ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຖ່າຍ​ທອດ​ສົດ​ກອງ​ປະ​ຊຸມ​ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນ
ບົດ​ລາຍ​ງານ​ວຽກ​ງານ​ຂອງ​ລັດ​ຖະ​ບານ
  • ສິ້ນ​ສຸດ​ການ​ຖ່າຍ​ທົດ​ສົດ

    2019-03-05 13:11:57 

     ​ຮັບ​ຟັງ​ກາ​ນ​ອັດ​ສຽງຂອງ​ລາຍການ​ສົດ​ກ່ຽວ​ກັບພິ​ທີ​ເປີດກອງ​ປະ​ຊຸມ​ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນ​ຄັ້ງ​ທີ 2 ສະ​ໄໝ​ທີ 13

  • ຈີນ​ກ່າວ​ວ່າ​ຈະ​ເພີ່ມ​ທະ​ວີ​ການ​ແລກ​ປ່ຽນການສົນ​ທະ​ນາ ແລະ​ການ​ຮ່ວມ​ມື​ກັບ​ປະ​ເທດ​ໃຫຍ່​ທີ່​ສຳ​ຄັນ

    2019-03-05 11:48:55 

        ວັນ​ທີ 5 ມີ​ນາ​ນີ້, ທ່ານ​ຫຼີ​ເຄີ້​ສຽງ, ນາ​ຍົກ​ລັດ​ຖະ​ມົນ​ຕີ​ຈີນ​ໄດ້​ຜ່ານ​ບົດ​ລາຍ​ງານ​ວຽກ​ງານ​ລັດ​ຖະ​ບານ ໂດຍ​ກ່າວ​ວ່າ, ປີ 2019 ​ຈີນຈະ​ເດີນ​ຕາມ​ເສັ້ນ​ທາງ​ພັດ​ທະ​ນາ​ໂດຍ​ສັນ​ຕິ ແລະ​ປະ​ຕິ​ບັດ​ຕາມ​ຍຸດ​ທະ​ສາດ​ເປີດ​ປະ​ຕູ​ສູ່​ພາຍນອກ​ທີ່​ຕ່າງ​ຝ່າຍ​ຕ່າງ​ມີ​ຜົ​ນ​ປະ​ໂຫຍດ​ຢ່າງ​ເດັດ​ດ່ຽວ​ໜ້ຽວ​ແໜ້ນ, ​​ເດັດ​ດ່ຽວ​ຮັກ​ສາ​ລັດ​ທິຫຼາຍ​ຝ່າຍ ແລະ ລະ​ບົບ​ສາ​ກົນ​ທີ່​ຖື​ອົງ​ການ​ສະ​ຫະ​ປະ​ຊາ​ຊາດ​ເປັນ​ແກນ​ກາງ. ຕັ້ງ​ໜ້າ​ເຂົ້າ​ຮ່ວ​ມ​ການ​ປະ​ຕິ​ຮູບ ແລະ ປັບ​ປຸງ​ບູ​ລະ​ນະ​ລະ​ບົບ​ຄຸ້ມ​ຄອງ​ທົ່ວ​ໂລກ, ເດັດ​ດ່ຽວ​ຮັກ​ສາ​ເສດ​ຖະ​ກິດ​ໂລກ​ແບບ​ເປີດ​ປະ​ຕູ, ຊຸກ​ຍູ້ການສ້າງປະ​ຊາ​ຄົມ​ຮ່ວມ​ຊາ​ຕາ​ກຳ​ຂອງມວນ​ມະ​ນຸດ. ເພີ່ມ​ທະ​ວີ​ການ​ສົນ​ທະ​ນາ ,​ການ​ປະ​ສານ​ງານແລະ​ການຮ່ວມ​ມື​ກັບ​ປະ​ເທດ​ໃຫຍ່​ທີ່​ສຳ​ຄັນ, ລົງ​ເລິກ​ສາ​ຍ​ພົວ​ພັນ​ກັບ​ປະ​ເທດ​ອ້ອມ​ຂ້າງ, ເປີດກວ້າງ​ການ​ຮ່ວມ​ມື​ແບບ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ​ກັບ​ປະ​ເທດ​ພວມ​ພັດ​ທະ​ນາ. ຕັ້ງ​ໜ້າ​ສະ​ເໜີ​ແຜນ​ການ ​ທີ່​ມີ​ລັກ​ສະ​ນະ​ສ້າງ​ສັນ​ຂອງ​​ຈີນຫຼາຍກວ່າ​ເກົ່າເພື່ອ​ຮັບ​ມື​ກັບ​ສິ່​ງ​ທ້າ​ທາຍ​ຂອງ​ທົ່ວ​ໂລກ ແລະ​ແກ້​ໄຂ​ບັນ​ຫາ​ຈຸດ​ເຄັ່ງ​ຮ້ອນ​ຂອງ​ພາກ​ພື້ນ.

  • ແຜ່ນ​ດິນ​ໃຫຍ່​ຈີນ​ຈະ​ລົງ​ເລິກ​ການ​ຮ່ວມ​ມື​ກັບ​ເຂດ​ຮົງ​ກົງ​ແລະ​ມາ​ກາວ​ຢ່າງ​ຮອບ​ດ້ານ

    2019-03-05 11:47:55 

    ວັນ​ທີ 5 ມີ​ນາ​ນີ້, ບົດ​ລາຍ​ງານ​ວຽກ​ງານ​ລັດ​ຖະ​ບານ​ທີ່​ສະ​ເໜີ​ໃຫ້​ພິ​ຈາ​ລະ​ນາ​ນັ້ນ​ກ່າວ​ເນັ້ນ​ວ່າ, ລັດ​ຖະ​ບານ​ກາງຂອງ​ຈີນ​ຈະ​ສືບ​ຕໍ່​ຊຸກ​ຍູ້​ການ​ປະ​ຕິ​ບັດ​​ທິດ​ທາງ “ປະ​ເທດ​ດຽວສອງ​ລະ​ບອບ”, “​ໃຫ້ຊາວ​ຮົງ​ກົງ​ປົກ​ຄອງ​ຮົງ​ກົງ”,  “​ໃຫ້ຊາວ​ມາ​ກາວ​ປົກ​ຄອງ​ມາ​ກາວ”, ແລະປົກ​ຄອງ​​ຕົນ​ເອງ​ໃນ​ລະ​ດັບ​ສູງ​ຢ່າງ​ຮອບ​ດ້ານ, ປະ​ຕິ​ບັດ​ຕາມ​ລັດ​ຖະ​ທຳ​ມະ​ນູນ​ແລະ​ກົດ​ໝາຍ​ພື້ນ​ຖານ​ຢ່າງ​ເຄັ່ງ​ຄັດ, ສະ​ໜັບ​ສະ​ໜູນ​ເຂດ​ບໍ​ລິ​ຫານ​ພິ​ເສດ​ຮົງ​ກົງ ແລະມາ​ກາວ ກຳ​​ແໜ້ນ​ກາ​ລະ​ໂອ​ກາດ​ການ​ສ້າງ “ໜຶ່ງ​ແລວ​ໜຶ່ງ​ເສັ້ນ​ທາງ” ຮ່ວ​ມ​ກັນ​ແລະ​ການ​ສ້າ​ງ​ເຂດ​ອ່າວ​ໃຫຍ່ກວາງ​ຕຸ້ງ-ຮົງ​ກົງ​-ມາ​ກາວ, ລົງ​ເລິກ​ການ​ຮ່ວມ​ມື​ແບບ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ​ກັບ​ແຜ່ນ​ດິນ​ໃຫຍ່​ຢ່າງ​ຮອບ​ດ້ານ.

