​ຂອງ​ມຽນມາບໍ່​ມີ​ຄວາມ​ສາມາດຊື້​ເຄື່ອງກິນ​ທີ່​ຕ້ອງການ​ແລ້ວ.