|
|
 |
| (GMT+08:00)
2005-11-30 21:37:09
|
 |
|
ຈີນຈະໂຈມຕີການເຄື່ອນໄຫວເກັບແລະສະໜອງເລືອດທີ່ຜິດກົດໝາຍຢ່າງເຂັ້ມງວດ
cri
ຕາມຂ່າວCRI,ວັນທີ30ພະຈິກ,ຢູ່ທີ່ປັກກິ່ງ,ທ່ານກ່າວສຽງ ລັດຖະມົນຕີກະຊວງສາທາລະນະສຸກຈີນກ່າວວ່າ,ຈີນຈະໂຈມຕີການເຄື່ອນໄຫວເກັບແລະສະໜອງເລືອດທີ່ຜິດກົດໝາຍນັ້ນຢ່າງເຂັ້ມງວດ,ເພື່ອສະກັດກັ້ນໂຣກເອດສແຜ່ລະບາດໂດຍຜ່ານຈາກການເກັບແລະສະໜອງເລືອດ.
ຕາມຜົນການປະເມີນຫຼ້າສຸດ,ປັດຈຸບັນ,ຈີນມີປະມານ7ໝື່ນຄົນໄດ້ຕິດພະຍາດໂຣກເອດສ໌ໂດຍຜ່ານຈາກການເກັບແລະສະໜອງເລືອດທີ່ຜິດກົດໝາຍ.ທ່ານກ່າວສຽງກ່າວວ່າ,ຜູ່ຕິດເຊື້ອໂຣກເອດສ໌ເຫຼົ່ານີ້ສ່ວນຫຼາຍແມ່ນຕິດໃນເວລາເກັບແລະສະໜອງເລືອດທີ່ຜິດກົດໝາຍກ່ອນຈີນປະກາດກົດໝາຍວ່າດ້າຍການບໍລິຈາກເລືອດໃນປີ1998.ໃນຫຼາຍປີມານີ້,ລັດຖະບານຈີນໄດ້ໃຊ້ມາດຕະການອັນບັງເກີດຜົນ,ອັດຕາໃຊ້ເລືອດທີ່ມາຈາກການບໍລິຈາກເລືອດບໍ່ຮຽກຮ້ອງສິ່ງຕອບແທນນັ້ນມາປິ່ນປົວພະຍາດໄດ້ເພີ່ມຈາກ22%ເມື່ອປີ1998ຂຶ້ນຮອດ94%ຂຶ້ນໄປໃນຫົກເດືອນຕົ້ນປີ2005.
ທ່ານກ່າວສຽງຍັງກ່າວວ່າ,ຜູ່ຕິດເຊື້ອໂຣກເອດສ໌ຍ້ອນການເກັບແລະສະໜອງເລືອດນັ້ນເປັນຄົນທີ່ບໍ່ເປັນຈັ່ງບຸນ, ລັດຖະບານໄດ້ເບິ່ງແຍງດູແລຜູ່ຕິດເຊື້ອໂຣກເອດສເຫຼົ່ານີ້,ເຊິ່ງລວມທັງສະໜອງການປິ່ນປົວພະຍາດໂຣກໂດຍຟີ,ຈັດວາງເດັກກຳພ້າກຳພອຍທີ່ພໍ່ແມ່ຕາຍຍ້ອນໂຣກເອດສ໌ນັ້ນເຂົ້າຮຽນຟີເປັນຕົ້ນ.
|
|
|