    ພ້ອມ​ກັນ​ນັ້ນ, ບົດ​ລາຍ​ງານ​ຍັງ​ໄດ້​ກ່າວ​ເນັ້ນ​ເຖິງ​ນະ​ໂຍ​ບາຍ​ຂອງ​ລັດ​ຖະ​ບານ​ແຜ່ນ​ດິນ​ໃຫຍ່​ຈີນ​ທີ່​ມີ​ຕໍ່​ເຂດ​ໄຕ້​ຫວັນ, ໂດຍ​ກ່າວ​ເນັ້ນ​ວ່າ, ຕ້ອງ​ລົງ​ເລິກ​ການ​ພັດ​ທະ​ນາ​ແບບ​ເຊື່ອມ​ໂຍງ​ເຂົ້າ​ກັນ​ລະ​ຫວ່າງ​ສອງ​ຝັ່ງ, ສືບ​ຕໍ່​ເປີດກວ້າງ​ການ​ແລກ​ປ່ຽນ​ແລະ​ການ​ຮ່ວມ​ມື​ໃນດ້ານ​ເສດ​ຖະ​ກິດ​ແລະວັດ​ທະ​ນະ​ທຳ​ລະ​ຫວ່າງ​ສອງ​ຝັ່ງ​ຊ່ອງ​ແຄບ.

  • ຈີນ​ຈະ​ໃຊ້​ມາດ​ຕະ​ການ​ຫຼາຍຢ່າງເພື່ອ​ຊຸກ​ຍູ້​ການ​ຄ້າແລະ​ການ​ລົງ​ທຶນ​ຫັນ​ເປັນ​ແບບ​ເສ​ລີແລະ​ສະ​ດວກ

    2019-03-05 11:46:50 

        ວັນ​ທີ 5 ມີ​ນາ​ນີ້, ​ຕາມ​ບົດລາຍ​ງານ​ວຽກ​ງານ​​ທີ່​ລັດ​ຖ​ະ​ບານ​ຈີນ​ສະ​ເໜີ​ຕໍ່ອົງ​ການ​ອຳ​ນາດ​ສູງ​ສຸດ​ຈີນ​ກ່າວ​ວ່າ, ປີ​ນີ້ ຈີນ​ຈະ​ຍຶດ​ໝັ້ນ​ການ​ປຶກ​ສາ​ຫາ​ລື​ຮ່ວມ​ກັນ, ກໍ່​ສ້າງ​ຮ່ວມ​ກັນ ແລະ ຊົມ​ໃຊ້​ຮ່ວມ​ກັນ, ເພິ່ມ​ທະ​ວີ​ການ​ຮ່ວມ​ມື​ດ້ານ​ຄວາມ​ສາ​ມາດ​ຜະ​ລິດ​ໃນ​ສາ​ກົນ, ເພີ່ມ​ທະ​ວີ​ການ​ຮ່ວມ​ມື​ໃນ​ຕະ​ຫຼາດ​ຝ່າຍ​ທີສາ​ມ, ຊຸກ​ຍູ້​ການ​​ສ້າງ “ໜຶ່ງ​ແລວ​ໜຶ່ງ​ເສັ້ນ​ທາງ”, ຈັດ​ເວ​ທີ​ປຶກ​ສາ​ຫາ​ລືສຸດຍອດ​ການ​ຮ່ວມ​ມື​ສາ​ກົນ “ໜຶ່ງ​ແລວ​ໜຶ່ງ​ເສັ້ນ​ທາງ” ຄັ້ງ​ທີ 2 ໃຫ້​ດີ. ຈີນ​ຈະ​ເດັດ​ດ່ຽວ​ຮັກ​ສາ​ເສ​ດ​ຖະ​ກິດ​ໂລ​ກ​ພິວັດ ແລະ ການ​ຄ້າ​​ເສ​ລີ​, ຕັ້ງ​ໜ້າ​ເຂົ້າ​ຮ່ວມ​ການ​ປະ​ຕິ​ຮູບ​ອົງ​ການ WTO, ຊຸກ​ຍູ້​ສັນ​ຍາ​ການ​ພົວ​ພັນ​ຄູ່​ຮ່ວມ​ເສດ​ຖະ​ກິດ​ຮອບ​ດ້ານ​ພາກ​ພື້ນ ຫຼື RCEP, ເຂດ​ການ​ຄ້າ​ເສ​ລີ​ຈີນ-ຍີ່​ປຸ່ນ-ສ.ເກົາ​ຫຼີ ແລະ ການ​ເຈ​ລະ​ຈາ​ສັນ​ຍາ​ການ​ລົງ​ທຶນ​ຈີນ-​ເອີ​ລົບ, ສືບ​ຕໍ່​ຊຸກ​ຍູ້​ການ​ປຶກ​ສາຫາ​ລື​ເສດ​ຖະ​ກິດ​ການ​ຄ້າ​ຈີນ-ອາ​ເມ​ລິ​ກາ. ຈີນ​ມີ​ເຈດ​ຈຳ​ນົງ​ໂດຍ​ຕະ​ຫຼອດ​ເພື່ອ​ແກ້​ໄຂ​ຂໍ້​ຂັດ​ແຍ້ງ​ດ້ານ​ການ​ຄ້າ​ມາ​ໂດຍ​ຜ່ານ​ກາ​ນ​ປຶກ​ສາ​ຫາ​ລື​ຢ່າງ​ສະ​ເໝີ​ພາບ, ຕັ້ງ​ໃຈປະ​ຕິ​ບັດ​ຄຳ​ໝັ້ນ​ສັນ​ຍາ​​ຂອງ​ຕົນ, ​ປົກ​ປັກ​ຮັກ​ສາ​ສິດ​ແລະ​ຜົນ​ປະ​ໂຫຍດ​ທີ່​ຖືກ​ຕ້ອງ​ຕາມກົດ​ໝາຍຂອງ​ຕົນຢ່າງ​ເດັດ​​ດ່ຽວ​ໜຽວ​ແໜ້ນ.

    ຈີນ​ຈະ​ໃຊ້​ມາດ​ຕະ​ການ​ຫຼາຍຢ່າງເພື່ອ​ຊຸກ​ຍູ້​ການ​ຄ້າແລະ​ການ​ລົງ​ທຶນ​ຫັນ​ເປັນ​ແບບ​ເສ​ລີແລະ​ສະ​ດວກ_fororder_创意配图:外商投资法2

  • ປີ​ນີ້​ຈີນ​ຈະ​ໃຊ້ຫຼາຍ​ມາດ​ຕະ​ການ​ເພື່ອ​ດຶງ​ດູດ​ການ​ລົງ​ທຶນ​ຂອງ​ຕ່າງ​ປະ​ເທດ

    2019-03-05 11:44:14 

    ວັນ​ທີ 5 ມີ​ນາ​ນີ້, ທ່ານຫຼີ​ເຄີ້​ສຽງ, ນາ​ຍົກ​ລັດ​ຖະ​ມົນ​ຕີ​ຈີນ​ກ່າວ​ວ່າ, ປີ 2019ນີ້, ຈີນ​ຈະ​ເພີ່ມ​ທະ​ວີ​ຄວາມ​ແຮງ​ໃນ​ການ​ດຶງ​ດູດ​ທຶນ​ຕ່າງ​ປະ​ເທດ, ຫຼຸດ​ຜ່ອນ​ຂໍ້​ຈຳ​ກັດ​ເຂົ້າ​ເຖິງ​ຕະຫຼາດ​ຕື່​ມ​ອີກ, ຫຼຸດ​ຜ່ອນ​ບັນ​ຊີ​ດ້​ານ​ລົບ​ສຳ​ລັບ​ທຶນ​ຕ່າງ​ປະ​ເທດ, ອະ​ນຸ​ຍາດ​ໃຫ້​ທຶນ​ຕ່າງ​ປະ​ເທດ​ດຳ​ເນີນ​ທຸ​ລະ​ກິດ​ດ້ວຍ​ທຶນ​ຝ່າຍ​ດຽວ​ໃນ​ຂົງ​ເຂດຫຼາຍກວ່າ​ເກົ່າ. ຈັດ​ຕັ້ງ​ປະ​ຕິ​ບັດ​ມາດ​ຕະ​ການ​ປະ​ຕິ​ຮູບ ແລະ ເປີດ​ປະ​ຕູ​ສູ່​ພາຍນອກ​​ໃນ​ຂະ  ​ແໜງ​ການ​ການ​ທະ​ຄານ ແລະ​ອື່ນໆ, ປັບ​ປຸງນະ​ໂຍ​ບາຍ​ເປີດ​ປະ​ຕູ​ສູ່​ພາ​ຍນອກ​ຂອງ​ຕະຫຼາດ​ໜີ້​ສິນ. ເລັ່ງ​ລັດ​ການ​ເຊື່ອມ​ໂຍງ​​ດ້ານລະ​ບຽບ​ການ​ເສດ​ຖະ​ກິດ​ການ​ຄ້າ​ທົ່ວ​ໄປ​​ກັບ​ສາ​ກົນ.ສ້າງ​ສະ​ພາບ​ແວດ​ລ້ອມ​​ດ້ານການ​ຕະຫຼາດທີ່​ວິ​ສາ​ຫະ​ຈີນ ແລະ ວິ​ສາ​ຫະ​ກິດ​ທຶນ​ຕ່າງ​ປະ​ເທດ​ມີ​ຄວາມ​ສະ​ເໝີ​ພາບ​ກັນ ແລະ​ສາ​ມາດ​ແຂ່ງ​ຂັນ​​ກັນ​ໄດ້​ຍຸດ​ຕິ​ທຳ. ເພີ່ມ​ທະ​ວີ​ການ​ປົກ​ປ້ອງ​ສິດ ແລະ ຜົນ​ປະ​ໂຫຍດ​ທີ່​​ຖືກ​ຕ້ອງ​ຕາມກົດ​ໝາຍ​ຂອງ​ນັກ​ທຸ​ລະ​ກິດ​ຕ່າງ​ປະ​ເທດ.

