|
|
 |
| (GMT+08:00)
2005-03-01 14:40:23
|
 |
|
ຈີນແກ້ໄຂຄວາມຫຍຸ້ງຍາກຕົວຈິງຂອງນັກສຶກສາທີ່ຄອບຄົວທຸກຍາກ
cri
Author: MO
ຕາມຂ່າວຈາກໜັງສືພິມເຢິນມິນຢື້ປ້າວຂອງຈີນ: ເພື່ອແກ້ໄຂຄວາມຫຍຸ້ງຍາກຕົວຈິງຂອງນັກສຶກສາທີ່ຄອບຄົວທຸກຍາກ, ລັດຖະບານຈີນຈະໃຫ້ເງິນເກື້ອກູນແກ່ນັກສຶກສາ5% ທີ່ຄອບຄົວມີຄວາມຫຍຸ້ງຍາກທີ່ສຸດຜູ້ລະ 150 ຢວນຕໍ່ເດືອນ ບົນພື້ນຖານທີ່ສືບຕໍ່ປະຕິບັດນະໂຍບາຍເກື້ອກູນເດີມ.
ໜັງສືພິມເຢິນມິນຢື້ປ້າວຂອງຈີນສະບັບວັນທີ 1 ມີນາແຈ້ງຂ່າວວ່າ, ປະຈຸບັນ, ໃນໝູ່ນັກສຶກສາເກືອບ 12 ລ້ານຄົນຂອງໂຮງຮຽນຊັ້ນສູງ, ມີ 2 ລ້ານ 4 ແສນຄົນ ຄອບຄົວມີຄວາມທຸກຍາກ, ບໍ່ສາມາດຈ່າຍຄ່າຮຽນແລະຄ່າຄອງຊີບ. ລັດຖະບານຈີນເອົາໃຈໃສ່ທີ່ສຸດນຳເລື່ອງນີ້, ຮຽກຮ້ອງໃຫ້ພາກສ່ວນທີ່ກ່ຽວຂ້ອງໃນແຫ່ງຕ່າງໆໃຊ້ແບບວິທີຕ່າງໆຄືເບີກເງິນກູ້ເປັນທຶນສຶກສາ ແລະຕັ້ງລາງວັນຮຽນດີເປັນຕົ້ນຕໍ່ນັກສຶກສາທີ່ຄອບຄົວທຸກຍາກເຫຼົ່ານີ້, ຊ່ອຍພວກເຂົາເຈົ້າສຳເລັດການຮຽນຢ່າງສະດວກ. ປະຈຸບັນ, ຈີນໄດ້ຜ່ານການເບີກເງິນກູ້ເປັນທຶນສຶກສາຂອງລັດສະໜອງທຶນຊ່ອຍເຫຼືອ 6 ຕື້ 500 ລ້ານຢວນແກ່ນັກສຶກສາທີ່ຄອບຄົວທຸກຍາກ, ເຮັດໃຫ້ນັກສຶກສາເກືອບ 2 ລ້ານຄົນໄດ້ຮັບຜົນປະໂຫຍດ.
|
|
|
