|
|
 |
| (GMT+08:00)
2004-12-21 15:45:52
|
 |
|
ຈີນຈະເພີ່ມຄວາມແຮງໃນການປົກປ້ອງຕຸລາການດ້ານອາຍາຂອງສິດຊັບສິນທາງປັນຍາ
cri
Author: MO
ຕາມຂ່າວCRI: ວັນທີ 21 ທັນວາຢູ່ທີ່ປັກກິ່ງ, ທ່ານສາວຈ້ຽນມິນ ຮອງປະທານສານປະຊາຊົນສູງສຸດຈີນກ່າວວ່າ, ອົງການຕຸລາການຈີນຈະເພີ່ມຄວາມແຮງໃນການປົກປ້ອງຕຸລາການດ້ານອາຍາຂອງສິດຊັບສິນທາງປັນຍາຕື່ມອີກ.
ທ່ານສາວຈ້ຽນມີນແມ່ນໃຫ້ທັດສະນະດັ່ງກ່າວໃນງານຖະແຫລງຂ່າວທີ່ສານປະຊາຊົນສູງສຸດຈີນແລະອົງການອະທິໄອຍະການຈີນຮ່ວມກັນຈັດຂຶ້ນໃນວັນທີ 21 ທັນວາ.
ທ່ານກ່າວວ່າ, ຕໍ່ໄປພາຍໜ້າ, ສານທຸກຂັ້ນຂອງຈີນຈະເພີ່ມຄວາມແຮງໃນການລົງໂທດທາງອາຍາຕໍ່ການຕ້ອງໂທດຊະນິດຕ່າງໆທີ່ລ່ວງລະເມີດສິດຊັບສິນທາງປັນຍາ, ຕັດສິນລົງໂທດຄະດີອາຍາທີ່ກະທົບກະເທືອນລະບຽບຕະຫລາດຢ່າງຮ້າຍແຮງ, ຈຳນວນເງິນຕ້ອງໂທດມີຫລວງຫລາຍ, ແລະມີຜົນສະທ້ອນຮ້າຍແຮງເປັນພິເສດນັ້ນຢ່າງທັນການຕາມກົດໝາຍ, ບໍ່ພຽງແຕ່ຕ້ອງຕັດສິນລົງໂທດພວກກະທຳຜິດຢ່າງເດັດດ່ຽວທໍ່ນັ້ນ, ຫາກຍັງຕ້ອງລົບລ້າງຄວາມສາມາດແລະເງື່ອນໄຂກະທຳຜິດອີກຂອງພວກນັກໂທດຈາກດ້ານເສດຖະກິດ; ຂະນະດຽວກັນນັ້ນ, ສານທຸກຂັ້ນຍັງຈະຊຳລະຄະດີແພ່ງທີ່ລ່ວງລະເມີດສິດຊັບສິນທາງປັນຍາຢ່າງທັນການ.
|
|
|
