|
ລັດຖະມົນຕີກະຊວງວັດທະນະທຳຈີນກ່າວວ່າ, ການແລກປ່ຽນດ້ານວັດທະນະທຳກັບຕ່າງປະເທດຂອງຈີນໃນປີນີ້ຄຶກຄັກທີ່ສຸດ
cri
Author: mengmeng
ຕາມຂ່າວCRI, ໜັງສືພິມເຢິນມິນຢືປາວສະບັບວັນທີ20ທັນວາໄດ້ພິມບົດສຳພາດໂດຍຈຳເພາະຂອງທ່ານຊຸນເຈຍເຈິງ ລັດຖະມົນຕີກະຊວງວັດທະນະທຳຈີນ. ໃນເວລາໃຫ້ສຳພາດ, ທ່ານຊຸນເຈຍເຈິງເວົ້າວ່າ, ປີ2004, ການແລກປ່ຽນດ້ານວັດທະນະທຳກັບຕ່າງປະເທດຂອງຈີນຄຶກຄັກທີ່ສຸດ.
ທ່ານຊຸນເຈຍເຈິງສະເໜີໃຫ້ຮູ້ວ່າ, ປີ2004, ຈີນໄດ້ຈັດການເຄື່ອນໄຫວແລກປ່ຽນວັດທະນະທຳກັບຕ່າງປະເທດຫຼາຍເທື່ອທີ່ມີຂະໜາດໃຫຍ່ແລະມີຜົນສະທ້ອນອັນກວ້າງຂວາງຢ່າງສຳເລັດຜົນ. ໃນນັ້ນລວມທັງການເຄື່ອນໄຫວປີວັດທະນະທຳຈີນຢູ່ຝຣັ່ງ, ງານສິລະປະອາຊີສະໄໝທີ6ເປັນຕົ້ນ. ນອກນີ້, ຈີນຍັງໄດ້ເປັນເຈົ້າພາບຈັດກອງປະຊຸມປະຈຳປີລັດຖະມົນຕີຄັ້ງທີ7ຂອງເວທີປາໄສນະໂຍບາຍວັດທະນະທຳສາກົນຢ່າງສຳເລັດຜົນ, ໄດ້ປະກອບສ່ວນເຂົ້າໃນການປົກປັກຮັກສາຄວາມຫຼາກຫຼາຍຂອງວັດທະນະທຳໂລກ.
ທ່ານຊຸນເຈຍເຈິງເວົ້າວ່າ, ຕໍ່ໄປພາຍໜ້າ, ກະຊວງວັດທະນະທຳຈີນຈະສືບຕໍ່ຮັກສາການພົວພັນແລກປ່ຽນວັດທະນະທຳຢ່າງໝັ້ນທ່ຽງກັບບັນດາປະເທດໃນໂລກ.
|
|