    ທ່ານ​ຫຼີ​ເຄີ້​ສຽງກ່າວ​ຕື່ມ​ວ່າ, ຈີນ​ຈະເພີ່ມ​ເຂດ​ທົດ​ລອງ​ການ​ຄ້າ​ເສ​ລີ​ຊຽງ​ໄຮ​ເຂດ​ໃໝ່, ຊຸກ​ຍູ້​ການ​ກໍ່​ສ້າງ​ເຂດ​ທົດ​ລອງ​ການ​ຄ້າ​ເສ​ລີ​ໄຫຫຼຳ, ຄົ້ນ​ຄວ້າ​ທ່າ​​ກຳ​ປັ່ນການ​ຄ້າ​ເສ​ລີ​ທີ່​ມີ​ສີ​ສັນ​ພິ​ເສດ​ຂອງ​ຈີນ. ທ່ານ​ຄາດ​ວ່າ, ສະ​ພາບ​ແວດລ້ອມ​ດ້ານ​ການ​ລົງ​ທຶນ​ຂອງ​ຈີນ​ຈະ​ນັບ​ມື້​ນັບ​ດີ​ຂຶ້ນ​ຢ່າງ​ແນ່ນອນ, ວິ​ສາ​ຫະ​ກິດ​ປະ​ເທດ​ຕ່າງໆ​ຈະ​ມີ​ໂອ​ກາດ​ນັບ​ມື້​ນັບຫຼາຍ​ຂຶ້ນ​ທີ່​ຈະ​ພັດ​ທະ​ນາ​ທຸ​ລະ​ກິດ​ຢູ່​ຈີນ.

    ຈີນ​ຈະ​ຊຸ​ກ​ຍູ້​ອຸດ​ສາ​ຫະ​ກຳ​ຈະ​ເລີນ​ໃໝ່​ໃຫ້​ເລັ່ງ​ລັດ​ພັດ​ທະ​ນາ ເພີ່ມ​ທະ​ວີ​ການ​ຮ່ວມ​ມືສາ​ກົນ​ດ້ານ​ການ​ປະ​ດິດ​ສ້າງ

  • ຈີນ​ຈະ​ອອກ​ແຮງປັບ​ປຸງສະ​ພາບ​ແວດ​ລ້ອມ​ແຫ່ງ​ການ​ພັດ​ທະ​ນາ​ເສດ​ຖະ​ກິດ​ເອ​ກະ​ຊົນ

    2019-03-05 11:38:40 

    ວັນ​ທີ 5 ມີ​ນາ​ນີ້, ທ່ານ​ຫຼີ​ເຄີ້​​ສຽງ ນາ​ຍົກ​ລັດ​ຖະ​ມົນ​ຕີ​ຈີນ​ກ່າວ​ວ່າ, ລັດ​ຖະ​ບານ​ຈີນ​ຈະ​ອອກ​ແຮງປັບ​ປຸງສະ​ພາບ​ແວດ​ລ້ອມ​ແຫ່ງ​ການ​ພັດ​ທະ​ນາ​ເສດ​ຖະ​ກິດ​ເອ​ກະ​ຊົນ, ປະ​ຕິ​ບັດ​ຕໍ່​ວິ​ສາ​ຫະ​ກິດ​​ທີ່​ມີ​ລະ​ບອບ​ກຳ​ມະ​ສິດ​ຕ່າງໆ​ຢ່າງ​ສະ​ເໝີ​ພາບ​ກັນ​ໃນ​ດ້ານ​ຕ່າງໆ ເຊັ່ນ: ການ​ອະ​ນຸ​ຍາດ​ໃຫ້​ເຂົ້າ​ເຖິງ​ຕະ​ຫຼາດ, ການ​ຈັດ​ຊື້​ຂອງ​ລັດ​ຖະ​ບານ, ການ​ປະ​ມູນ​, ການ​ຮັບ​ປະ​ມູນແລະ​ອື່ນໆ, ຕ້ອງ​ປົກ​ປ້ອງລິ​ຂະ​ສິດ​​ຢ່າງ​ເດັດ​ດ່ຽວ​ແໜວ​ແໜ້ນ, ລົງ​ໂທດ​ການ​ກະ​ທຳ​ທີ່​ຝ່າ​ຝືນ​ສິດ​ຕາມ​ກົດ​ໝາຍ, ໃຫ້​ນັກ​ວິ​ສາ​ຫະ​ກິດ​ສາ​ມາດ​ດຳ​ເນີນ​ທຸ​ລະ​ກິດ​​ໄດ້ຢ່າງ​ປອດ​ໄພ ແລະ​ໄວ້​ວາງ​ໃຈ.

    ຈີນ​ຈະ​ອອກ​ແຮງປັບ​ປຸງສະ​ພາບ​ແວດ​ລ້ອມ​ແຫ່ງ​ການ​ພັດ​ທະ​ນາ​ເສດ​ຖະ​ກິດ​ເອ​ກະ​ຊົນ_fororder_(民营经济)2018年11月28日,浙江台州, 中国民营经济发展(台州)论坛举办。

  • ປີນີ້ ຈີນຈະອອກແຮງຊຸກຍູ້ການພັດທະນາສີຂຽວ

    2019-03-05 11:36:23 

        ວັນ​ທີ 5 ມີ​ນາ​ນີ້, ໃນ​ລາຍ​ງານ​ວຽກ​ງານ​ລັດ​ຖະ​ບານ, ທ່ານ​ຫຼີ​ເຄີ້​ສຽງ ນາ​ຍົກ​ລັດ​ຖະ​ມົນ​ຕີ​ຈີນ​ກ່າວ​ວ່າ, ປີ​ນີ້ ລັດ​ຖະ​ບານ​ຈີນ​ຈະ​ຊຸກ​ຍູ້​ວຽກ​ງານ​ປ້ອງ​ກັນ​ມົນ​ລະ​ພິດ​ຢ່າງ​ຕໍ່​ເນື່ອງ, ສືບ​ຕໍ່​ເພີ່ມ​ຈຳ​ນວນ​ວັນ​ທີ່​ມີ​ທ້ອງ​ຟ້າ​ທີ່​ສົດ​ໃສ. ໃນ​ນັ້ນ, ການ​ລະ​ບາຍ​​ຊຸນ​ເຟີ​ດີອອກ​ສິດ ແລະ ນິ​​ເຕີ​ເກນ​ໂອ​ຊີ​ເດີ​ໃນ​ອາກາດຈະ​ຫຼຸດ​ລົງ 3%, ລະ​ດັບຝຸ່ນລະອອ​ງທີ່​ຄົນ​ຫາຍ​ໃຈ​ເອົາ​ໄດ້ ຫຼື PM2,5 ​ໃຫ້ສືບ​ຕໍ່​ຫຼຸດ​ຕ່ຳ​ລົງ, ຈະ​ເພີ່ມ​ທະ​ວີ​ການ​ປ້ອງ​ກັນ​ມົນ​ລະ​ພິດ​ທາງ​ນ້ຳ ແລະ ດິນ, ພັດ​ທະ​ນາ​ອຸດ​ສາ​ຫະ​ກຳ​ທີ່​ເປັນ​ມິດ​ຕໍ່​ສິ່ງ​ແວດ​ລ້ອມ​, ເພີ່​ມ​ທະ​ວີກາ​ນ​ປົກ​ປັກ​ຮັກ​ສາ ແລະ ປັບ​ປຸງ​ລະ​ບົບ​​ນິ​ເວດ, ເຮັດ​ໃຫ້​ປະ​ຊາ​ຊົນ​ມີ​ສິ່ງ​ແວດ​ລ້ອມ​ທີ່​ສວຍ​ງາມ ແລະ ເໝາະ​ສົມ​​ໃນ​ການດຳ​ລົງ​ຊີ​ວິດ.

