|
ຈີນກາຍເປັນປະເທດໃຫຍ່ທີ 3 ໃນໂລກທີ່ຜະລິດຮູບເງົາ
cri
Author: MO
ຕາມຂ່າວສານຊີນຮວາ: ວັນທີ 23 ເມສາ, ຢູ່ນະຄອນຫາງໂຈວ ເມືອງພາກຕາເວັນອອກຂອງຈີນ, ທ່ານຈາງພີ່ມີນ ຮອງຫົວໜ້າກົມຮູບເງົາຂອງກົມໃຫຍ່ວິທະຍຸຮູບເງົາແລະໂທລະພາບ ແຫ່ງຊາດຈີນກ່າວວ່າ, ປັດຈຸບັນ, ຈີນໄດ້ກາຍເປັນປະເທດຜະລິດຮູບເງົາຫລາຍທີສາມໃນໂລກແລ້ວເຊິ່ງພຽງຖັດຈາກອາເມລິກາແລະອິນເດຍ.
ທ່ານຈາງພີ່ມີນແມ່ນເວົ້າຄວາມນີ້ໃນກອງປະຊຸມກ່ຽວກັບຕະຫລາດວັດທະນະທຳ. ທ່ານກ່າວວ່າ, ປັດຈຸບັນ, ລາຍຮັບຈາກການຂາຍປີ້ຮູບເງົາຂອງຈີນບໍ່ຫລາຍປານໃດ, ໂຮງສາຍຮູບເງົາຍັງຫລ້າຫລັງ, ຈໍຮູບເງົາກໍມີໜ້ອຍ, ແຕ່ນີ້ກໍໝາຍຄວາມວ່າ, ຕະຫລາດສາຍຮູບເງົາຂອງຈີນມີກຳລັງບົ່ມຊ້ອນໃນການພັດທະນາອັນໃຫຍ່ຫລວງ.
|
|
