|
ຕາມຂ່າວCRI:ຫວ່າງມໍ່ໆນີ້, ສື່ມວນຊົນຕ່າງປະເທດຈຳນວນໜຶ່ງພາກັນເອົາໃຈໃສ່ນຳແຜ່ນດິນໄຫວເວີ້ນຊວນ ແຂວງເສສວນຈີນ, ຕີລາຄາຢ່າງຕັ້ງໜ້າຕໍ່ວຽກງານກູ້ໄພຂອງຈີນ ແລະ ການລາຍງານຢ່າງພາວະວິໄສຂອງສື່ມວນຊົນຈີນ, ແລະເຫັນວ່າ, ການກູ້ໄພເຮັດໃຫ້ສັງຄົມຈີນສາມັກຄີກັນຢ່າງບໍ່ເຄີຍມີມາກ່ອນ.
ວັນທີ28ພຶດສະພານີ້, "ໜັງສືພິມທຸລະກິດຟູຈິ ຊານເຄອິ"ຂອງຍີ່ປຸ່ນໄດ້ພິມບົດຄວາມຂອງທ່ານອີຊຸມີ ຮາລາດາ ຜູ່ອຳນວຍການສະມາຄົມການຮັບມືວິກິດການຍີ່ປຸ່ນ, ຕີລາຄາຢ່າງຕັ້ງໜ້າຕໍ່ການຄຸ້ມຄອງວິກິດການ ພາຍຫຼັງຈີນເກີດໄພແຜ່ນດິນໄຫວເວີ້ນຊວນ ແຂວງເສສວນ. ບົດຄວາມຂຽນວ່າ, ລາຍງານຂ່າວທີ່ກ່ຽວຂ້ອງຂອງສື່ມວນຊົນບໍ່ພຽງແຕ່ໄດ້ສະກັດກັ້ນຂ່າວລືຢ່າງບັງເກີດຜົນເທົ່ານັ້ນ, ແລະເຮັດໃຫ້ລັດຖະບານໄດ້ຮັບການສະໜັບສະໜູນຈາກມວນຊົນ, ຊຸກຍູ້ຄວາມສາມັກຄີຂອງມວນຊົນ.
ຫວ່າງມໍ່ໆນີ້, "ໜັງສືພິມInternational Times"ຂອງມາເລເຊຍພິມບົດຄວາມຂຽນວ່າ, ໃນເວລາປະເຊີນໜ້າກັບໄພແຜ່ນດິນໄຫວເວີ້ນຊວນ, ຄວາມທຸ່ນທ່ຽງໜັກແໜ້ນຂອງປະຊາຊົນຈີນທົ່ວປະເທດ, ໄດ້ຮັບຄວາມຍ້ອງຍໍສັນລະເສີນຢ່າງສູງສົ່ງຈາກທົ່ວໂລກ.
ວັນທີ27ພຶດສະພານີ້, "ໜັງສືພິມເລີມົງ"ຂອງຝຣັ່ງໄດ້ພິມບົດຄວາມຂຽນວ່າ, ແຜ່ນດິນໄຫວໄດ້ກະຕຸ້ນຈິດໃຈຮັກຊາດຂອງປະຊາຊົນຈີນທົ່ວປະເທດ, ກະແສສາມັກຄີໄດ້ເຕົ້າໂຮມເອົາປະຊາຊົນທຸກຊັ້ນຄົນ.
ວັນທີ28ພຶດສະພານີ້, "ໜັງສືພິມເອເຊຍນິວສ໌ແທມສ໌"ຂອງໄທໄດ້ພິມບົດຄວາມຂຽນວ່າ, ການລາຍງານຂ່າວໄພແຜ່ນດິນໄຫວ ແຂວງເສສວນຂອງສື່ມວນຊົນຈີນທີ່ຄົບຖ້ວນ, ທັນເວລາ ແລະ ຖືກຕາມຄວາມຈິງ, ເຮັດໃຫ້ໂລກເຂົ້າໃຈຈີນ, ເຂົ້າໃຈລັດຖະບານຈີນ,ທະຫານຈີນ ແລະ ປະຊາຊົນຈີນ1ຕື້300ລ້ານຄົນຮ່ວມສຸກທຸກນຳກັນຢ່າງເລິກເຊິ່ງກວ່າເກົ່າ.
|