    图片默认标题_fororder_环境保护配图1

  • ປີ​ນີ້​ຈີນ​ມີ​ແຜນ​ຈະຫຼຸດ​ຈຳ​ນວນ​ຜູ້​ທຸກ​ຍາກ​ໃນ​ຊົນ​ນະ​ບົດ​ໃຫ້​ໄດ້​ຢ່າງ​ໜ້ອຍ 10 ລ້ານ​ຄົນ

    2019-03-05 11:30:06 

        ວັນ​ທີ 5 ມີ​ນາ​ນີ້, ໃນ​ບົດ​ລາຍ​ງານ​ວຽກ​ງານ​ລັດ​ຖະ​ບານ​ທີ່​ສະ​ເໜີ​​ຕໍ່​ກອງ​ປະ​ຊຸມ​ສະ​ພາປະ​ຊາ​ຊົນ​ແຫ່ງ​ຊາດ​ຈີນ​ນັ້ນ​ໄດ້​ລະ​ບຸ​ວ່າ, ປີ​ນີ້​ຈີນ​ມີ​ແຜນ​ຈະຫຼຸດ​ຈຳ​ນວນ​ຜູ້​ທຸກ​ຍາກ​ໃນ​ຊົນ​ນະ​ບົດ​ໃຫ້​ໜ້ອຍ​ລົງ​ຢ່າງ​ໜ້ອຍ 10 ລ້ານ​ຄົນ. ໃນ​ເວ​ລາ​ດຽວ​ກັນ​​ກໍ​ຮັບ​ປະ​ກັນ​ໃຫ້​ບັນ​ລຸ​ເປົ້າ​ໝາຍ​ຫຼຸດ​ຜ່ອນ​ຄວາມ​ທຸກ​ຍາກ​ຕາມ​ເວ​ລາ​ກຳ​ນົດ, ​ພ້ອມ​ດຽວ​ກັນ​ນັ້ນ​ກໍ​ຈະ​ເຮັດ​ໃຫ້​ຊາວ​ກະ​ສິ​ກອນ​ຂອງຈີນ​​ມີ​ຊີ​ວິດ​ການ​ເປັນ​ຢູ່​​ທີ່ອີ່ມ​ໜຳ​ສຳ​ລານ​ຢ່າງ​ຮອບ​ດ້ານ.

    ປີ​ນີ້​ຈີນ​ມີ​ແຜນ​ຈະຫຼຸດ​ຈຳ​ນວນ​ຜູ້​ທຸກ​ຍາກ​ໃນ​ຊົນ​ນະ​ບົດ​ໃຫ້​ໄດ້​ຢ່າງ​ໜ້ອຍ 10 ລ້ານ​ຄົນ_fororder_(精准扶贫)2019年2月15日,河北邯郸,工作人员正在向群众现场讲解精准扶贫政策。

  • ຈີນ​ຈະ​ຊຸກ​ຍູ້​ໃຫ້​ການ​ບໍ​ລິ​ໂພກ​ເຕີບ​ໂຕ​ຢ່າງ​ໝັ້ນ​ທ່ຽງ​ໃນ​ປີ 2019, ຊຸກ​ຍູ້​ການສ້າງ​ຕະ​ຫຼາດ​ພາຍ​ໃນ​ປະ​ເທດ​ຢ່າງ​ແຂງ​ແຮງ​ແລະ​ໃຫຍ່​ຫຼວງ

    2019-03-05 11:28:47 

    ບົດ​ລາຍ​ງານ​ວຽກ​ງານ​ທີ່​ລັດ​ຖະ​ບານ​ຈີນ​ສະ​ເໜີ​ຕໍ່​ອົງ​ການ​ອຳ​ນາດ​ສູງ​ສຸດ​ຂອງ​ຈີນ​ໃນ​ມື້​ນີ້​ລະ​ບຸ​ວ່າ, ປີ​ນີ້, ລັດ​ຖະ​ບານ​ຈີນ​ຈະ​ໃຊ້​ມາດ​ຕະ​ການ​ຫຼາຍ​ຢ່າງ​ພ້ອມ​ກັນ ເພື່ອ​ຊຸກ​ຍູ້​ໃຫ້​ປະ​ຊາ​ຊົນ​ໃນ​ຕົວ​ເມືອງ​ແລະ​ຊົນ​ນະ​ບົດ​ມີ​ລາ​ຍ​ຮັບ​ເພີ່ມ​ຂຶ້ນ, ເພີ່ມ​ຄວາມ​ສາ​ມາດ​ໃນ​ການ​ບໍ​ລິ​ໂພກ, ຕອບ​​ສະ​ໜອງກາ​ນ​ປ່ຽນ​ແປງ​ໃໝ່​ແຫ່ງ​ຄວາມ​ຕ້ອງ​ການ​ດ້ານ​ການ​ບໍ​ລິ​ໂພກ, ເພີ່​ມ​​ການ​ສະ​ໜອງ​ສິນ​ຄ້າ​ ​ແລະ​ການ​ບໍ​ລິ​ການຄຸນ​ນະ​ພາບດີໂດຍ​ຜ່ານ​ຫຼາຍ​ຊ່ອງ​ທາງ, ຂ້ຽວ​ເລັ່ງ​ແກ້​ໄຂ​ສິ່ງ​ກີດ​ຂວາງ​ດ້ານ​ທຶນ​ຮອນ​ເອ​ກະ​ຊົນ​ເຂົ້າ​ຕະ​ຫຼາດ. ບົດ​ລາຍ​ງານ​ລະ​ບຸ​ວ່າ, ປະ​ຊາ​ກອນ​ທີ່​ມີ​ອາ​ຍຸ 60 ປີ​ຂຶ້ນ​ໄປ​ໄດ້​ມີ​ເຖິງ 250 ລ້ານ​ຄົນ, ລັດ​ຖະ​ບານ​ຈະ​ອອກ​ແຮງ​ພັດ​ທະ​ນາ​ຂະ​ແໜງ​ການ​​​ເບີ່ງ​ແຍງ​ດູ​ແລ​ຜູ້​ເຖົ້າ​ຜູ້​ແກ່ ໂດຍ​ສະ​ເພາະ​ຂະ​ແໜງ​ການ​ບໍ​ລິ​ການເບີ່ງ​ແຍງ​ດູ​ແລ​ຜູ້​ເຖົ້າ​ຜູ້​ແກ່​ໃນ​ຄຸ້ມ​ເຮືອນ​ຢູ່, ພ້ອມ​ກັນ​ນັ້ນ, ຍັງ​ຈະ​ພັດ​ທະ​ນາ​ຂະ​ແໜງ​ການ​ທ່ອງ​ທ່ຽວ​ໃຫ້​ແຂງ​ແຮງ, ຮັກ​ສາ​ການ​ບໍ​ລິ​ໂພກ​ໃນ​ດ້ານ​ລົດ​ຍົນ​ໃຫ້​ໝັ້ນ​ທ່ຽງ, ສືບ​ຕໍ່​ປະ​ຕິ​ບັດ​ນະ​ໂຍ​ບາຍ​​ການ​​ຊື້​ລົດ​ຍົນ​ພະ​ລັງ​ງານ​ໃໝ່ໃນ​ລາ​ຄາ​ທີ່​ຫຼຸດ​ລົງ.

