|
ເຂດເກີດພະຍາດໄຂ້ຫວັດສັດປີກປະເພດຮ້າຍແຮງຢູ່ເມືອງເຮີຍຊ່ານເປັນຕົ້ນຂອງແຂວງລຽວນິງຈີນໄດ້ຍົກເລີກການອັດຕັນແລ້ວ
cri
ຕາມຂ່າວສານຊິນຮວາ,ວັນທີ1ທັນວາ,ກອງບັນຊາການປ້ອງກັນແລະຄວບຄຸມໄຂ້ຫວັດສັດປີກປະເພດຮ້າຍແຮງຂອງແຂວງລຽວນິງທາງພາກຕາເວັນອອກສຽງເໜືອຂອງຈີນໄດ້ລາຍງານວ່າ,ຢູ່ເມືອງເຮີຍຊ່ານເປັນຕົ້ນຂອງແຂວງລຽວນິງທີ່ປະກົດມີໄຂ້ຫວັດສັດປີກ,ເມື່ອໄດ້ຕິດຕາມວັດແທກເປັນເວລາ21ມື້ແລ້ວ,ບໍ່ໄດ້ປະກົດເຫັນແຫຼ່ງຕິດແປດໃໝ່.ອີງຕາມແຜນການສຸກເສີນຮັບມືໄຂ້ຫວັດສັດປີກປະເພດຮ້າຍແຮງແຫ່ງຊາດຈີນ,ໄດ້ບັນລຸມາດຖານຍົກເລີກການອັດຕັນເຂດເກີດພະຍາດ,ແລ້ວໄດ້ຍົກເລີກການອັດຕັນຢ່າງຮອບດ້ານໃນເວລາ3ໂມງແລງວັນທີ1ທັນວາ.
ພາຍຫຼັງແຫ່ງຕ່າງໆຂອງແຂວງລຽວນິງເຊັ່ນເມືອງເຮີຍຊ່ານເປັນຕົ້ນໄດ້ເກີດພະຍາດໄຂ້ຫວັດສັດປີກແລ້ວ,ທ່ານເວິນເຈຍປາວ ນາຍົກລັດຖະມົນຕີຈີນໄດ້ໄປເຂດເກີດພະຍາດໂດຍຕົນເອງ,ຈັດວາງວຽກງານປ້ອງກັນແລະຄວບຄຸມພະຍາດຢ່າງຄັກແນ່ແລະທັນການ.ອົງການປົກຄອງແຂວງລຽວນິງໄດ້ໃຊ້ມາດຕະການປ້ອງກັນຄວບຄຸມແລະດັບສູນພະຍາດຕ່າງໆ,ໄດ້ຄວບຄຸມພະຍາດຢ່າງບັງເກີດຜົນພາຍໃນເວລາອັນສັ້ນໆ.
ວັນທີ3ພະຈິກ,ຫ້ອງທົດລອງໄຂ້ຫວັດສັດປີກແຫ່ງຊາດຈີນໄດ້ບົ່ງມະຕິວ່າ,ເມືອງເຮີຍຊານແຂວງລຽວນິງໄດ້ເກີດພະຍາດໄຂ້ຫວັດສັດປີກປະເພດຮ້າຍແຮງH5N1ແບບຂ.
|
|
