|
|
 |
| (GMT+08:00)
2005-11-29 18:39:35
|
 |
|
ປະເທດພວມພັດທະນາສ່ວນໜຶ່ງເຫັນວ່າ ສະພາບປະຈຸບັນຂອງການເຈລະຈາຮອບໂດຮາໄດ້ຂົ່ມຂູ່ການພັດທະນາຂອງປະເທດທຸກຍາກ
cri
Author: da
ຕາມຂ່າວCRI: ວັນທີ 28 ພະຈິກ ຢູ່ເຊີແນວ,9 ປະເທດພວມພັດທະນາໄດ້ນຳເອົາເອກະສານສະບັບໜຶ່ງໄປໃຫ້ອົງການການຄ້າໂລກ,ຕິຕຽນວ່າ ສະພາບປະຈຸບັນຂອງການເຈລະຈາຮອບໂດຮາໄດ້ຂົ່ມຂູ່ການພັດທະນາຂອງປະເທດທຸກຍາກ.
ທ່ານອິສເມວ ເອກອັກຄະລັດຖະທູດອາຟຼີກາໃຕ້ປະຈຳອົງການການຄ້າໂລກຕາງໜ້າອາກຊັງຕິນ ເບຼຊິນ ອິນເດຍ ອິນໂດເນເຊຍ ນາມີເບຍ ປາກີສະຖານ ຟີລິບປິນ ເວເນຊູເອລາແລະອາຟຼີກາໃຕ້ນຳເອົາເອກະສານໄປໃຫ້ອົງການດັ່ງກ່າວ. ເອກະສານທວງໃຫ້ປະເທດພັດທະນາເປີດຕະຫຼາດຜະລິດຕະພັນກະສິກຳຕໍ່ປະເທດພວມພັດທະນາຕື່ມອີກ,ແລະປະຕິຮູບນະໂຍບາຍກະສິກຳຂອງຕົນ; ເອກະສານຍັງປະຕິເສດບໍ່ຮັບເອົາຄຳທວງຂອງປະເທດພັດທະນາທີ່ໃຫ້ປະເທດພວມພັດທະນາເປີດຕະຫຼາດຜະລິດຕະພັນອຸດສາຫະກຳແລະການຄ້າການບໍລິການ.
ທ່ານອິສເມວຊີ້ອອກວ່າ,ຖ້າວ່າ ການເຈລະຈາຮອບໂດຮາຈະມີທ່ວງທ່າໃນສະເພາະໜ້ານີ້ຕໍ່ໄປ,ສະພາບບິດບ້ຽວຂອງການຄ້າລະຫວ່າງຊາດໃນປະຈຸບັນຈະປ່ຽນແປງບໍ່ໄດ້.
|
|
|
