|
|
 |
| (GMT+08:00)
2005-12-01 22:43:34
|
 |
|
ທ່ານຖາງເຈຍສຽນຫວັງໃຫ້ຝ່າຍຍີ່ປຸ່ນປະຕິບັດຕໍ່ປະຫວັດການຮຸກຮານຂອງລັດທິລັດຖະທະຫານຢ່າງຖືກຕ້ອງ
cri
ຕາມຂ່າວສານຊິນຮວາ,ວັນທີ1ທັນວາ,ຢູ່ທີ່ປັກກິ່ງ, ໃນເວລາພົບປະຄະນະຢ້ຽມຢາມຈີນຂອງສະມາຊິກລັດຖະສະພາໃນສະມາຄົມສະຕະວັດໃໝ່ຍີ່ປຸ່ນຈີນໂດຍມີທ່ານເອນໂດໂອໂທຮິໂຄ ປະທານສະມາຄົມດັ່ງກ່າວເປັນຫົວໜ້າຄະນະນັ້ນ, ທ່ານຖາງເຈຍສຽນ ທີ່ປຶກສາແຫ່ງລັດຈີນກ່າວວ່າ,ຫວັງໃຫ້ຝ່າຍຍີ່ປຸ່ນປະຕິບັດຕໍ່ປະຫວັດການຮຸກຮານຂອງລັດທິລັດຖະທະຫານຢ່າງຖືກຕ້ອງ,ຊຳລະບັນຫາດັ່ງກ່າວໃຫ້ເໝາະສົມຕາມຈິດໃຈ"ຖືປະຫວັດສາດເປັນແວ່ນແຍງ,ອວ່າຍໜ້າໄປສູ່ອະນາຄົດ"ຢ່າງແທ້ຈິງ.
ທ່ານຖາງເຈຍສຽງ ກ່າວວ່າ,ການປະຕິບັດຕໍ່ປະຫວັດການຮຸກຮານຂອງລັດທິລັດຖະທະຫານຍີ່ປຸ່ນຢ່າງຖືກຕ້ອງແມ່ນປະຖົມປັດໄຈທີ່ຍີ່ປຸ່ນຢູ່ປອງດອງກັນກັບປະເທດໃກ້ຄຽງໃນອາຊີ.ຜູ່ນຳຍີ່ປຸ່ນຍຶດໝັ້ນໄປນະມັດສະການວັດຢາຊືຄູນີທີ່ບູຊາອາຊະຍາກອນສົງຄາມໂລກຄັ້ງທີສອງຊັ້ນກນັ້ນໄດ້ທຳລາຍການພົວພັນຈີນຍີ່ປຸ່ນຢ່າງໜັກໜ່ວງ,ແລະກໍບໍ່ສອດຄ່ອງກັບຜົນປະໂຫຍດແຫ່ງຊາດຍີ່ປຸ່ນ.
ທ່ານເອນໂດ ໂອໂທຮິໂຄກ່າວວ່າ,ໃຕ້ສະພາບປັດຈຸບັນທີ່ການພົວພັນຍີ່ປຸ່ນຈີນປະສົບຄວາມຫຍຸ້ງຍາກ,ສະມາຄົມສະຕະວັດໃໝ່ຍີ່ປຸ່ນຈີນຍິນດີເພີ່ມທະວີການແລກປ່ຽນໃນທຸກດ້ານລະຫວ່າງສອງປະເທດ,ເພີ່ມທະວີຄວາມເຂົ້າໃຈກັນ,ປະກອບສ່ວນເຂົ້າໃນການພັດທະນາການພົວພັນຍີ່ປຸ່ນຈີນທີ່ອວ່າຍໜ້າໄປສູ່ອະນາຄົດ.
|
|
|
