|
|
 |
| (GMT+08:00)
2005-11-30 17:31:46
|
 |
|
ຜູ້ແທນຈີນກ່າວເນັ້ນວ່າ ອົງການພັດທະນາອຸດສາຫະກຳສະຫະປະຊາຊາດຄວນເພີ່ມທະວີການຮ່ວມມືລະຫວ່າງຊາດແລະການຮ່ວມມືໃຕ້ໃຕ້
cri
Author: da
ຕາມຂ່າວCRI: ວັນທີ 29 ພະຈິກ ທ່ານອີ້ສຽວຈູນ ຮອງລັດຖະມົນຕີກະຊວງການຄ້າຈີນໄດ້ປະກອບຄຳຄິດຄຳເຫັນໃນການອະພິປາຍທົ່ວໄປຂອງກອງປະຊຸມອົງການພັດທະນາອຸດສາຫະກຳສະຫະປະຊາຊາດຄັ້ງທີ 11 ,ກ່າວເນັ້ນວ່າ ການເພີ່ມທະວີການຮ່ວມມືລະຫວ່າງຊາດແມ່ນໜ້າທີ່ສຳຄັນຂອງອົງການພັດທະນາອຸດສາຫະກຳສະຫະປະຊາຊາດ,ຈີນຍິນດີພ້ອມກັບປະຊາຄົມໂລກເພີ່ມທະວີການຮ່ວມມືໃຕ້ໃຕ້.
ໃນກອງປະຊຸມ ທ່ານອີ້ສຽວຈູນເວົ້າວ່າ,ໃຕ້ທ່ວງທ່າຫັນໂລກໃຫ້ມີຫຼາຍຂົ້ວແລະເສດຖະກິດໂລກາວິວັດໃນສະເພາະໜ້ານີ້,ການຍຶດໝັ້ນລັດທິຫຼາຍຝ່າຍ,ເພີ່ມທະວີການຮ່ວມມືລະຫວ່າງຊາດແລະບົດບາດຂອງອົງການສະຫະປະຊາຊາດ,ຊຸກຍູ້ບັນດາປະເທດໃນໂລກພ້ອມກັນພັດທະນາ ແມ່ນພື້ນຖານສຳຄັນແຫ່ງການປົກປັກຮັກສາສັນຕິພາບແລະການພັດທະນາຂອງໂລກ,ທັງແມ່ນໜ້າທີ່ສຳຄັນຂອງບັນດາອົງການຈັດຕັ້ງຂອງສະຫະປະຊາຊາດ ຊື່ງລວມທັງອົງການພັດທະນາອຸດສາຫະກຳ.
ທ່ານອີ້ສຽວຈູນເວົ້າວ່າ,ໃນດ້ານຊ່ອຍເຫຼືອປະເທດພວມພັດທະນາກຳຈັດຄວາມທຸກຍາກ,ອົງການພັດທະນາອຸດສາຫະກຳມີໜ້າທີ່ຮັບຜິດຊອບທີ່ເຂົ້າແທນບໍ່ໄດ້. ທ່ານກ່າວເນັ້ນອີກເທື່ອໜຶ່ງວ່າ,ຈີນຍິນດີພ້ອມກັບປະເທດອື່ນແລະອົງການພັດທະນາອຸດສາຫະກຳສະຫະປະຊາຊາດ ຊຸກຍູ້ການຮ່ວມມືໃຕ້ໃຕ້.
ກອງປະຊຸມອົງການພັດທະນາອຸດສາຫະກຳສະຫະປະຊາຊາດຄັ້ງທີ 11 ໄຂຂຶ້ນຢູ່ກຸງວຽນໃນວັນທີ 28 ພະຈິກ,ຈະດຳເນີນເປັນເວລາ 5 ມື້.
|
|
|
