ຕາມ​ຂ່າວCRI:​ແຕ່​ທາງ​ລົດ​ໄຟ​ຊິງ​ໄຫ​ຕິ​ເບ​ດ​ເປີດ​ໃຫ້ແລ່​ນລົດ​ໄດ້​​ໃນ​ວັນ​ທີ 1 ກໍລະກົດ​ມາ​ນີ້,​​ໄດ້​​ເລີ່​ມປະກົດ​ມີບົດບາດ​ຊຸກຍູ້​ເສດຖະກິດທ້ອງ​ຖິ່ນ​ຕິ​ເບ​ດຢ່າງ​ເດັ່ນຊັດ.

ຕອນ​ຄ່ຳ​ມື້ວານ​ນີ້(ວັນ​ທີ 5 ສິງຫາ)ທ່ານ​ເຫີ​ເປິ​ນຢຸນ ຮອງ​ປະທານ​ຄະນະ​ກຳມະການ​ພັດທະນາ​ແລະ​ປະຕິຣູບ​ເຂດ​ຕິ​ເບ​ດປົກຄອງ​ຕົນ​ເອງ​ໄດ້​ຕ້ອນຮັບ​ການ​ເຂົ້າສຳພາດ​ຂອງ​ບັນດາສື່​ມວນ​ຊົນ​ສູນ​ກາງ​​ເຊິ່ງລວມທັງ​ວິທະຍຸCRI,ທ່ານ​ເຜີຍ​ໃຫ້​ຮູ້​ວ່າ,​ໃນ 20 ມື້​​ແຕ່​ທາງ​ລົດ​ໄຟ​ຊິງ​ຫາ​ຕິ​ເບ​ດ​ເປີດ​ໃຫ້​ແລ່ນ​ລົດ​ມາ​ນີ້,​ເຂດ​ຕິ​ເບ​ດ​ໄດ້​ຮັບ​ຕ້ອນນັກທ່ອງ​ທ່ຽວ 3 ​ແສນ​ເທື່ອ​ຄົນ,​ເພີ່ມ​ຂຶ້ນ​ຫຼາຍ​ກວ່າ​ເວລາ​ດຽວ​ກັນ​ໃນ​ປີ​ກາຍ​ເກືອບ 40%,ລາຍ​ໄດ້​ຈາກການທ່ອງທ່ຽວ​ເພີ່ມ​ຂຶ້ນ​ຢ່າງ​ຫຼວງ​ຫຼາຍ,ການ​ບໍລິການ​ດ້ານ​ການ​ເງິນ​ແລະ​ໂທລະ​ຄົມ​ເປັນຕົ້ນກໍ​ມີ​ທ່ວງທ່າ​ຂະຫຍາຍຕົວ​ຢ່າງ​ຟົດ​ຟື້ນ.

ພ້ອມ​ກັນນັ້ນ ທ່ານ​ເຫີ​ເປິ​ນຢຸນ​ເຜີຍ​ໃຫ້​ຮູ້ວ່າ,ຕາມ​ການປະ​ເມີນ​ເບື້ອງ​ຕົ້ນ,ພາຍຫຼັງ​ເປີດ​ທາງ​ລົດ​ໄຟ​ຊິງ​ຫາ​ຕິ​ເບ​ດ​ແລ້ວ,ຕົ້ນທຶນ​ຂົນ​ສົ່ງ​ວັດຖຸ​ເຄື່ອງ​ຂອງ​ເຂົ້າອອກ​ຕິ​ເບ​ດຈະ​ປະຢັດ​ເກືອບ 200 ລ້ານ​ຢວນຕໍ່ປີ,​ໄດ້ຫຼຸດ​ຕົ້ນທຶນລວມ​ໃນ​ການພັດທະນາ​ເສດຖະກິດຂອງຕິ​ເບ​ດຢ່າງ​ຫຼວງ​ຫຼາຍທີ່​ສຸດ,ສ້າງ​ເງື່ອນ​ໄຂ​ອັນ​ດີງາມ​ໃຫ້​ແກ່​ການຂ້ຽວ​ເລັ່ງສ້າງສາ​ພື້ນຖານ​ໂຄງ​ລ່າງຂອງ​ທ້ອງ​ຖິ່ນ.ທ່ານ​ເວົ້າວ່າ,ປະຈຸ​ບັນ ​​ແຕ່ລະ​ປີ​ ສະ​ເລ່ຍ​ແລ້ວ ມີ​ເຄື່ອງ​ຂອງຂົນ​ເຂົ້າອອກເຂດ​ຕິ​ເບ​ດປະມານໜຶ່ງລ້ານ​ໂຕນ,ຕົ້ນທຶນ​ການຂົນ​ສົ່ງ​ທາງ​ລົດ​ໄຟ​ພຽງ​​​ກວມ​ແຕ່ 1 ສ່ວນ 4 ຂອງຕົ້ນທຶນ​ຂົນ​ສົ່ງ​ທາງທາງ​ຫຼວງ.