|
ລະບົບກົດໝາຍວ່າດ້ວຍການຕິດຕາມຄຸ້ມຄອງຂະແໜງການທະນາຄານຍຸກປັດຈຸບັນຂອງຈີນໄດ້ສ້າງຕັ້ງຂຶ້ນໂດຍພື້ນຖານ
cri
ຕາມຂ່າວສານຊິນຮວາ,ວັນທີ3ພະຈິກ,ຢູ່ທີ່ປັກກິ່ງ,ທ່ານຖາງຊວງນິງ ຮອງປະທານຄະນະກຳມະການຕິດຕາມຄຸ້ມຄອງຂະແໜງການທະນາຄານຈີນກ່າວວ່າ,ເມື່ອໄດ້ພະຍາຍາມຢ່າງບໍ່ລົດລະມາເປັນເວລາຫຼາຍປີແລ້ວ, ລະບົບກົດໝາຍວ່າດ້ວຍການຕິດຕາມຄຸ້ມຄອງຂະແໜງການທະນາຄານຍຸກປັດຈຸບັນຂອງຈີນໄດ້ສ້າງຕັ້ງຂຶ້ນໂດຍພື້ນຖານ,ການກໍ່ສ້າງສະພາບແວດລ້ອມຄຸ້ມຄອງຂະແໜງການທະນາຄານຕາມກົດໝາຍໄດ້ມີຄວາມກ້າວໜ້າຢ່າງໃຫຍ່ຫຼວງ.
ໃນເວລາກ່າວປາຖະກະຖາໃນກອງປະຊຸມເວທີປາໄສການເງິນຈີນປີ2005,ທ່ານຖາງຊວງນິງ ກ່າວວ່າ,ໃນຫຼາຍປີມານີ້,ຄະນະກຳມະການຕິດຕາມຄຸ້ມຄອງຂະແໜງການທະນາຄານຈີນໄດ້ວາງແລະປະກາດໃຊ້ເອກະສານລັກສະນະກົດລະບຽບແລະແບບສະບັບຈຳນວນຫຼວງຫຼາຍ,ໄດ້ສ້າງຕັ້ງກົນໄກປະຕິບັດກົດໝາຍທີ່ຕິດຕາມຄຸ້ມຄອງຕາມກົດໝາຍເປັນກ້າວໆ,ເຮັດໃຫ້ກະຕິກາຕິດຕາມຄຸ້ມຄອງໂບ່ງໃສກວ່າເກົ່າແລະມີປະສິດທິພາບກວ່າເກົ່າ,ໄດ້ສ້າງສະພາບແວດລ້ອມດ້ານກົດໝາຍທີ່ມີຜົນດີຕໍ່ການປະຕິຮູບແລະໄຂປະຕູຕໍ່ພາຍນອກຂອງຂະແໜງການທະນາຄານ,ເຮັດໃຫ້ສະພາບແວດລ້ອມຄຸ້ມຄອງຂະແໜງການທະນາຄານໄດ້ຮັບການປົວແປງໃຫ້ດີຂຶ້ນຢ່າງເດັ່ນຊັດ.
|
|
