|
ຈີນອາເມລິກາຈະຂະຫຍາຍການພົວພັນຮ່ວມມືດ້ານການບິນອະວະກາດ
cri
Author: da
ຕາມຂ່າວສານຊິນຮວາ: ວັນທີ 24 ກັນຍາ ຫົວໜ້າກົມການບິນອະວະກາດຂອງຈີນແລະອາເມລິກາໄດ້ພົບປະຢູ່ປັກກິ່ງ,ສອງຝ່າຍກ່າວວ່າ,ຈະພ້ອມກັນລົບລ້າງອຸປະສັກຕ່າງໆ ເພື່ອຂະຫຍາຍການພົວພັນຮ່ວມມືທີ່ມີລັກສະນະເສີມສ້າງ.
ໃນການພົບປະ,ຝ່າຍຈີນເວົ້າວ່າ,ໂດຍອີງຕາມຫຼັກການ"ສະເໝີພາບກັນ ຕ່າງຝ່າຍຕ່າງມີຜົນປະໂຫຍດ,ການນຳໃຊ້ໃນທາງສັນຕິ,ພ້ອມກັນພັດທະນາ",ຍິນດີເພີ່ມທະວີການແລກປ່ຽນ ເພີ່ມທະວີຄວາມໄວ້ເນື້ອເຊື່ອໃຈກັນ,ພັດທະນາມິດຕະພາບ,ຊຸກຍູ້ການຮ່ວມມື,ປະກອບສ່ວນເທົ່າທີ່ຄວນເຂົ້າໃນການນຳໃຊ້ອະວະກາດຊັ້ນນອກໂດຍສັນຕິວິທີ,ສ້າງຄວາມສຸກໃຫ້ມວນມະນຸດ.ສອງຝ່າຍເປັນເອກະສັນກັນເຫັນວ່າ,ການເຈລະຈາຄັ້ງນີ້ແມ່ນບາດກ້າວສຳຄັນໃນການແລກປ່ຽນແລະການຮ່ວມມືທາງການບິນອະວະກາດລະຫວ່າງຈີນກັບອາເມລິກາ,ສອງຝ່າຍຄວນພ້ອມກັນເຮັດວຽກເລີ່ມຕົ້ນຂອງການຮ່ວມມືໃຫ້ດີ,ພະຍາຍາມລົບລ້າງສິ່ງລົບກວນແລະອຸປະສັກໃນການຮ່ວມມື,ເພີ່ມທະວີຄວາມໄວ້ເນື້ອເຊື່ອໃຈກັນແລະລົບລ້າງຄວາມລະແວງສົງໄສ,ຂະຫຍາຍການພົວພັນຮ່ວມມືທີ່ມີລັກສະນະເສີມສ້າງ.ສອງຝ່າຍຍັງຫາລືເພື່ອຕົກລົງສ້າງກົນໄກພົບປະເປັນປະຈຳ,ຄົ້ນຄວ້າການແລກປ່ຽນແລະການຮ່ວມມືໃນຂົງເຂດຕ່າງໆຕື່ມອີກເຊັ່ນຂົງເຂດວິທະຍາສາດທາງອະວະກາດເປັນຕົ້ນ.
|
|