    ຈີນ​ຈະ​ຊຸກ​ຍູ້​ໃຫ້​ການ​ບໍ​ລິ​ໂພກ​ເຕີບ​ໂຕ​ຢ່າງ​ໝັ້ນ​ທ່ຽງ​ໃນ​ປີ 2019, ຊຸກ​ຍູ້​ການສ້າງ​ຕະ​ຫຼາດ​ພາຍ​ໃນ​ປະ​ເທດ​ຢ່າງ​ແຂງ​ແຮງ​ແລະ​ໃຫຍ່​ຫຼວງ_fororder_老人晨练

  • ຈີນ​ຈະ​ຊຸ​ກ​ຍູ້​ອຸດ​ສາ​ຫະ​ກຳ​ຈະ​ເລີນ​ໃໝ່​ໃຫ້​ເລັ່ງ​ລັດ​ພັດ​ທະ​ນາ ເພີ່ມ​ທະ​ວີ​ການ​ຮ່ວມ​ມືສາ​ກົນ​ດ້ານ​ການ​ປະ​ດິດ​ສ້າງ

    2019-03-05 11:26:52 

        ວັນ​ທີ 5 ມີ​ນາ​ນີ້, ທ່ານ​ຫຼີ​ເຄີ້​ສຽງ ນາ​ຍົກ​ລັດ​ຖະ​ມົນ​ຕີ​ຈີນ​ກ່າວ​ວ່າ, ປີ​ນີ້ ຈີນ​ຈະ​ຊຸກ​ຍູ້​ອຸດ​ສາ​ຫະ​ກຳ​ເກົ່າ​ໃຫ້​ສາ​ມາດ​ຍົກ​ສູງລະ​ດັບ ແລະ ຊຸກ​ຍູ້​​ການ​ເລັ່ງ​ລັດ​ພັດ​ທະ​ນາອຸດ​ສາ​ຫະ​ກຳ​ຈະ​ເລີນ​ໃໝ່, ສະ​ໜັບ​ສະ​ໜູນ​ວິ​ສ​າ​ຫະ​ກິດ​ໃຫ້​ເລັ່ງ​ລັດ​ປັບ​ປຸງ​ເຕັກ​ນິກ ແລະ ປ່ຽນຖ່າຍ​ອຸ​ປະ​ກອນ​ໃໝ່, ຊຸກ​ຍູ້​ມາດ​ຕະ​ຖານ​ຕ່າງ​ໆ​ເພື່ອ​ສາ​ມາດເຊື່ອມ​ຕໍ່​ກັບ​ລະ​ດັບ​ຄວາມ​ກ້າວ​ໜ້າ​ສາ​ກົນ, ກໍ່​ສ້າງ​ກຸ່ມ​ອຸດ​ສາ​ຫະ​ກຳ​ຈະ​ເລີນ​ໃໝ່​ໃນ​ຂົງ​ເຂດ​ຕ່າງໆ​ ເຊັ່ນ: ເຕັກ​ໂນ​ໂລ​ຊີ້ຂໍ້​ມູນ​ຂ່າວ​ສານ​ລຸ່ນ​ໃໝ່, ອຸ​ປະ​ກອນ​ລະ​ດັບ​ສູງ, ຢຸກ​ຢາ​ຊີ​ວະ​ພາບ, ລົດ​ຍົນ​ພະ​ລັງ​ງານ​ໃໝ່ ແລະ ວັດ​​ສະ​ດຸ​ໃໝ່​ເປັນ​ຕົ້ນ, ພັດ​ທະ​ນາ​ເສດ​ຖະ​ກິດ​ດີ​ຈີ​ຕອນ​ໃຫ້​ເຕີບ​ໃຫຍ່​ຂຶ້ນ. ພ້ອມ​ກັນ​ນັ້ນ, ຈີນ​ຈະ​ເພີ່ມ​ທະ​ວີ​ການ​ຮ່ວມ​ມື​ປະ​ດິດ​ສ້າງ​ກັບ​ສາ​ກົນ, ປັບ​ປຸງ​ການ​ບໍ​ລິ​ການ​ຕໍ່​ນັກ​ສຶກ​ສາ​​ຈີນ​ທີ່ຮຽນ​ຢູ່​ຕ່າງ​ປະ​ເທດ​ຜູ້​​ທີ່​ກັບ​ຄືນ​ສູ່​ປະ​ເທດ​ຊາດ ແລະ ນັກ​ຊ່ຽວ​ຊານ​ຄົນ​ຕ່າງ​ປະ​ເທດ​ໃຫ້​ດີ​ຂຶ້ນ.

  • ປີ​ນີ້​ຈີນ​ຈະພະ​ຍາ​ຍາມ​ສ້າງ​ສະ​ພາບ​ແວດ​ລ້ອມ​ດ້ານການ​ດຳ​ເນີນ​ທຸ​ລະ​ກິດ​ໃຫ້​ດີ​ຂຶ້ນ​ຕື່ມ​

    2019-03-05 11:20:41 

        ວັນ​ທີ 5 ມີ​ນາ​ນີ້, ທ່ານ​ຫຼີ​ເຄີ້​ສຽງ ນາ​ຍົກ​ລັດ​ຖະ​ມົ​ນ​ຕີ​ຈີນ​ໄດ້​ຜ່ານ​ບົດ​ລາຍ​ງານ​ວຽກ​ງານ​ລັດ​ຖະ​ບານ​ຈີນ​ໂດຍ​ກ່າວ​ວ່າ, ປີ​ນີ້​ຈີນ​ຈະ​ເລັ່​ງ​ລັດ​ສ້າງ​ລະ​ບົບ​ການ​ຕະຫຼາດ​ແບບ​ທັນ​ສະ​ໄໝ​ທີ່​ເປີດ​ປະ​ຕູ​ສູ່​ພາຍນອກ​ຢ່າງເປັນ​ເອ​ກະ​ພາບ​ກັນ, ແລະ​ມີ​ການ​ແຂ່ງ​ຂັນ​ຢ່າງ​ເປັນ​ລະ​ບຽບ​ຮຽບ​ຮ້ອຍ, ສ້າງ​ສະ​ພາບ​ແວດ​ລ້ອມ​ດ້ານ​ການ​ດຳ​ເນີນ​ທຸ​ລະ​ກິດ​ທີ່​ຄຸ້ມ​ຄອງ​ຕາມ​ກົດ​ໝາຍ, ​ສາ​ມາດເຊື່ອມ​ໂຍງ​ກັບ​ສາ​ກົນ ແລະ​ມີ​ຄວາມ​ສະ​ດວກ​ສະ​ບາຍ. ສຳ​ລັບ​ເລື່ອງ​ນີ້, ລັດ​ຖະ​ບານ​ຈະຫຼຸດ​ຜ່ອນ​ບັນ​ຊີ​ທາງ​ລົບ​ດ້ານ​ການ​ຈຳ​ກັດ​​ການ​ເຂົ້າ​ເຖິງ​ຕະຫຼາດ​ຕື່ມ​ອີກ, ຊຸກ​ຍູ້​ໃຫ້​ຈັດ​ຕັ້ງ​ປະ​ຕິ​ບັດ​ຕາມຫຼັກ​ການ “ບໍ່​ໄດ້​ຫ້າມ​ກໍ​ເທົ່າ​ກັບ​ອະ​ນຸ​ຍາດ​ໃຫ້​ເຂົ້າ​ຕະຫຼາດ​ໄດ້”, ຫຼຸດ​ຜ່ອນ​ການ​ຈັ​ດ​ສັນ​ຊັບ​ພະ​ຍາ​ກອນ​ໂດຍ​ກົງ​​ໃຫ້​ໜ້ອຍ​ລົງ​ເທົ່າ​ທີ່​ຈະ​ໜ້ອຍ​ໄດ້, ຫຼຸດ​ຂັ້ນ​ຕອນ​ພິ​ຈາ​ລະ​ນາ​​ການອະ​ນຸ​ມັດ​ໃຫ້​ໜ້ອຍ​ລົງ​ເທົ່າ​ທີ່​ຈະ​ໜ້ອຍ​ໄດ້, ຊຸກ​ຍູ້​ການ​ແຂ່ງ​ຂັນ​ທີ່​ຍຸດ​ຕິ​ທຳ​ດ້ວຍ​ການ​ຕິດ​ຕາມ​ຄຸ້ມ​ຄອງ​ຢ່າງ​ທ່ຽງ​ທຳ, ເລັ່ງ​ລັດ​ເພື່ອ​ຍົກ​ເລີກຂໍ້​ກຳ​ນົດ​​ປະ​ເພດ​ຕ່າງໆ ແລະ​ກຳ​ຈັດ​ການ​ກະ​ທຳ​ຕ່າງໆ​ທີ່​ມີ​ຜົນ​ກະ​ທົບ​ຕໍ່​ຕະຫຼາດ​ທີ່​ເປັນ​ເອ​ກະ​ພາບ​ກັນ ແລະ​ການ​ແຂ່ງ​ຂັນ​ທີ່​ຍຸດ​ຕິ​ທຳ.

