|
|
 |
| (GMT+08:00)
2005-11-28 18:04:24
|
 |
|
ສື່ມວນຊົນຮົງກົງສັນລະເສີນຜົນສຳເລັດດ້ານພາລະກິດການບິນອະວະກາດຂອງປະເທດຊາດ
cri
ຕາມຂ່າວສານຊີນຮວາ,ປະຈຸບັນ,ຄະນະຜູ້ແທນການບິນອະວະກາດ ຂອງຍານອາວະກາດເສີນໂຈ່ວເລກ6ບັນທຸກຄົນພວມຢ້ຽມຢາມຢູ່ຮົງກົງ.ວັນທີ28ພະຈິກ,ໜັງສືພິມໃຫຍ່ຕ່າງໆພາກັນພິມບົດນຳຍ້ອງຍໍສັນລະເສີນຜົນສຳເລັດດ້ານພາລະກິດການບິນອະວະກາດຂອງປະເທດຊາດ.
ໜັງສືພິມອຸນຮຸ້ຍເປົ້າພິມບົດນຳວ່າ,ຜົນສຳເລັດດ້ານພາລະກິດການບິນອະວະກາດຂອງປະເທດຊາດແລະການບິນອະວະກາດອັນສະຫງ່າຂອງວິລະຊົນການບິນອະວະກາດ,ໄດ້ເຮັດໃຫ້ຊາວຮົງກົງໃນຖານເປັນຊາວຈີນມີຄວາມເອກອ້າງທະນົງໃຈຫຼາຍຂຶ້ນ.ພວກເຮົາເຊື່ອໝັ້ນວ່າ,ຊາວຮົງກົງຍ່ອມຈະເພີ່ມຄວາມຮູ້ສຶກເປັນຊົນຊາດດຽວແລະຄວາມຮູ້ສຶກເຫັນດີນຳປະເທດ ຊາດຢ່າງບໍ່ຢຸດຢັ້ງໃຕ້ທິດທາງປະເທດດຽວສອງລະບອບ,ປະກອບສ່ວນຫຼາຍກວ່າເກົ່າເຂົ້າໃນການພັດທະນາປະເທດຊາດຕື່ມອີກ.
ບົດນຳຂອງໜັງສືພິມມິງເປົ້າຂຽນວ່າ,ວິລະຊົນການບິນອະວະກາດສອງທ່ານຂອງຍານອະວະກາດເສີນໂຈ່ວເລກ6ຢ້ຽມຢາມຮົງກົງ,ໄດ້ສະແດງ ຄວາມສາມາດສັງລວມດ້ານເຕັກນິກອັນແຂງແຮງຂອງຈີນໃນປະຈຸບັນຕໍ່ຊາວຮົງກົງ,ມີຜົນດີຕໍ່ຊາວຮົງກົງເພີ່ມທະວີຄວາມເຫັນດີຕໍ່ປະເທດຊາດ.
ຄະນະຜູ້ແທນການບິນອະວະກາດຍານອາວະກາດເສີນໂຈ່ວເລກ6ບັນ ທຸກຄົນແມ່ນເລີ່ມຢ້ຽມຢາມຮົງກົງໃນວັນທີ27ແລະສິ້ນສຸດລົງໃນວັນທີ29ພະຈິກ.
|
|
|
