|
|
 |
| (GMT+08:00)
2008-05-28 15:52:34
|
 |
|
ຈີນສະແດງຄວາມຂອບໃຈດ້ວຍຄວາມຈິງໃຈອີກເທື່ອໜຶ່ງຕໍ່ປະເທດ ອົງການແລະບຸກຄົນທີ່ຊ່ວຍເຫຼືອຈີນ
cri
Author: mo
ຕາມຂ່າວCRI: ວັນທີ 27 ພຶດສະພານີ້, ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ, ທ່ານສິນກ່າງ ໂຄສົກກະຊວງການຕ່າງປະເທດຈີນໄດ້ສະແດງຄວາມຂອບອົກຂອບໃຈດ້ວຍຄວາມຈິງໃຈອີກເທື່ອໜຶ່ງຕໍ່ປະເທດ ອົງການແລະສ່ວນບຸກຄົນທັງໝົດທີ່ໃຫ້ຄວາມຊ່ວຍເຫຼືອແກ່ເຂດປະສົບໄພແຜ່ນດິນໄຫວຂອງຈີນ.
ທ່ານສິນກ່າງກ່າວວ່າ, ຕາມສະຖິຕິຂອງກະຊວງການຕ່າງປະເທດ, ປັດຈຸບັນ ໄດ້ມີລັດຖະບານຫຼືອົງການຈັດຕັ້ງທາງສັງຄົມຂອງ 155 ປະເທດແລະ 10 ກວ່າອົງການສາກົນແລະເຂດແຄວ້ນໄດ້ໃຫ້ຄວາມຊ່ວຍເຫຼືອດ້ານການບໍລິຈາກເງິນແກ່ຈີນ, ລວມເກືອບ 1 ຕື້ 900 ລ້ານຢວນ. ນອກນີ້, ຍັງມີລັດຖະບານແລະອົງການຈັດຕັ້ງທາງສັງຄົມຂອງ 54 ປະເທດໄດ້ແຈ້ງຈຸດປະສົງວ່າຈະບໍລິຈາກວັດຖຸຊ່ວຍເຫຼືອແກ່ຈີນ, ລວມມູນຄ່າປະມານ 524 ລ້ານຢວນ. ສຳລັບການຊ່ວຍເຫຼືອຕູບຜ້າເຕັ້ນນັ້ນ, ຕ່າງປະເທດໄດ້ຮັບປາກວ່າຈະບໍລິຈາກຕູບຜ້າເຕັ້ນປະມານ 2 ແສນ 1 ໝື່ນຜືນ, ໃນນັ້ນ, ໄດ້ຂົນສົ່ງໄປຮອດເຂດປະສົບໄພແລ້ວ 4 ໝື່ນ 7 ພັນ 9 ຮ້ອຍຜືນ.
ພ້ອມນັ້ນ, ຊາວຈີນທີ່ອາໄສຢູ່ຕ່າງປະເທດ ພະນັກງານຂອງບໍລິສັດແລະອົງການຈີນແລະນັກສຶກສາຈີນທີ່ຮຽນຢູ່ຕ່າງປະເທດໄດ້ສືບຕໍ່ບໍລິຈາກເງິນແລະເຄື່ອງຂອງໃຫ້ປະຊາຊົນເຂດປະສົບໄພ, ເພື່ອສະແດງຄວາມເປັນນ້ຳໜຶ່ງໃຈດຽວກັນ.
|
|
|
