|
|
 |
| (GMT+08:00)
2008-05-27 17:22:25
|
 |
|
ຄະນະສຳຫຼວດຊັບສິນຂອງໄທຮຽກຮ້ອງໃຫ້ຍຶດຊັບສິນຈຳນວນຫຼວງຫຼາຍຂອງທ່ານທັກສິນ
cri
ຕາມຂ່າວCRI,ວັນທີ26ພຶດສະພານີ້,ຄະນະກຳມະການສຳຫຼວດຊັບສິນຂອງໄທໄດ້ຮັບຮອງມະຕິກ່ຽວກັບຄະດີທ່ານທັກສິນຊິນນະວັດ ອະດີດນາຍົກລັດຖະມົນຕີໄທທີ່ຖືກສົງໃສວ່າສ້າງຮັ່ງຄູນມີຢ່າງຜິດກົດໝາຍ,ຮຽກຮ້ອງໃຫ້ຍຶດຊັບສິນທີ່ເປັນເງິນ76ຕື້600ລ້ານກວ່າບາດຂອງວົງຕະກຸນຊິນນະວັດທີ່ໄດ້ມາຈາກການຂາຍຫຸ້ນ.
ມະຕິທີ່ຄະນະກຳມະການສຳຫຼວດຊັບສິນຂອງໄທຮັບຮອງໃນວັນທີ26ພຶດສະພານີ້ເຫັນວ່າ,ໃນໄລຍະດຳລົງຕຳແໜ່ງເປັນນາຍົກລັດຖະມົນຕີ,ທ່ານທັກສິນມີການກະທຳຜິດກົດໝາຍຕ່າງໆເຊັ່ນປິດບັງເລື່ອງຈິງທີ່ຖືຫຸ້ນ,ສວຍໃຊ້ສິດຕຳແໜ່ງສະແຫວງຫາຜົນປະໂຫຍດເພື່ອຕົນເອງແລະຜູ່ໃກ້ຊິດທີ່ໄວ້ເນື້ອເຊື່ອໃຈເຂົາ,ສະນັ້ນ,ລາຍໄດ້ຈາກການຂາຍຫຸ້ນຂອງວົງຕະກຸນຊິນນະວັດຄວນຖືກຍຶດ.
ຄະນະກຳມະການດັ່ງກ່າວກ່າວວ່າຈະສະເໜີໃຫ້ອົງການໄອຍະການສູງສຸດກ່າວຟ້ອງທ່ານທັກສິນແລະຄົນອື່ນໆກ່ຽວກັບຄະດີດັ່ງກ່າວຕໍ່ສານດີກາເພື່ອໃຫ້ສານຕັດສິນຂັ້ນສຸດທ້າຍ.
|
|
|
