|
ການພົວພັນເສດຖະກິດການຄ້າລະຫວ່າງຈີນອາເມລິກາແມ່ນສົມດຸນໃນດ້ານກວມລວມ
cri
ຕາມຂ່າວສານຊິນຮວາ,ວັນທີ11ທັນວາ,ຢູ່ທີ່ປັກກິ່ງ,ທ່ານໂປຊີໄລ ລັດຖະມົນ ຕີກະຊວງການຄ້າຈີນກ່າວວ່າ,ເວົ້າໃນດ້ານກວມລວມແລ້ວ,ການພົວພັນເສດຖະກິດການຄ້າລະຫວ່າງຈີນກັບອາເມລິກາແມ່ນສົມດຸນ,ຈີນພວມນຳເຂົ້າຜະລິດຕະພັນອາເມລິການັບມື້ນັບຫຼາຍຂຶ້ນ.
ທ່ານໂປຊີໄລແມ່ນໃຫ້ທັດສະນະດັ່ງກ່າວໃນງານລ້ຽງອາຫານຄ່ຳທີ່ສະມາຄົມການຄ້າອາເມລິກາຂອງຈີນຈັດຂຶ້ນໃນຫວ່າງມໍ່ໆນີ້.ທ່ານກ່າວວ່າ,ດຸນເສຍປຽບດ້ານການຄ້າລະຫວ່າງຈີນອາເມລິກາແມ່ນມີລັກສະນະຕາບຈູນກັນ,ຫາກບໍ່ແມ່ນລັກສະນະແກ່ງແຍ່ງກັນ.ໃນຜົນກຳໄລທີ່ຈີນໄດ້ຮັບຈາກຜະລິດຕະພັນສົ່ງອອກ,ຝ່າຍຈີນພຽງແຕ່ໄດ້ຮັບສ່ວນໜ້ອຍເທົ່ານັ້ນ,ສ່ວນພໍ່ຄ້ານຳເຂົ້າແລະພໍ່ຄ້າຂາຍຍ່ອຍຂອງຝ່າຍອາເມລິກາພັດໄດ້ຮັບສ່ວນຫຼາຍ.ບາງຄົນເຫັນວ່າ,ການສົ່ງອອກສິນຄ້າຂອງຈີນເຮັດໃຫ້ອາເມລິກາເສຍຕຳແໜ່ງວຽກງານ,ກ່ຽວກັບເລື່ອງນີ້,ທ່ານໂປຊີໄລກ່າວວ່າ,ຕາມຂ້າພະເຈົ້າຮູ້ວ່າ,ຕຳແໜ່ງວຽກງານໃນຂົງເຂດການຜະລິດທີ່ອາເມລິກາເສຍໄປຍ້ອນການຄ້າຈີນອາເມລິການັ້ນ,ໄດ້ຖືກຕຳແໜ່ງວຽກງານທີ່ເພີ່ມຂຶ້ນໃນຂົງເຂດຈໍລະຈອນຕາບຈູນແລ້ວ.
ທ່ານໂປຊີໄລກ່າວເນັ້ນວ່າ,ການໄດ້ຮັບຜົນປະໂຫຍດນຳກັນແມ່ນພື້ນຖານແຫ່ງການຮ່ວມມືດ້ານເສດຖະກິດລະຫວ່າງຈີນກັບອາເມລິກາ,ສອງປະເທດຄວນເຫັນກວ້າງມອງໄກ,ສືບຕໍ່ເປີດກວ້າງການໄປມາຫາສູ່ກັນດ້ານການຄ້າ.
|
|
