|
ປີໜ້າຈີນຈະສຸມໃສ່ການຮັກສາຄວາມໝັ້ນທ່ຽງແລະຄວາມສືບເນື່ອງຂອງນະໂຍບາຍເສດຖະກິດມະຫາພາກ
cri
ຕາມຂ່າວສານຊິນຮວາ,ວັນທີ12ພະຈິກ,ທ່ານຈູຈື່ຊິນ ຮອງປະທານຄະນະກຳມະການການພັດທະນາແລະການປະຕິຮູບແຫ່ງລັດຈີນກ່າວວ່າ,ປີໜ້າ,ຈີນຈະສຸມໃສ່ການຮັກສາຄວາມໝັ້ນທ່ຽງແລະຄວາມສືບເນື່ອງຂອງນະໂຍບາຍເສດຖະກິດມະຫາພາກ.
ໃນກອງປະຊຸມລາຍງານການພັດທະນາຂະແໜງການຂອງຈີນປີ2006ທີ່ຈັດຂຶ້ນຢູ່ປັກກິ່ງ,ທ່ານຈູ່ຈື່ຊິນ ກ່າວວ່າ,ປີໜ້າແມ່ນປີທີໜຶ່ງທີ່ຈີນປະຕິບັດແຜນພັດທະນາເສດຖະກິດແຫ່ງຊາດແລະສັງຄົມ5ປີຄັ້ງທີ11.ຈີນຈະສືບຕໍ່ເຮັດໃຫ້ເສດຖະກິດຮັກສາທ່ວງທ່າພັດທະນາຢ່າງວ່ອງໄວແລະປອດໄສ,ແລະຈະເຮັດວຽກດ້ານປະສານງານໃຫ້ເປັນເອກະພາບກັນໃຫ້ດີຕື່ມອີກ.
ພ້ອມກັນນັ້ນ,ທ່ານກ່າວວ່າ,ການດັດສົມຄວບຄຸມມະຫາພາກແລະການດັດສົມຄວບຄຸມດ້ວຍຕະຫຼາດຕ້ອງຕາບຈູນເຊິ່ງກັນແລະກັນ,ຕ້ອງຊຳລະການພົວພັນລະຫວ່າງການພັດທະນາເສດຖະກິດແລະການພັດທະນາສັງຄົມໃຫ້ດີ,ເຮັດໃຫ້ມວນຊົນອັນໄພສານໄດ້ຮັບຜົນປະໂຫຍດຈາກການພັດທະນາເສດຖະກິດ.
|
|