  • ຈີນ​ຈະ​ພະ​ຍາ​ຍາມ​ຜ່ອນ​ຄາຍ​ບັນ​ຫາ​​ການ​ເຂົ້າ​ເຖິງ​ແຫຼ່ງທຶນ​ຍາກ​ແລະແພງ​ແກ່ວິ​ສາ​ຫະ​ກິດ

    2019-03-05 11:10:10 

    ມື້​ນີ້, ລັດ​ຖະ​ບານ​ຈີນ​ປະ​ກາດ​ວ່າ, ປີ​ນີ້, ຈີນ​ຈະ​ສຸມ​ໃສ່​ຜ່ອນ​ຄາຍ ບັນ​ຫາ​​​​ຫາງ​ຫາ​​ການ​ເຂົ້າ​ເຖິງ​ແຫຼ່ງ​ທຶນ​ຍາກ​ແລະ​ແພງ​ແກ່ວິ​ສາ​ຫະ​ກິດ, ເພີ່ມ​ຄວາມ​ແຮງ​ໃນ​ດ້ານ​ການ​ປັບ​ຫຼຸດອັດ​ຕາ​ສ່ວນ​ເງິນ​ແຮ​ຝາກ​ບັງ​ຄັບ​ຕາມ​ເປົ້າ​ໝາຍ, ທຶນ​ທີ່​ປ່ອຍ​ໃຫ້​ນັ້ນ​ຈະ​ປ່ອຍ​ໃຫ້​ສຳ​ລັບ​ການ​​ກູ້​ຢືມແກ່​ວິ​ສາ​ຫະ​ກິດ​ເອ​ກະ​ຊົນ​ແລະ​ວິ​ສາ​ຫະ​ກິດ​ຂະ​ໜາດ​ນ້ອຍ​ທັງ​ໝົດ, ສົ່ງ​ເສີມ​ໃຫ້​ທະ​ນາ​ຄານ​​ທຸ​ລະ​ກິດຂະ​ໜາດ​ໃຫຍ່​​ຂອງ​ລັດ ເພີ່ມ​ທະ​ວີ​ການ​​ປ່ອຍເງິນ​ກູ້​ໄລ​ຍະ​ກາງ​ແລະ​ໄລ​ຍະ​ຍາວ ແລະ​ເງິນ​ກູ້​ສິນ​ເຊື່ອ​ໃຫ້​ຂະ​ແໜງ​ອຸດ​ສາ​ຫະ​ກຳ​ການ​ຜະ​ລິດ, ​ເງິນ​ກູ້​ທີ່​ປ່ອຍ​ໃຫ້​ວິ​ສາ​ຫະ​ກິດ​ຂະ​ໜາດ​ນ້ອຍ​ຂອງທະ​ນາ​ຄານ​ການ​ຄ້າ​ຂະ​ໜາດ​ໃຫຍ່​​ຂອງລັດ​​ຕ້ອງ​ເພີ່ມ​ຂຶ້ນ 30% ຂຶ້ນ​ໄປ.

    ລັດ​ຖະ​ບານ​ຍັງ​ໃຫ້​ຄຳ​ໝັ້ນ​ສັນ​ຍາ​ວ່າ, ຈະ​ແກ້​ໄຂການ​ເກັບ​ຄ່າ​ບໍ​ລິ​ການ​ຂອງທະ​ນາ​ຄານ​ແລະ​ນາຍ​ໜ້າ​ໃຫ້​ຢູ່​ໃນ​ລະ​ບຽບ​ການ, ປັບ​ປຸງສະ​ພາບ​ການ​ທີ່​ວິ​ສາ​ຫະ​ກິດ​ຂະ​ໜາດ​ກາງ​ແລະ​ນ້ອຍ​​ເຂົ້າ​ຫາ​ແຫຼ່ງ​ທຶນ​ຍາກ ​​ໃຫ້ດີ​ຂຶ້ນ​ຢ່າງ​ຈະ​ແຈ້ງ, ຕົ້ນ​ທຶນ​​​​ການ​ເຂົ້າ​ຫາ​ແຫຼ່ງ​ທຶນໂດຍ​ລວມ ຈຳ​ເປັນ​ຕ້ອງ​ໃຫ້​ມີ​ການ​ຫຼຸດ​ລົງ​ຢ່າງ​​ຈະ​ແຈ້ງ.

  • ຈີນ​ຈະ​ຫຼຸດ​ສ່ວຍ​ສາ​ອາ​ກອນ​ຢ່າງຂະ​ໜາດ​ໃຫຍ່ກວ່າ​ເກົ່າ

    2019-03-05 11:04:29 

       ມື້​ນີ້, ໃນ​ເວ​ລາ​ລາຍ​ງານ​ຕໍ່​ຜູ້​ແທນ​ປະ​ຊາ​ຊົນ​ທົ່ວ​ປະ​ເທດ​ຈີນ, ທ່ານ​ຫຼີ​ເຄີ້​ສຽງ ນາ​ຍົກ​ລັດ​ຖະ​ມົນ​ຕີ​ຈີນ​ກ່າວ​ວ່າ, ປີ​ນີ້ ລັດ​ຖະ​ບານ​ຈີນ​ຈະ​ຫຼຸດ​ສ່ວຍ​ສາ​ອາ​ກອນ​ຢ່າງ​ຂະ​ໜາດ​ໃຫຍ່ກວ່າ​ເກົ່າ, ເຈາະ​ຈົງ​​ການຫຼຸດ​ອາ​ກອນ​ໃນ​ຂະ​ແໜງ​ຂອງ​ອຸດ​ສາ​ຫະ​ກຳ​​ການຜະ​ລິດ ແລະ ວິ​ສາ​ຫະ​ກິດ​ຂະ​ໜາດ​ນ້ອຍ, ລົງ​ເລິກ​ການ​ປະ​ຕິ​ຮູບ​ອາ​ກອນ​ມູນ​ຄ່າເພີ່ມ, ຈະ​​ເຮັດ​ໃຫ້ອັດ​ຕາ​ອາ​ກອນຂອງ​ອຸ​ຂະ​ແໜງ​ການ​ຕ່າງໆ ເຊັ່ນ ອຸດ​ສາ​ຫະ​ກຳ​​ການຜະ​ລິດ​ເປັນ​ຕົ້ນ​ຫຼຸດ​​ລົງຈາກ 16% ​ເຫຼືອ 13%, ການ​ເກັບ​ອາ​ກອນ​ໃນ​ຂະ​ແໜງ​ການ​ຕົ້ນ​ຕໍກໍ​ຈະ​ຮັບ​ປະ​ກັນ​ໃຫ້​ຫຼຸດ​ລົງ​ຢ່າງ​ເດັ່ນ​ຊັດ, ການ​ເກັບ​ອາ​ກອນ​ໃນ​ທຸກ​ຂະ​ແໜງ​ການລ້ວນ​ແຕ່​ຈະ​ຫຼຸດ​ໜ້ອຍ​ລົງ ແລະ ບໍ່​ເພີ່ມຂຶ້ນ​ຫຼາຍ, ເຮັດ​ໃຫ້​ວິ​ສາ​ຫະ​ກິດ ໂດຍ​ສະ​ເພາະ​ແມ່ນ​ວິ​ສາ​ຫະ​ກິດ​ຂະ​ໜາດ​ນ້ອຍ​ໄດ້​ຜົນ​ປະ​ໂຫຍດ​ຈາກ​ການ​ຫຼຸດ​ອາ​ກອນ​ຢ່າງ​ຈະ​ແຈ້ງ.

