|
|
 |
| (GMT+08:00)
2005-11-30 21:41:14
|
|
ຈີນປອກຕຸຍການຈະສ້າງການພົວພັນຄູ່ຂາຍຸດທະສາດຮອບດ້ານ
cri
ຕາມຂ່າວCRI,ວັນທີ30ພະຈິກ,ຢູ່ທີ່ປັກກິ່ງ,ທ່ານຈ້າວຈຸ່ນ ຫົວໜ້າກົມເອີລົບກະຊວງການຕ່າງປະເທດຈີນກ່າວວ່າ,ໃນເວລາທ່ານເວິນເຈຍປາວ ນາຍົກລັດຖະມົນຕີຈີນຢ້ຽມຢາມປອກຕຸຍການໃນຕົ້ນເດືອນທັນວາ,ທັງສອງປະເທດຈີນແລະປອກຕຸຍການຈະອອກຖະແຫຼງການຮ່ວມ,ຍົກລະດັບການພົວພັນລະຫວ່າງສອງປະເທດຂຶ້ນເປັນການພົວພັນຄູ່ຂາຍຸດທະສາດ.
ທ່ານຈ້າວຈຸ່ນແມ່ນເຜີຍໃຫ້ຮູ້ຂ່າວດັ່ງກ່າວໃນງານຊຸມນຸມນັກຂ່າວຈີນແລະຕ່າງປະເທດທີ່ກະຊວງການຕ່າງປະເທດຈີນຈັດຂຶ້ນໃນມື້ດຽວກັນເນື່ອງໃນໂອກາດທ່ານເວິນເຈຍປາວຈະຢ້ຽມຢາມຫ້າປະເທດອາຊີເອີລົບ.ທ່ານແນະນຳວ່າ,ການຢ້ຽມຢາມເທື່ອນີ້ແມ່ນນາຍົກລັດຖະມົນຕີຈີນຢ້ຽມຢາມປອກຕຸຍການເປັນເທື່ອທຳອິດໃນ13ປີມານີ້.ໃນໄລຍະຢ້ຽມຢາມ,ທ່ານເວິນເຈຍປາວຈະແຍກອອກພົບປະປະທານາທິບໍດີ, ປະທານສະພາ,ນາຍົກລັດຖະມົນຕີປອກຕຸຍການ.ທັງສອງຝ່າຍຈີນປອກຕຸຍການຈະເຊັນສັນຍາຮ່ວມມືຕ່າງໆ.
|
|
|
