ໃນງານວາງສະແດງສິນຄ້ານຳເຂົ້າສາກົນຈີນ ຫຼື CIIE ຄັ້ງທີ 7, ມີວິສາຫະກິດ 3496 ແຫ່ງທີ່ມາຈາກ 129 ປະເທດໄດ້ເຂົ້າຮ່ວມງານວາງສະແດງໃນນາມວິສາຫະກິດ. ໃນງານຄັ້ງນີ້ໄດ້ແບ່ງອອກເປັນ 6 ຄຸ້ມໃຫຍ່ ຄື: ອາຫານ ແລະ ຜະລິດຕະພັນກະສິກຳ, ລົດຍົນ, ເຄື່ອງຈັກອຸປະກອນ, ເຄື່ອງບໍລິໂພກ, ອຸປະກອນການແພດ, ແລະ ການຄ້າດ້ານການບໍລິການ, ເຊິ່ງໄດ້ສ່ອງແສງເຖິງບົດບາດທີ່ເປີດກວ້າງການນຳເຂົ້າ ແລະ ຊຸກຍູ້ໃຫ້ທຸລະກິດການຄ້າດຳເນີນໄປຢ່າງໂລ່ງລ່ຽນ.

ໃນຊຸມປີຜ່ານມານີ້, ວິສາຫະກິດຜູ້ເຂົ້າຮ່ວມງານວາງສະແດງ CIIE ໄດ້ເປີດຮ້ານໃໝ່ ໂຮງງານໃໝ່ ແລະ ສູນຄົ້ນຄວ້າໃໝ່ເລື້ອຍໆ, ນະວັດຕະກຳ ເຕັກໂນໂລຊີ ແລະ ການບໍລິການແບບໃໝ່ຂອງໂລກນັບມື້ນັບຫຼາຍຂຶ້ນກາຍເປັນສິນຄ້າຮູບປະທຳ ແລະ ປ້ອນເຂົ້າຕະຫຼາດຈີນ. ກຳລັງບົ່ມຊ້ອນຂອງຈີນທີ່ເປັນຕະຫຼາດຂະໜາດໃຫຍ່ພິເສດຖືກຂຸດຄົ້ນອອກຢ່າງບໍ່ຢຸດຢັ້ງ. ວິສາຫະກິດຂ້າມຊາດເຫຼົ່ານີ້ບໍ່ພຽງແຕ່ເປັນສັກຂີພິຍານ ທັງເປັນຜູ້ປະກອບສ່ວນເຂົ້າໃນການພັດທະນາເສດຖະກິດສັງຄົມຂອງຈີນ.

ການຈັດງານວາງສະແດງ CIIE, ກໍຄືການຍຶດໝັ້ນນະໂຍບາຍເປີດກວ້າງການເປີດປະຕູສູ່ພາຍນອກ, ໄດ້ສ່ອງແສງເຖິງຄວາມໝັ້ນໃຈ ແລະ ຄວາມຕັດສິນໃຈຂອງຈີນໃນການຊຸກຍູ້ສ້າງເສດຖະກິດໂລກແບບເປີດປະຕູສູ່ພາຍນອກ.