|
ຢູ່ເຂດຊາຍແດນຈີນມຽນມາໄດ້ສ້າງຕັ້ງສະຖານີວັດແທກແຜ່ນດິນໄຫວດີຈີຕອນລະດັບຊາດ
cri
Author: da
ຕາມຂ່າວສານຊິນຮວາໃນວັນທີ 9 ກຸມພາ:ຫວ່າງມໍ່ໆນີ້,ຢູ່ເມືອງລຽນເຜົ່າລື້ເຜົ່າລ່າຮູ້ເຜົ່າຫວາປົກຕອງຕົນເອງແຂວງຢູນນານທີ່ຢູ່ເຂດຊາຍແດນຈີນມຽນມາໄດ້ສ້າງຕັ້ງສະຖານີວັດແທກແຜ່ນດິນໄຫວດີຈີຕອນລະດັບຊາດ.ນີ້ເປັນຂີດໝາຍສະແດງໃຫ້ເຫັນວ່າ ການຄົ້ນຄວ້າຕິດຕາມວັດແທກແຜ່ນດິນໄຫວຂອງຈີນໄດ້ເປີດກວ້າງອອກໄປຮອດພາກພື້ນອາຊີອາຄະເນທີ່ຢູ່ອ້ອມຂ້າງແລ້ວ.
ຕາມໄດ້ຊາບ,ເມືອງລຽນຕັ້ງຢູ່ຕອນກາງຂອງເຂດແຜ່ຂະຫຍາຍໄປທາງທິດຕາເວັນຕົກຂອງແຖບແຜ່ນດິນໄຫວເກີງມາ-ລ້ານຊ້າງ,ທັງມໍ່ກັບແຖບແຜ່ນດິນໄຫວຂອງມຽນມາ,ເກີດແຜ່ນດິນໄຫວເລື້ອຍໆ,ທັງໄຫວແຮງ.ໃນວັນທີ 12 ກໍລະກົດປີ 1995 ສະຕະວັດທີ່ແລ້ວ,ຢູ່ເຂດມໍ່ຊາຍແດນຈີນມຽນມາໃນເມືອງນີ້ໄດ້ເກີດແຜ່ນດິນໄຫວແຮງເຖິງຂັ້ນ 7.3 ລິກເທີ,ມີຜູ້ເສຍຊີວິດ 11 ຄົນ, 136 ຄົນບາດເຈັບ,ຫຼາຍພັນຄົນບໍ່ມີບ່ອນຢູ່ບ່ອນອາໄສ.
|
|
