|
ຜູ່ແທນພັກມິນຊູຍີ່ປຸ່ນຕິຕຽນນະໂຍບາຍການຕ່າງປະເທດຕໍ່ອາຊີຂອງທ່ານໂຄອີຈູມີຈູນີຊີໂລ
cri
ຕາມຂ່າວCRI,ວັນທີ1ທັນວາ,ຢູ່ທີ່ໂຕກຽວ,ທ່ານມາເອຮາລາ ເຊອີຈີ ຜູ່ແທນພັກມິນຊູ ພັກບໍ່ຄອງອຳນາດທີ່ໃຫຍ່ກວ່າໝູ່ຂອງຍີ່ປຸ່ນໄດ້ກ່າວປາຖະກະຖາ,ຕິຕຽນນະໂຍບາຍການຕ່າງປະເທດຕໍ່ອາຊີຂອງທ່ານໂຄອີຈູມີຈູນີຊີໂລ ນາຍົກລັດຖະມົນ ຕີຍີ່ປຸ່ນ.
ທ່ານ ມາເອຮາລາ ເຊອີຈີ ກ່າວວ່າ,ທ່ານໂຄອີຈູມີຈູນີຊີໂລໄປນະມັດສະການວັດຢາຊືຄູນີທີ່ບູຊາອາຊະຍາກອນສົງຄາມໂລກຄັ້ງທີສອງຊັ້ນກໃນຫຼາຍປີລຽນຕິດ,ໄດ້ສ້າງອຸປະສັກໃຫ້ແກ່ຍີ່ປຸ່ນຂະຫຍາຍການພົວພັນກັບປະເທດໃກ້ຄຽງຢູ່ອາຊີເຊັ່ນຈີນແລະສ.ເກົາຫຼີເປັນຕົ້ນ,ໄດ້ທຳລາຍຜົນປະໂຫຍດແຫ່ງຊາດຍີ່ປຸ່ນ.ທ່ານ ມາເອຮາລາ ເຊອີຈີຊີ້ອອກວ່າ,ຍີ່ປຸ່ນຄວນຊຳລະບັນຫາປະຫວັດສາດເຊັ່ນວັດຢາຊີຄູນີເປັນຕົ້ນຢ່າງເໝາະສົມ,ບົນພື້ນຖານທີ່ສຳຫຼວດຄືນຢ່າງເລິກເຊິ່ງຕໍ່ໂທດກຳແລະຄວາມຮັບຜິດຊອບຕໍ່ສົງຄາມ.
ທ່ານ ມາເອຮາລາ ເຊອີຈີກ່າວເນັ້ນວ່າ,ຈີນແມ່ນປະເທດໃກ້ຄຽງທີ່ສຳຄັນຂອງຍີ່ປຸ່ນ,ຍີ່ປຸ່ນແລະຈີນຄວນເສີມຂະຫຍາຍທ່າແຮງຂອງໃຜລາວ,ເພີ່ມທະວີການຮ່ວມມື,ນີ້ສອດຄ່ອງກັບຜົນປະໂຫຍດຂອງຍີ່ປຸ່ນເອງ.
|
|
