|
|
 |
| (GMT+08:00)
2006-11-18 18:03:12
|
 |
|
ຈີນມີແຜນອົບຮົມເຈົ້າໜ້າທີ່ບຳບັດຄວາມທຸກຍາກໜຶ່ງພັນຄົນໃຫ້ປະເທດອາຊຽນພາຍໃນ 5 ປີຕໍ່ໜ້າ
cri
Author: da
ຕາມຂ່າວສານຊິນຮວາ: ວັນທີ 17 ພະຈິກ ຜູ່ຮັບຜິດຊອບທີ່ກ່ຽວຂ້ອງຂອງຫ້ອງການໜ່ວຍນຳພາການບຳບັດຄວາມທຸກຍາກແລະການພັດທະນາຂອງລັດຖະບານຈີນເປີດເຜີຍວ່າ,ຈີນມີແຜນອົບຮົມເຈົ້າໜ້າທີ່ບຳບັດຄວາມທຸກຍາກໜຶ່ງພັນຄົນໃຫ້ປະເທດອາຊຽນພາຍໃນ 5 ປີຕໍ່ໜ້າ.
ໃນກອງປະຊຸມວຽກງານບຳບັດຄວາມທຸກຍາກດ້ວຍທຶນຕ່າງປະເທດຂອງຈີນທີ່ຈັດຂຶ້ນຢູ່ເມືອງນານນິງ ພາກຕາເວັນຕົກສຽງໃຕ້ຂອງຈີນ,ຜູ່ຮັບຜິດຊອບຜູ່ນີ້ແນະນຳວ່າ,ການຫຼຸດຄວາມທຸກຍາກໃຫ້ໜ້ອຍລົງ ແມ່ນໜ້າທີ່ລຳບາກທີ່ສຸດທີ່ປະເທດພວມພັດທະນາອັນໄພສານ ຊຶ່ງລວມທັງຈີນພ້ອມກັນປະເຊີນ.ຈີນຍິນດີສືບຕໍ່ພ້ອມກັນກັບບັນດາປະເທດພວມພັດທະນາຊົມໃຊ້ບົດຮຽນດ້ານການພັດທະນາສັງຄົມແລະການພັດທະນາເພື່ອບຳບັດຄວາມທຸກຍາກ,ດຳເນີນການຮ່ວມມືໃນຫຼາຍຂົງເຂດແລະຫຼາຍລະດັບ.
ທ້າຍປີກາຍນີ້ ຈີນໄດ້ເລີ່ມໃຊ້ສູນບຳບັດຄວາມທຸກຍາກສາກົນຈີນຢ່າງເປັນທາງການ,ໄດ້ສ້າງເວທີແບບຍືນຍົງໃຫ້ແກ່ບັນດາປະເທດໃນໂລກຮ່ຳຮຽນແລະຖອດຖອນບົດຮຽນບຳບັດຄວາມທຸກຍາກຂອງຈີນ.ນັບແຕ່ສ້າງຕັ້ງສູນດັ່ງກ່າວເປັນເວລາ1ປີມານີ້,ໄດ້ອົບຮົມເຈົ້າໜ້າທີ່ລະດັບສູງໃນດ້ານບຳບັດຄວາມທຸກຍາກ 120 ກວ່າຄົນໃຫ້ແກ່ປະເທດພວມພັດທະນາແລ້ວ.
|
|
|
