ທາງລົດໄຟລາວ-ຈີນ ເປັນໂຄງການທີ່ໄດ້ຮັບຄວາມສົນໃຈຢ່າງກວ້າງຂວາງ ເຊິ່ງຈະເປີດນຳ ໃຊ້ໃນເດືອນທັນວາປີນີ້, ພາຍຫຼັງການເປີດນຳໃຊ້ທາງລົດໄຟລາວ-ຈີນ ການເດີນທາງຂອງປະຊາ ຊົນຈະວ່ອງໄວ ແລະ ສະດວກສະບາຍຫຼາຍຂຶ້ນ, ເຊິ່ງຈະພາໃຫ້ເສດຖະກິດ-ສັງຄົມຂອງ ສປປ ລາວ ມີການພັດທະນາຢ່າງກ້າວກະໂດດ. ເພື່ອລະນຶກເຖິງປະຫວັດການກໍ່ສ້າງອັນສະຫງ່າງາມ ແລະ ການຜ່ານຜ່າອຸປະສັກ, ການເບິ່ງແຍງເຊິ່ງກັນແລະກັນ, ການຈັບມືກ້າວເດີນໄປພ້ອມກັນຂອງລາວ ແລະ ຈີນ; ເຮັດໃຫ້ຂະບວນລົດໄຟລາວ-ຈີນ ທີ່ແລ່ນຢູ່ໃນຜືນແຜ່ນດິນລາວເຕັມໄປດ້ວຍສຽງ ເພງທີ່ ມ່ວນ ແລະ ໜ້າອອນຊອນ, ນຳພາເສັ້ນທາງລົດໄຟລາວ-ຈີນ ໃຫ້ກ້າວເຂົ້າສູ່ຊີວິດຂອງປະຊາຊົນ ແລະ ເຂົ້າໄປເຖິງຈິດໃຈຂອງມວນຊົນ. ບໍລິສັດທາງລົດໄຟລາວ-ຈີນຈໍາກັດ ໄດ້ເປີດກິດຈະກຳການ ແຂ່ງຂັນແຕ່ງເພງ "ລົດໄຟລາວ-ຈີນ" ໃນຂອບເຂດທົ່ວປະເທດຂຶ້ນ. ບໍລິສັດທາງລົດໄຟລາວ-ຈີນ ໄດ້ມອບສິດໃຫ້ CRI ພຽງຜູ້ດຽວ ໃນການເຜີຍແຜ່ຜົນ ງານເພງທັງໝົດໃນຄັ້ງນີ້, ບຸກຄົນອື່ນໆ (ຍົກເວັ້ນເຈົ້າຂອງເພງ), ສື່ມວນຊົນ, ພາກສ່ວນອື່ນໆສາມາດ share ເພງໄດ້ ແຕ່ບໍ່ສາມາດອັບໂຫລດໃໝ່ ຫຼື ນຳໃຊ້ໃນທາງອື່ນໂດຍບໍ່ໄດ້ຮັບອະນຸຍາດຢ່າງ ເດັດຂາດ ຜົນງານທີ່ສົ່ງເຂົ້າປະກວດ ແລະ ຜ່ານການຄັດເລືອກຮອບທຳອິດນີ້ແມ່ນລິຂະສິດສົມບູນຂອງ ຜູ້ແຕ່ງ, ຜູ້ອື່ນບໍ່ສາມາດເອົາໄປນຳໃຊ້ ຫຼື ດັດແກ້ລິຂະສິດເພື່ອນຳໃຊ້ເຂົ້າໃນວັດຖຸປະສົງສ່ວນຕົວ, ທາງການຄ້າ ຫຼື ຈຸດປະສົງອື່ນໆ ທີ່ໝາຍເຖິງການລະເມີດລິຂະສິດຂອງເຈົ້າຂອງເພງຢ່າງເດັດຂາດ.
