ຕາມ​ຂ່າວ​CRI: ວັນ​ທີ 1 ມິຖຸນາ​ນີ້, ກອງທັບອົສຕຼາຣີປະກາດ​ວ່າ, ທະຫານ​ອົສຕຼາຣີທີ່​ປະຈຳ​ອີຣັກປະມານ 550 ຄົນ​​ເລີ່​ມຖອນ​ອອກ​ຈາກ​ອີຣັກ​ໃນ​ວັນ​ທີ 1 ມິຖຸນານີ້.
​
ໃນ​ຖະ​ແຫຼງການ​ສະບັບ​ໜຶ່ງ, ​ເຈົ້າໜ້າ​ທີ່​ກອງທັບ​ກ່າວ​ວ່າ, ມື້​ດຽວ​ກັນ, ທະຫານ​ອົສຕຼາຣີທີ່​ປະຈຳ​ຢູ່​ທາ​ລີ​ນ ພາກ​ໃຕ້ອີຣັກ​ໄດ້​ຈັດ​ພິທີຊັກ​ທຸງ​ລົງ​, ​ແລະ​ໄດ້​ສຳ​ເລັດ​ການ​ປ່ຽນ​​ແທນ​ກັບ​ກອງ​ທະຫານ​ອາ​ເມ​ລິ​ກາ. ທະຫານ​​ຂອງ​ອົສຕຼາລີ​ຈະຖອນ​ອອກ​ຈາກ​ອີຣັກທັງ​ໝົດກ່ອນ​ທ້າຍ​ເດືອນ​ມິຖຸນາ​ນີ້.

ກອງ​ທັບອົສຕຼາລີ​ກ່າວ​ວ່າ, ຍັງ​ມີ​ທະຫານ​ອົສຕຼາລີ​ອີກ800ກວ່າ​ຄົນ​ຍັງ​ຢູ່​ອີຣັກ​ແລະ​ເຂດ​ອ້ອມ​ແອ້ມ, ຮັບຜິດຊອບ​ໜ້າ​ທີ່​ຕ່າງໆ​ນອກຈາກ​ການ​ສູ້​ລົບ​ເຊັ່ນ ປ້ອງ​ກັນ​ອົງການ​ການຕ່າງປະ​ເທດ​ຂອງ​ອົສຕຼາລີ​ປະຈຳ​ອີຣັກ​ແລະ​ອື່ນໆ.