|
|
 |
| (GMT+08:00)
2005-02-16 17:00:39
|
 |
|
ກອງປະຊຸມພາສາຈີນຂອງໂລກຄັ້ງປະຖົມມະເລີກຈະຈັດຂຶ້ນຢູ່ປັກກິ່ງໃນທ້າຍເດືອນກໍລະກົດ
cri
Author: MO
ຕາມຂ່າວຈາກໜັງສືພິມໄປຈິ່ງວານປ້າວ: ວັນທີ 16 ກຸມພາ, ນັກຂ່າວໄດ້ຊາບຈາກໜ່ວຍນຳພາການສິດສອນພາສາຈີນຕໍ່ຄົນຕ່າງປະເທດແຫ່ງຊາດຈີນວ່າ, ກອງປະຊຸມພາສາຈີນຂອງໂລກຄັ້ງປະຖົມມະເລີກຈະຈັດຂຶ້ນຢູ່ປັກກິ່ງໃນທ້າຍເດືອນກໍລະກົດ.
ຕາມສະເໜີວ່າ, ຫົວຂໍ້ຕົ້ນຕໍຂອງກອງປະຊຸມເທື່ອນີ້ແມ່ນ: ພາສາຈີນແລະການສິດສອນພາສາຈີນຢູ່ເບື້ອງຫລັງໂລກາວິວັດ. ຜູ້ນຳການເມືອງແລະຜູ້ຊ່ຽວຊານຂອງທົ່ວໂລກຈະດຳເນີນການຄົ້ນຄວ້າຫາລືກັນກຽວກັບຫົວຂໍ້ຕ່າງໆເຊັ່ນ: ນະໂຍບາຍແລະມາດຕະການຂອງບັນດາປະເທດກ່ຽວກັບການຊຸກຍູ້ການສິດສອນພາສາຈີນ, ເພື່ອຊຸກຍູ້ໃຫ້ການສິດສອນພາສາຈີນຂອງບັນດາປະເທດໄດ້ຮັບການພັດທະນາ, ເພີ່ມທະວີການແລກປ່ຽນແລະການຮ່ວມມືດ້ານວັດທະນະທຳພາສາລະຫວ່າງຈີນແລະຕ່າງປະເທດ.
ຕາມຊາບວ່າ, ປະຈຸບັນ, ຜູ້ຮຽນພາສາຈີນຢູ່ພົ້ນທະເລໄດ້ມີເຖິງ 30 ລ້ານຄົນແລ້ວ, ນອກຈາກຈີນແລ້ວ, ທົ່ວໂລກໄດ້ມີມະຫາວິທະຍາໄລ 2000 ກວ່າຫລັງໄດ້ຈັດໃຫ້ມີການສອນພາສາຈີນ.
|
|
|