    ຈີນ​ຈະ​ຫຼຸດ​ສ່ວຍ​ສາ​ອາ​ກອນ​ຢ່າງຂະ​ໜາດ​ໃຫຍ່ກວ່າ​ເກົ່າ

  • ປີ 2019 ຈີນຈະ​ກຳ​ນົດອັດຕາ​ຂາດ​ດຸນ​ງົບ​ປະ​ມານໃນລະດັບ 2,8%

    2019-03-05 11:02:26 

    ວັນທີ 5 ມີນານີ້,​ທ່ານຫຼີເຄີ້​ສຽງ ນາຍົກລັດຖະມົນຕີຈີນໄດ້​ຜ່ານບົດລາຍງານວຽກງານລັດຖະບານ ໂດຍກ່າວວ່າ,​ເພື່ອຮັກສາ​ຈັງ​ຫວະ​ການ​ເໜັງ​ຕີງຂອງເສດຖະກິດ​ຈີນ​ໃຫ້ຢູ່ໃນຂອບເຂດທີ່​ສົມ​ເຫດ​ສົມ​ຜົນ,​ປີນີ້ຈີນຈະສືບຕໍ່ປະຕິບັດນະໂຍບາຍການງິນທີ່ຕັ້ງໜ້າ ແລະ ນະໂຍບາຍເງິນຕາທີ່​ໝັ້ນ​ທ່ຽງ.​ໃນນັ້ນ,​ອັດຕາ​ຂາດ​ດຸນ​ງົບ​ປະ​ມານໃນປີນີ້ ຈະໃຫ້ຢູ່ໃນລະດັບ 2,8% ເຊິ່ງສູງກວ່າງົບປະມານປີກາຍນີ້ 0,2%; ຍອດມູນຄ່າ​ການ​ຂາດ​ດຸນ​ງົບ​ປະ​ມານ​ຂັ້ນສູນກາງ ແລະ ທ້ອງຖິ່ນ​ໃຫ້​ຢູ່​ໃນ​ລະ​ດັບ 2760 ຕື້ຢວນ. ຄວາມໄວເພີ່ມຂຶ້ນຂອງເງິນຕາໃນ​ວົງກວ້າງຄື M2 ແລະ ຂະໜາດການລະດົ​ມທຶນທາງສັງຄົມ ຕ້ອງສົມຄູ່ກັບຈັງຫວະການເຕີບໂຕຂອງ​GDP ; ​ທ່ານ​ກ່າວ​ຕື່ມ​ວ່າ, ຈີນ​ຍັງ​ຈະປັບປຸງກົນໄກອັດຕາແລກປ່ຽນເງິນຕາ​ໃຫ້​ສົມ​ບູນ​ຂຶ້ນ, ຮັກສາອັດຕາແລກປ່ຽນເງິນຢວນຈີນໃຫ້ຢູ່ໃນລະດັບທີ່ດຸນດ່ຽງແລະສົມເຫດສົມຜົນ ແລະ ມີຄວາມໝັ້ນທ່ຽງໂດຍພື້ນຖານ.

    ປີ 2019 ຈີນຈະ​ກຳ​ນົດອັດຕາ​ຂາດ​ດຸນ​ງົບ​ປະ​ມານໃນລະດັບ 2,8%_fororder_配图:货币政策或人民币汇率

  • ເປົ້າ​ໝາຍ​ການ​ເຕີບ​ໂຕຂອງ ​GDP ຈີນ​​ໃນ​ປີ 2019 ຄາດ​ວ່າ ຈະ​ຢູ່​ລະ​ຫວ່າງ 6% ຫາ 6,5%

    2019-03-05 10:29:17 

    ຈີນໄດ້​ຕັ້ງ​ເປົ້າ​ໝາຍ​ການ​ເຕີບ​ໂຕຂອງ​ GDP ໃນ​ປີ​ນີ້​ໃຫ້ຢູ່​ລະ​ຫວ່າງ 6% ຫາ 6,5%. ​ບົດ​ລາຍ​ງານ​ວຽກ​ງານ​ລັດ​ຖະ​ບານ​ທີ່ສະ​ເໜີ​ຕໍ່ກອ​ງ​ປະ​ຊຸມ​ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນ​ພິ​ຈາ​ລະ​ນາ​ນັ້ນ​ລະ​ບຸວ່າ, ປີ​ນີ້ ​ການ​ພັດ​ທະ​ນາ​ຂອງ​ຈີນ​​ຜະ​ເຊີນ​ໜ້າ​ກັບສະ​ພາບ​ແວດ​ລ້ອມ​ທີ່​​ຫຍຸ້ງ​ຍາກ​ສັບ​ສົນ​ກວ່າ​ເກົ່າ, ແຕ່​ການ​​ພັດ​ທະ​ນາ​​ໃນ​ໄລ​ຍະ​ຍາວມີ​ທ່ວງ​ທ່າ​ທີ່​ດີ​ບໍ່​ມີ​ການ​ປ່ຽນ​ແປງ.
     

    ​ໃນບົດ​ລາຍ​ງານ​ໄດ້​ຕັ້ງ​ເປົ້າ​ໝາຍ​​ການ​ມີ​ວຽກ​ເຮັດ​ງານ​ທຳ​ພາຍ​ໃນ​ຕົວ​ເມືອງ​ໃຫ້​ເພີ່ມ​ຂຶ້ນ 11 ລ້ານ​ຄົນ​ຂຶ້ນ​ໄປ, ​ນະ​ໂຍ​ບາຍ​ກາ​ນ​ສ້າງວຽກ​ເຮັດ​ງານ​ທຳ​ແມ່ນ​ເປັນ​ບູ​ລິ​ມະ​ສິດ​ໃນ​ນະ​ໂຍ​ບາຍ​ມະ​ຫາ​ພາກ​ຂອງ​ລັດ​ຖະ​ບານ​ເປັນ​ຄັ້ງ​ທຳ​ອິດ.

  • ການ​ເປີດ​ປະ​ຕູ​ສູ່​ພາຍນອກ​ຂອງ​ຈີນ​ເປີດ​ກວ້າງອອກ​ຢ່າງ​ຮອບ​ດ້ານ ວິ​ສ​າ​ຫະ​ກິດ​ທຶນ​ຕ່າງ​ປະ​ເທດ​ທີ່​ສ້າງໃໝ່​ເພີ່ມ​ຂຶ້ນ​ເກືອບ 70%

    2019-03-05 10:27:40 

        ມື້​ນີ້ ລັດ​ຖະ​ບານ​ຈີນ​ກ່າວ​ວ່າ, ປີ 2018 ການ​ເປີດ​ປະ​ຕູ​ສູ່​ພາຍນອກ​ຂອງ​ຈີນ​ເປີດ​ກວ້າງ​ອອກ​ຢ່າງ​ຮອບ​ດ້ານ, ​ສະ​ພາບ​ແລດ​ລ້ອມ​ການ​ດຳ​ເນີນ​ທຸ​ລະ​ກິດ​ຖືກ​ຈັດ​ອັນ​ດັບ​ໃນ​ສາ​ກົນຖີບ​ສູງ​ຂຶ້ນ​ຢ່າງ​ຫຼວງ​ຫຼາຍ, ການ​ຮ່ວມ​ກັນ​​ສ້າງ “ໜຶ່ງ​ແລວ​ໜຶ່ງ​ເສັ້ນ​ທາງ” ໄດ້​ຮັບ​ຄວາມ​ຄືບ​ໜ້າທີ່​ສຳ​ຄັນ. ​ສາ​ມາດ​ດຶງ​ດູດ​ການ​ລົງ​ທຶນ​ຂອງ​ຕ່າງ​ປະ​ເທດ 138,3ຕື້​ໂດ​ລາ, ເປັນ​ອັນ​ດັບ​ທີ 1 ໃນ​ປະ​ເທດ​ພວມ​ພັດ​ທະ​ນາ, ອັດ​ຕາ​ສ່ວນພາ​ສີ​ຫຼຸດ​ລົງ​ຈາກ 9,8% ຮອດ 7,5%. ຈີນ​ເປີດກວ້າງການ​​ລົງທຶນ​ຕ່າງ​ປະ​ເທດ​ເຂົ້າ​ຂົງ​ເຂດ​ທີ່​ຈີນ​ເຄີຍ​ສະ​ຫງວນ​ໄວ້ຢ່າງ​ຫຼວງ​ຫຼາຍ, ເປີດກວ້າງ​ການ​ເປີດ​ປະ​ຕູ​ສູ່​ພາຍນອກ​ໃນ​ຂົງ​ເຂດ​ຕ່າງໆ ເຊັ່ນ, ການ​ທະ​ນາ​ຄານ ແລະ ລົດ​ຍົນ​ເປັນ​ຕົ້ນ, ໂຄງ​ການ​​ລົງ​ທຶນ​ຂອງ​ຕ່າງ​ປະ​ເທດ​​ທີ່​ສຳ​ຄັນ​ຈຳ​ນວນ​ຫຼາຍ​ເລີ່ມ​ຈັດ​ຕັ້ງ​ປະ​ຕິ​ບັດ, ວິ​ສາ​ຫະ​ກິດ​ທຶນ​ຕ່າງ​ປະ​ເທດ​ທີ່​ສ້າງ​ໃໝ່​ເພີ່ມ​ຂຶ້ນ​ເກືອບ 70%.

