|
ເຈົ້າໜ້າທີ່ອະນຸລັກສິ່ງແວດລ້ອມຈີນຊີ້ອອກວ່າ,ການພັດທະນາເສດຖະກິດໝູນວຽນແມ່ນມາດຕະການສຳຄັນໃນການແກ້ໄຂບັນຫາສິ່ງແວດລ້ອມຂອງຈີນ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ຢູ່ນານນິງ ເມືອງພາກໃຕ້ຂອງຈີນ,ທ່ານອູສຽວຊິງ ຮອງຫົວໜ້າກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນຊີ້ອອກວ່າ,ການສິ້ນເປືອງຊັບພະຍາກອນແລະພະລັງງານແລະສິ່ງແວດລ້ອມຊີວະພາບຊຸດຮ້າຍລົງໄດ້ກາຍເປັນອຸປະສັກໃຫຍ່ກວ່າໝູ່ສຳລັບເສດຖະກິດແລະສັງຄົມຈີນພັດທະນາແບບຍືນຍົງ.ສ່ວນການພັດທະນາເສດຖະກິດໝູນວຽນແມ່ນມາດຕະການສຳຄັນໃນການແກ້ໄຂບັນຫາສິ່ງແວດລ້ອມຂອງຈີນ.
ເຈົ້າໜ້າທີ່ຜູ່ນີ້ເຫັນວ່າ,ໜ້າທີ່ແກ້ໄຂບັນຫາສິ່ງແວດລ້ອມຂອງຈີນຫຍຸ້ງຍາກບຳບາກທີ່ສຸດ,ເສດຖະກິດໝູນວຽນແມ່ນການບັນລຸຜົນຜະລິດດ້ານເສດຖະກິດຫຼາຍກວ່າໝູ່ແລະລະບາຍຂອງເສຍໜ້ອຍກວ່າໝູ່ດ້ວຍການສິນເປືອງຊັບພະຍາກອນໃຫ້ໜ້ອຍເທົ່າທີ່ຈະໜ້ອຍໄດ້ແລະເສຍຄ່າຕອບແທນດ້ານສິ່ງແວດລ້ອມໃຫ້ໜ້ອຍເທົ່າທີ່ຈະໜ້ອຍໄດ້.ການພັດທະນາເສດຖະກິດໝູນວຽນມີຜົນດີຕໍ່ການແກ້ໄຂບັນຫາເຊື່ອມພິດສິ່ງແວດລ້ອມທີ່ມີລັກສະນະອົງປະກອບຂອງຈີນ.
|
|
