ຕາມຂ່າວCRI: ໃນຕອນເຊົ້າຂອງວັນທີ 5 ເມສານີ້, ຢູ່ບໍລິເວນທະເລ ຂອງແຂວງມາລູຄູເໜືອຂອງອິນໂດເນເຊຍໄດ້ເກີດໄພແຜ່ນດິນໄຫວລະດັບ 6 ລິກເຕີ, ປັດຈຸບັນນີ້ຍັງບໍ່ທັນມີການລາຍງານກ່ຽວກັບຜູ້ບາດເຈັບເສຍຊີວິດ ແລະຄວາມເສຍຫາຍດ້ານຊັບສິນເທື່ອ.
ອີງຕາມຂ່າວຂອງເວັບໄຊກົມອຸຕຸນິຍົມ,ດິນຟ້າອາກາດແລະຟິຊິກສາດໜ່ວຍໂລກຂອງອິນໂດເນເຊຍແຈ້ງວ່າ: ໄພແຜ່ນດິນໄຫວໄດ້ເກີດຂຶ້ນໃນເວລາ 8 ໂມງ 44 ນາທີຕາມເວລາ ນະຄອນຫຼວງວຽງຈັນປະເທດລາວ, ໃຈກາງແຜ່ນດິນໄຫວເກີດຂຶ້ນຢູ່ເຂດທະເລຕາເວັນຕົກສຽງເໜືອຂອງເມືອງຮາມາເຮຣາຕາເວັນຕົກແຂວງມາລູຄູເໜືອ, ເລິກລົງພື້ນດິນ 10 ກິໂລແມັດ. ແຮງສັ່ນສະເທືອນສາມາດຮັບຮູ້ໄດ້ຢູ່ເກາະດອນທີ່ຢູ່ໃກ້ກັບໃຈກາງແຜ່ນດິນໄຫວ.