    ການ​ເປີດ​ປະ​ຕູ​ສູ່​ພາຍນອກ​ຂອງ​ຈີນ​ເປີດ​ກວ້າງອອກ​ຢ່າງ​ຮອບ​ດ້ານ ວິ​ສ​າ​ຫະ​ກິດ​ທຶນ​ຕ່າງ​ປະ​ເທດ​ທີ່​ສ້າງໃໝ່​ເພີ່ມ​ຂຶ້ນ​ເກືອບ 70%

    ການ​ເປີດ​ປະ​ຕູ​ສູ່​ພາຍນອກ​ຂອງ​ຈີນ​ເປີດ​ກວ້າງອອກ​ຢ່າງ​ຮອບ​ດ້ານ ວິ​ສ​າ​ຫະ​ກິດ​ທຶນ​ຕ່າງ​ປະ​ເທດ​ທີ່​ສ້າງໃໝ່​ເພີ່ມ​ຂຶ້ນ​ເກືອບ 70%_fororder_(中欧班列)2018年12月3日,从乌鲁木齐开往那不勒斯的中欧班列启动。

  • ຈີນ​ສຳ​ເລັດ​​ເປົ້າ​ໝາຍຕົ້ນ​ຕໍ​ດ້ານ​ການ​ພັດ​ທະ​ນາ​ເສດ​ຖະ​ກິດ​ສັງ​ຄົມ​ປີ 2018

    2019-03-05 10:00:42 

    ວັນ​ທີ 5 ມີ​ນາ​ນີ້, ທ່ານຫຼີ​ເຄີ້​ຊຽງ, ນາ​ຍົກ​ລັດ​ຖະ​ມົນ​ຕີ​ຈີນ​ກ່າວ​ວ່າ, ປີ 2018 ເປັນ​ປີ​ທຳ​ອິດ​ທີ່​ລັດ​ຖະ​ບານ​ຈີນ​ຊຸດ​ນີ້​ປະ​ຕິ​ບັດ​ໜ້າ​ທີ່​ການ​ບໍ​ລິ​ຫານ, ເຖິງວ່າ​ໄດ້​ຜະ​ເຊີນ​ກັບ​ສະ​ພາບ​ການ​​ອັນ​ຫຍຸ້ງ​ຍາກ​ສັບ​ສົນ​ທີ່​ບໍ່​ຄ່ອຍ​ພົບ​ພໍ້​ໃນຫຼາຍ​ປີ​ຜ່ານ​ມາ, ແຕ່​ຈີນ​ຍັງ​ໄດ້​ສຳ​ເລັດ​​ເປົ້າ​ໝາຍຕົ້ນ​ຕໍ​ດ້ານ​ການ​ພັດ​ທະ​ນາ​ເສດ​ຖະ​ກິດ​ສັງ​ຄົມ​ໃຫ້​ລຸ​ລ່ວງ​ໄປ​ດ້ວຍ​ດີ​ໃນ​ປີ 2018. ການສູ້​ຊົນ​ສ້າງສັງ​ຄົມ​ອີ່ມ​ໜຳ​ສຳ​ລານ​ໃຫ້​ສຳ​ເລັດ​ຢ່າງ​ຮອບ​ດ້ານ​ນັ້ນ​ໄດ້​ຮັບ​ຄວາມ​ຄືບ​ໜ້າ​ໃໝ່​ທີ່​ສຳ​ຄັນ.

    ລວມຍອດຜະລິດຕະພັນພາຍໃນ ໄດ້ເພີ່ມຂຶ້ນ 6,6%,​ຫຼື​ມີ​ມູນ​ຄ່າ ຫຼາຍກວ່າ 90.000 ຕື້ຢວນ.​ສາ​ມາດ​ສ້າງວຽກ​ເຮັດ​ງານ​ທຳ​ໃຫ້​ຄົນ​ພາຍ​ໃນ​ຕົວ​ເມືອງເພີ່ມຂຶ້ນ 13,61 ລ້ານຄົນ,ປະຊາກອນຜູ້ທຸກຍາກໃນຊົນນະບົດໄດ້ຫຼຸດລົງ 13,86 ລ້ານຄົນ, ລາຍຮັບທີ່ສາມາດຈັບຈ່າຍໄດ້ທີ່ສະເລ່ຍ​ຕໍ່ຫົວຄົນຂອງປະຊາຊົນ ໄດ້ເພີ່ມຂຶ້ນ 6,5%.

    ຈີນ​ສຳ​ເລັດ​​ເປົ້າ​ໝາຍຕົ້ນ​ຕໍ​ດ້ານ​ການ​ພັດ​ທະ​ນາ​ເສດ​ຖະ​ກິດ​ສັງ​ຄົມ​ປີ 2018_fororder_GDP

  • ອົງ​ການ​ອຳ​ນາດ​ສູງ​ສຸດ​ຂອງ​ຈີນ​ຈັດ​ກອງ​ປະ​ຊຸມ​ປະ​ຈຳ​ປີ

    2019-03-05 09:26:16 

    ຕອນ​ເຊົ້າວັນ​ທີ 5 ມີ​ນານີ້, ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນ ເຊິ່ງ​ເປັນ​ອົງ​ການ​ອຳ​ນາດ​ສູງ​ສຸ​ດ​ຂອງ​ຈີນ​ຈັດ​ກອງ​ປະ​ຊຸມ​ປະ​ຈຳ​ປີ​ຢູ່​ນະ​ຄອນ​ຫຼວງ​ປັກ​ກິ່ງ. ທ່ານ​ສີ​ຈີ້ນ​ຜິງ, ຜູ້​ນຳ​ພັກ​ແລະ​ລັດ​ຈີນ​ທ່ານ​ອື່ນໆ, ​ພ້ອມ​ດ້ວຍ​ຜູ້​ແທນ​ປະ​ຊາ​ຊົນ​ທົ່ວ​ປະ​ເທດ​ເກືອບ 3000 ​ທ່ານ​ເຂົ້າ​ຮ່ວມ​​ພິ​ທີ​ເປີດກອງ​ປະ​ຊຸມ​ຄັ້ງ​ທີ 2 ຂອງ​ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນ​ສະ​ໄໝ​ທີ 13. ທ່ານ​ຫຼີ​ເຄີ້​ສຽງ ນາ​ຍົກ​ລັດ​ຖະ​ມົນ​ຕີ​ຈີນ​​ຂຶ້ນ​ຜ່ານ​ບົດ​ລາຍ​ງານ​ວຽກ​ງານ​ຂອງ​ລັດ​ຖະ​ບານ​ໃນ​ໜຶ່ງ​ປີ​ທີ່​ຜ່ານ​ມາ​ໃນ​ກອງ​ປະ​ຊຸມ, ສະ​ເໜີ​ຂໍ້​ສະ​ເໜີ​ຕໍ່​ວຽກ​ງານ​ໃນ​ປີ​ນີ້, ແລະ​​ຍື່ນ​ໃຫ້​ກອງ​ປະ​ຊຸມ​ນຳ​ໄປ​ພິ​ຈາ​ລະ​ນາ.

    ອົງ​ການ​ອຳ​ນາດ​ສູງ​ສຸດ​ຂອງ​ຈີນ​ຈັດ​ກອງ​ປະ​ຊຸມ​ປະ​ຈຳ​ປີ_fororder_1210073429_15517503932581n