|
|
 |
| (GMT+08:00)
2006-11-16 17:29:52
|
 |
|
ທ່ານຫູຈິນທາວເດີນທາງໄປຮອດຮ່າໂນ້ຍສືບຕໍ່ຢ້ຽມຢາມຫວຽດນາມທາງລັດຖະກິດ
cri
Author: da
ຕາມຂ່າວCRI:ວັນທີ 16 ພະຈິກນີ້ ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນເດີນທາງໄປຮອດຮ່າໂນ້ຍ ນະຄອນຫຼວງຫວຽດນາມ,ສືບຕໍ່ຢ້ຽມຢາມຫວຽດນາມທາງລັດຖະກິດ,ແລະຈະເຂົ້າຮ່ວມກອງປະຊຸມບໍ່ເປັນທາງການຂອງຜູ່ນຳອົງການເອເປັກຄັ້ງທີ 14 ທີ່ຈັດຂຶ້ນຢູ່ຮ່າໂນ້ຍ.
ທ່ານຫູຈິນທາວແມ່ນເດີນທາງໄປຮອດຮ່າໂນ້ຍຫຼັງຈາກສິ້ນສຸດການຢ້ຽມຢາມດານາງ ເມືອງໃຫຍ່ທີ 3 ຂອງຫວຽດນາມ.
ໃນໄລຍະຢ້ຽມຢາມຮ່າໂນ້ຍ,ທ່ານຫູຈິນທາວຈະເຈລະຈາກັບທ່ານນົງດຶກແມັງ ເລຂາທິການໃຫຍ່ສູນກາງພັກກອມມູນິດແລະທ່ານຫງວຽນມິນຈຽດ ປະທານປະເທດຫວຽດນາມ,ທັງຈະພົບປະຜູ່ນຳສະພາແຫ່ງຊາດແລະຜູ່ນຳລັດຖະບານຫວຽດນາມ.
ໃນໄລຍະເຂົ້າຮ່ວມກອງປະຊຸມບໍ່ເປັນທາງການຂອງຜູ່ນຳອົງການເອເປັກ,ທ່ານຫູຈິນທາວຈະສະເໜີນະໂຍບາຍແລະເຈດຈຳນົງຂອງຈີນໃນການລົງເລິກດຳເນີນການຮ່ວມມືໃນພາກພື້ນ,ປະກອບຄຳຄິດຄຳເຫັນກ່ຽວກັບບັນຫາສຳຄັນແລະອະນາຄົດຂອງການຮ່ວມມືຂອງອົງການເອເປັກ,ແລະຈະສະເໜີຂໍ້ລິເລີ່ມອັນລະອຽດກ່ຽວກັບການຊຸກຍູ້ການຮ່ວມມືດ້ານເສດຖະກິດແລະເຕັກນິກຂອງອົງການເອເປັກຕື່ມອີກ.ທ່ານຍັງຈະແນະນຳທັດສະນະພັດທະນາຕາມຫຼັກວິທະຍາສາດຂອງຈີນ,ບັນລະຍາຍການພັດທະນາຂອງຈີນຈະນຳເອົາໂອກາດໃໝ່ໃຫ້ແກ່ການພັດທະນາຂອງພາກພື້ນແລະຂອງໂລກ.
|
|
|
