|
|
 |
| (GMT+08:00)
2006-06-22 15:45:25
|
 |
|
ສະຫນາມແລະຫໍກິລາສຳຄັນສຳລັບຈັດງານໂອລິມປິກປັກກິ່ງມີຫວັງຈະເປີດໃຫ້ຄົນເຂົ້າທ່ຽວຊົມໃນທ້າຍປີນີ້
cri
Author: sayvanny
ຕາມຂ່າວ CRI: ວັນທີ 22 ມິຖຸນາ,ທ່ານຕູ້ຈ່ຽງ ຫົວຫນ້າພະແນກ ທ່ອງທ່ຽວນະຄອນປັກກິ່ງກ່າວວ່າ, ສະຫນາມແລະຫໍກິລາສຳຄັນທີ່ສ້າງເພື່ອຈັດງານກິລາໂອລິມປິກປີ 2008 ຂອງປັກກິ່ງມີຫວັງເປີດໃຫ້ຄົນເຂົ້າທ່ຽວຊົມໃນທ້າຍປີນີ້.
ໃນງານເອັກສໂປການທ່ອງທ່ຽວສາກົນປັກກິ່ງທີ່ໄຂຂຶ້ນໃນວັນທີ 22 ມິຖຸນາທ່ານຕູ້ຈ່ຽງໄດ້ເວົ້າຕໍ່ນັກຂ່າວວ່າ, ສະຫນາມແລະຫໍກິລາໂອລິມປິກທີ່ຈະໄຂໃຫ້ເຂົ້າທ່ຽວຊົມນັ້ນມີສະຫນາມກິລາແຫ່ງຊາດທີ່ຊື່ວ່າຮັງນົກແລະສູນລອຍນ້ຳແຫ່ງຊາດທີ່ເອີ້ນວ່າຫົກຫລ່ຽມເປັນຕົ້ນ,ການເຂົ້າທ່ຽວຊົມຈະດຳເນີນພາຍໃຕ້ສະພາບທີ່ຮັບປະກັນຄວາມປອດໄພຂອງຜູ່ຊົມແລະບໍ່ກະທົບເຖິງການກໍ່ສ້າງ.
ທ່ານຕູ້ຈ່ຽງເວົ້າວ່າ, ການເປີດສະຫນາມແລະຫໍກິລາເຫລົ່ານີ້ໃຫ້ເຂົ້າ ທ່ຽວຊົມບໍ່ແມ່ນຍ້ອນມູນເຫດດ້ານເສດຖະກິດ,ແຕ່ຫາກແມ່ນເພື່ອໃຫ້ບຸກຄົນພາຍໃນແລະຕ່າງປະເທດຮູ້ຈັກສະພາບການກະກຽມຂອງງານກິລາໂອລິມປິກປັກກິ່ງ, ໃຫ້ຊາວໂລກມີຄວາມຫມັ້ນໃຈຕໍ່ປັກກິ່ງທີ່ຫ້າງຈັດງານໂອລິມປິກ.ສະຫນາມແລະຫໍກິລາຈັດງານໂອລິມປິກຈະເປີດໃຫ້ຜູ່ທ່ອງທ່ຽວຕ່າງປະເທດເຂົ້າຊົມກ່ອນ.
ຕາມແນະນຳວ່າ, ສະຫນາມກິລາຮັງນົກແລະສູນລອຍນ້ຳຫົກຫລ່ຽມຈະສ້າງສຳເລັດໃນທ້າຍປີ 2007,ການກໍ່ສ້າງໃນປັດຈຸບັນພວມດຳເນີນໄປຢ່າງ ສະດວກຢູ່.
|
|
|
