|
ຕາມຂ່າວCRI: ວັນທີ 2 ພະຈິກຢູ່ທີ່ປັກກິ່ງ, ທ່ານອູປາງໂກ ປະທານຄະນະປະຈຳສະພາປະຊາຊົນແຫ່ງຊາດຈີນກ່າວວ່າ, ຫວັງໃຫ້ບັນດາບໍລິສັດຂ້າມຊາດສືບຕໍ່ເພີ່ມທະວີການແລກປ່ຽນແລະຮ່ວມມືກັບຈີນໃນຂົງເຂດເສດຖະກິດເປັນຕົ້ນ.
ທ່ານອູປາງໂກວແມ່ນໃຫ້ທັດສະນະດັ່ງກ່າວໃນເວລາພົບປະນັກທຸລະກິດແລະນັກປາດທີ່ມີຊື່ສຽງຂອງຈີນແລະຕ່າງປະເທດທີ່ເຂົ້າຮ່ວມກອງປະຊຸມຄະນະກຳມະການທີ່ປຶກສາສະຖາບັນຄຸ້ມຄອງເສດຖະກິດຂອງມະຫາວິທະຍາໄລຊິງຮວາຈີນຄັ້ງທີ6. ທ່ານອູປາງໂກໄດ້ສະແດງຊົມເຊີຍຕໍ່ບໍລິສັດຂ້າມຊາດທີ່ເອົາໃຈໃສ່ນຳການຂະຫຍາຍການຮ່ວມມືກັບຈີນ, ແລະຂອບໃຈນຳພວກເຂົາເຈົ້າທີ່ສະໜັບສະໜູນການສຶກສາຄຸ້ມຄອງເສດຖະກິດແລະການຄຸ້ມຄອງວິສາຫະກິດຂອງຈີນ. ທ່ານກ່າວວ່າ, ຈີນຈະຖືການຍົກຄວາມສາມາດບຸກເບີກທາງຍຸດທະສາດແລະລະດັບຄຸ້ມຄອງທຸລະກິດແບບທັນສະໄໝໃຫ້ສູງຂຶ້ນເປັນແກນກາງ, ເລັ່ງລັດອົບຮົມບົ່ມສ້າງຜູ່ມີຄວາມສາມາດຄຸ້ມຄອງທີ່ດີເດັ່ນງວດໜຶ່ງທີ່ຮູ້ຈັກຕະຫຼາດພາຍໃນປະເທດແລະຕະຫຼາດສາກົນທັງມີສາຍຕາຍຸດທະສາດສາກົນ.
|
