ຕາມຂ່າວCRI: ວັນທີ 24 ກຸມພາຢູ່ທີ່ປັກກິ່ງ, ສະມາຄົມສະນຸກເກີໂລກປະກາດວ່າ, ງານແຂ່ງຂັນໂອເພັນຈີນ ເຊິ່ງເປັນງານຕະເວນແຂ່ງຂັນສະນຸກເກີໂລກນັດທີ 7 ໃນສົກປີ 2004-2005 ຈະຈັດຂຶ້ນຢູ່ປັກກິ່ງແຕ່ວັນທີ 26 ມີນາຮອດວັນທີ 3 ເມສາປີນີ້, ນີ້ແມ່ນຈີນເປັນເຈົ້າພາບຈັດງານແຂ່ງຂັນດັ່ງກ່າວເປັນຄັ້ງທຳອິດ.
ງານຕະເວນແຂ່ງຂັນສະນຸກເກີໂລກແມ່ນໜຶ່ງໃນງານແຂ່ງຂັນສະນຸກເກີລະດັບສຸດຍອດຂອງໂລກ, ງານແຂ່ງຂັນໂອເພັນຈີນກໍ່ແມ່ນງານຕະເວນແຂ່ງຂັນສະນຸກເກີໂລກຈັດຂຶ້ນຢູ່ນອກອັງກິດເປັນຄັ້ງທຳອິດ. ນັກກິລາແຕ່ທີ 1 ຫາທີ 16 ໃນໂລກຈະເຂົ້າຮ່ວມງານແຂ່ງຂັນໂອເພັນຈີນເທື່ອນີ້, ໃນນັ້ນລວມທັງນັກກິລາທີ່ຊື່ດັງຂອງໂລກຄື ທ່ານຣອນນີ ໂອຊຸນລີແວນ ທ່ານສະເຕັບແຟນ ແຮນດຼີແລະທ່ານຈອນ ຮີກິນເປັນຕົ້ນ, ຍັງມີນັກກິລາທີ່ຊື່ດັງຂອງຈີນຄືທ່ານຟູເຈຍຈິ້ນຂອງຮົງກົງແລະທ່ານຕິງຈິ້ນຮຸຍຂອງຊຽງໄຮ້.
|