|
|
 |
| (GMT+08:00)
2006-01-29 17:13:44
|
 |
|
ການຕ້ານການຟອກເງິນໄດ້ກາຍເປັນວຽກງານສຳຄັນປະຈຳວັນຂອງທະນາຄານກາງຂອງຈີນແລ້ວ
cri
Author: da
ຕາມຂ່າວສານຈີນລາຍງານວ່າ: ວັນທີ 28 ມັງກອນ ເຈົ້າໜ້າທີ່ທະນາຄານປະຊາຊົນຈີນ ຊຶ່ງເປັນທະນາຄານກາງຂອງຈີນກ່າວວ່າ,ປະຈຸບັນ ການຕ້ານການຟອກເງິນໄດ້ກາຍເປັນວຽກງານສຳຄັນປະຈຳວັນຂອງທະນາຄານປະຊາຊົນຈີນແລ້ວ.
ຄຽງຄູ່ກັບເສດຖະກິດຈີນເຕີບໂຕຂຶ້ນຢ່າງຕໍ່ເນື່ອງແລະການໄປມາຫາສູ່ກັນທາງເສດຖະກິດການຄ້າລະຫວ່າງຊາດນັບມື້ນັບຂະຫຍາຍຕົວ,ການເຄື່ອນໄຫວຟອກເງິນຂອງຈີນກໍນັບມື້ນັບເພີ່ມຫຼາຍຂຶ້ນ,ນອກຈາກຂະແໜງການທະນາຄານແລ້ວ,ໄດ້ກ່ຽວພັນເຖິງຂະແໜງການຕ່າງໆຢ່າງກວ້າງຂວາງຄື ຫຼັກຊັບ ປະກັນໄພ ອະສັງຫາລິມະຊັບເປັນຕົ້ນ.
ເຈົ້າໜ້າທີ່ຜູ້ນີ້ເຜີຍໃຫ້ຮູ້ວ່າ,ປີ 2006,ທະນາຄານກາງຂອງຈີນຈະຈໍ່ຕົວຂຶ້ນເປັນລະບົບຕິດຕາມຄວບຄຸມ ວິເຄາະແລະຄຸ້ມຄອງການຕ້ານການຟອກເງິນຈີນແລະເງິນຕາຕ່າງປະເທດຢ່າງເປັນເອກະພາບກັນ ຊຶ່ງປົກຫຸ້ມທົ່ວຂະແໜງການທະນາຄານຂອງຈີນ,ແລະຍາດແຍ່ງໃຫ້ກາຍເປັນສະມາຊິກທາງການຂອງໜ່ວຍງານພິເສດຂອງການເຄື່ອນໄຫວການທະນາຄານທີ່ຕ້ານການຟອກເງິນລະຫວ່າງຊາດ.
|
|
|
