|
|
 |
| (GMT+08:00)
2006-11-18 21:52:45
|
 |
|
ກອງປະຊຸມບໍ່ເປັນທາງການຂອງຜູ່ນຳອົງການເອເປັກຜ່ານຮັບຮອງ"ແຜນການດຳເນີນງານຮ່າໂນ້ຍ"
cri
Author: da
ຕາມຂ່າວCRI: ວັນທີ 18 ພະຈິກ ໃນກອງປະຊຸມບໍ່ເປັນທາງການຂອງຜູ່ນຳອົງການເອເປັກຄັ້ງທີ 14 ,ຜູ່ນຳບັນດາປະເທດໄດ້ເຊັນ"ແຜນການດຳເນີນງານຮ່າໂນ້ຍ"ຢູ່ຮ່າໂນ້ຍຂອງຫວຽດນາມ,ເພື່ອຊຸກຍູ້ການບັນລຸເປົ້າໝາຍໂບກໍທີ່ດຳເນີນການຄ້າແລະການລົງທຶນຢ່າງເສລີແລະສະດວກ.ຜູ່ຮ່ວມປະຊຸມຍັງໄດ້ອອກຖະແຫຼງການສະບັບໜຶ່ງກ່ຽວກັບການເຈລະຈາຮອບໂດຮາ.
"ແຜນການດຳເນີນງານຮ່າໂນ້ຍ"ຂຽນວ່າ,ບັນດາອົງກອນເສດຖະກິດຈະຜ່ານຈາກມາດຕະການລະອຽດທຸກລາຍແລະການສ້າງສາຄວາມສາມາດ,ໂດຍສະເພາະແມ່ນຫຼຸດຕົ້ນທຶນການຄ້າໃຫ້ໜ້ອຍລົງ,ສ້າງສະພາບແວດລ້ອມທາງການຄ້າທີ່ມີຄວາມປອດໄພແລະດີງາມ,ເພື່ອບັນລຸເປົ້າໝາຍໂບກໍຕາມເວລາກຳນົດ.
ສຳລັບຖະແຫຼງການຂອງການເຈລະຈາຮອບໂດຮາຂອງອົງການການຄ້າໂລກ ກອງປະຊຸມຄັ້ງນີ້ໄດ້ກ່າວວ່າ,ບັນດາອົງກອນເສດຖະກິດຂອງອົງການເອເປັກຈະພະຍາຍາມທັບມ້າງສະພາບແຂງກະດ້າງຂອງການເຈລະຈາຮອບໂດຮາ,ຊຸກຍູ້ໃຫ້ຈັດການເຈລະຈາຄືນໃໝ່,ແລະເຮັດໃຫ້ການເຈລະຈາສິ້ນສຸດລົງຢ່າງສຳເລັດຜົນຢ່າງທັນການ.
ກອງປະຊຸມບໍ່ເປັນທາງການຂອງຜູ່ນຳອົງການເອເປັກຄັ້ງທີ 14 ແມ່ນໄຂຂຶ້ນຢູ່ຮ່າໂນ້ຍຂອງຫວຽດນາມໃນຕອນບ່າຍວັນທີ 18 ພະຈິກນີ້. ຜູ່ນຳຫຼືຜູ່ຕາງໜ້າຂອງ 21 ອົງກອນເສດຖະກິດອົງການເອເປັກ ຊຶ່ງລວມທັງທ່ານຫູຈິນທາວປະທານປະເທດຈີນ ທ່ານຈອດສ໌ ບຸສ ປະທານາທິບໍດີອາເມລິກາ ແລະທ່ານວຼາຕີເມຍ ປູຕິນ ປະທານາທິບໍດີຣັດເຊຍໄດ້ເຂົ້າຮ່ວມກອງປະຊຸມຄັ້ງນີ້.
|
|
|
