|
|
 |
| (GMT+08:00)
2008-05-29 17:24:50
|
 |
|
ຜູ້ແທນຈີນປະຈຳແອສແຄັບພົບປະຜູ້ວ່າການທະນາຄານແຫ່ງປະເທດໄທ
cri
Author: mo
ຕາມຂ່າວສານຈີນ: ວັນທີ 29 ພຶດສະພານີ້, ຢູ່ທີ່ບາງກອກ, ທ່ານຕ່ຽວມີງເສີ່ງ ຜູ້ແທນຈີນປະຈຳກຳມາທິການເສດຖະກິດສັງຄົມຂອງສະຫະປະຊາຊາດເພື່ອອາຊີປາຊີປິກຫຼືແອສແຄັບ(ESCAP)ໄດ້ພົບປະດຣ.ທາລິສາ ວັດທະນາເກດ ຜູ້ວ່າການທະນາຄານແຫ່ງປະເທດໄທ.
ໃນເວລາພົບປະ, ດຣ.ທາລິສາກ່າວວ່າ, ຄ່ຽງຄູ່ກັບການສ້າງສາເສດຖະກິດແລະການພັດທະນາສັງຄົມຂອງຈີນມີຄວາມກ້າວໜ້າອັນໃຫຍ່ຫຼວງ, ຂົງເຂດການທະນາຄານສາກົນຂອງຈີນຈະເສີມຂະຫຍາຍບົດບາດອັນຕັ້ງໜ້າແລະສຳຄັນກວ່າເກົ່າ. ຝ່າຍໄທແລະນາງເອງກໍ່ຄອງຄອຍຈະເພີ່ມທະວີການຮ່ວມມືແລະແລກປ່ຽນທີ່ເປັນມິດກັບຝ່າຍຈີນຕື່ມອີກໃນອະນາຄົດ.
ທ່ານຕ່ຽວມີງເສີ່ງໄດ້ແຈ້ງສະພາບເສດຖະກິດການເງິນແລະສະພາບກູ້ໄພແຜ່ນດິນໄຫວຂອງປະຊາຊົນທົ່ວປະເທດຈີນໃນປັດຈຸບັນໃຫ້ນາງຊາບ, ທ່ານກ່າວວ່າ, ທ່ານເຊື່ອວ່າລັດຖະບານແລະປະຊາຊົນຈີນຈະຜ່ານຜ່າຄວາມຫຍຸ້ງຍາກກັນດານນາໆປະການ, ມີຄວາມກ້າວໜ້າຢ່າງບໍ່ຢຸດຢັ້ງ, ແລະຈະສືບຕໍ່ທຳຄວາມພະຍາຍາມພ້ອມກັບປະຊາຄົມໂລກເຊິ່ງລວມທັງໄທ ປະກອບສ່ວນເຂົ້າໃນການພັດທະນາການທະນາຄານ ເສດຖະກິດແລະສັງຄົມຢ່າງໝັ້ນທ່ຽງ.
|
|
|
